العام حصلي موقف م انساه😂😭


اخوي قال ي فلانه متئ م بغيتي الحديقه علميني اوديك انتي وعيالك احطك فيها قلت تمام


ف مره من المرات طلبته قال تمام جهزي حالك بروح مشوار واحطك بطريقي مستعجل موفاضي قلت تمام
طلبت امي تمشي معنا قالت الله بسماه المكان الي تروحون له مااروح معكم قلت ماعليك بس اشتريلك واعشيك وكلشي بس امشي قالت لاوالله

المهم قلت يلله براحتك اعلم اختي تجي وقالت اختي اذا فضيت قلت تمام


رحت بذاك اليوم مدري وش النطه الي خلاني اقول لخوي يودينا للحديقه الي الي فيها بقاله صغيوه نرووح لها هاذي يمكن ثاني مره اروح لها بس المره الي راحت زمان وكان معي كاش

كان فيه حديقه تجنن نروح لها اغلب الاوقات انا وعيالي زمان بنفس شارعها فيه سوبر ماركت كبيره ومطعم انزل واشتري كل الي نبيه وبعدها نجلس
والسحب من جوالي ميحتاج صرافه بس قلت م ابيها لقافه >>

المهم ف ذاك اليوم راح عن بالي ادقق ب البقاله والصرافه

والله يسلمكم قال اخوي يلله بسرعه امشي واقوم وامشي واحط شنطة القهوه والشاي والفرشه والمركا

واشيل شنطتي

واركب معه وودانا قال وين تبون اي وحده قلت ال ذيك ودنا لها شكلها حلوه


والله وومسااافه بعيده شوي عن بيتنا قال يووو تاخرت يلله انزلوو بسرعه وانزل انا وعيالي


لما ابد دخلنا والناس والعالم


واختار مكان زين واجلس فيه انا وعيالي

واطلع قهوتي وشاهيي واخم شنطتي الا الجوال مو فيها

يلهوي ادور يمين يسار وين راح😭


ورطه وش اسوي الحين

حتئ علب الماء ماهي معنا

واوقف وعيالي يمه نبي هاذا ويمه اشتري هاذا

يووو كيف الحين اشتري لكم والريال مهو معي

متكله ع الجوال وفيه الصرافه

يربي وش اسوي واوقف عند حرمه تكلم بجوالها شكلها مريح 😂 لما خلصت قلت معليش انا وضعي كذا ابي الجوال اكلم دقيقه قالت ابشري واتصل ع رقم امي مو حافظه غيره
اتصل ماترد مره ثانيه

ثالثه

رابعه
لين ردت الو مين قلت انا فلانه

قالت وش هاذا الرقم وش فيك قلت واحد اثنين ثلاث

قالت انتي خبله منتي بعقلك تنسين جوالك الله يبلشك الحين تبين تبلشيني ماعندي احد يجيبه لك

الحين اتصل ب اخوك

بعدها بشوي اتصلت عليها ها وش سويتي قالت الي وداك يقول بعيد ومافي فاضي وماراح يخلص الا ف الليل واتصلت لك ع فلان قال مالي دخل ومني فاضي
بس خليك لين اشوف احد غيرهم اخوانك الثانين
الي مداوم والي نايم والي متهاوشه معه ميداني اطلبه يقال متزوجه خل زوجها يجي ويجيبها

المهم وهي الحرمه تطلب جوالها وعطيتها

قالت محتاجين شي امانه سمعتني لما اقول لامي ممعي ولاريال حتئ الما مو معي

قالت اسمعي خذي هاذي خمس طعش ريال واعتبريها خمس ريالات مويا و١٠ريالات للعيال

قلت يو تكفين لاوالله احراج قالت اقول مع السلامه ادعيلي وبس .


وانا اروح واشتري علب ما فيهن واشتري بطاط وعصير لعيالي واشتري لي سنكرسه عشان اتحلئ فيها وبزر قلت لعييلي بنستانس يعني بنستانس

والله واجلس بمكاني واتقواه واتحلئ واجلس ابزر ولا قدامي فيه مرجيحتينً فيهن زحاليق وبكل مرجيحه فيها ولد والاولاد يتشابهون اخوان يعني 😂

وانا ارسل عيالي قلت روحو العبو قالو يمه نخاف يضربونا قلت تعالو واخم وهدي واروح ل جمب المرجيحه واحطه وامسك واحد من العيال قلت انزل يحبيبي انزل شوي وهو ينزل قلت اسمع هي الدعوه ماهي استحلال لك ولخوك بس طول اليوم لكم هذيك ولنا هاذي وركبت ولدي فيها 😂😭😩
واجلس بمكاني ع فراشي وابدا اصب لي قهوه

ويجي الولد الي نزلته يفحط عندي ب التراب ويسب ويتفل ويقول انقلعي ي جنيه هاذي مو لكم هاذي لملك سلمان

قلت ان مهداك الله اني لااقوم عليك

قال يلله اتحداتس ويمسك التراب ويرميه وانزل نعلتي وامسكها 😂😭😩 واوقف ويفض

قلت هين بس تعال خلني اوريك

وارجع اجلس ويروح لولدي يبي يضربه واقوم مره ثانيه

بس واضح امهم ماهي موجوده يعني حاطتهم هم والشغاله ورايح

وشغالتهم دليخه تسنها حضي واقفه عنده تضحوك وتهز براسها

قال لي انا اعلم ماما اقوا منك قلت انقلع انت وامك بعد شفتن الي قافله الجوال الي يسليني وناسيته 😭😂😩 واحاول اروق واونس عيالي وطلع لي الملقوف

وانا اضل والولد يتداورر هو واخوه ب المرجيحه الثانيه

وعيالي يجون عندي خايفين مانبي المرجيحه قلت اذا ماتبونها انا ابيها والله ي المقرود انك ماتفرح فيها

واروح اركب بيها واتمرجح😭😂 وعيالي معي تحمسو مستانسين

والولد يناظر لي ويسب ويجي يفحط ويرمي كلام بذيئ

ترا عمره ٨سنين مو كبير حيل

يووو لو يدرولي زوجي واخواني 😂😭رثعو بي


المهم لين بعد المغرب خلاص عاد قلت للولد يعوني اهمشي اني طيبت خاطري 😂😭

واشيل عفشي واروح انتظر جالسه بكراسي بوابة الحديقه من الخارج لعل وعسئ احد من اخواني يجي ياخذني

بعدها جا اخوي بعد صلاة العشاء لي جوالي قال ماتبين تضلين بعد قلت لااخلاص روحني للبيت ماانبي تبي بعد ابلش مره ثانيه ادور الي يوديني ويجيبني 😭😂...


بس ذاك اليوم والله مااا ينسي 😂 بعدها قروب خوياتي لقيتهن مرسلات وينك ماترسلين فقدناك قلت لهن سالفتي 😂😂😂😂 .