هلا بالكروش يالله حيهن نفرتن نفره
عاد احاسيكم من ورا الشاشه والا كان مطخت كل نفره على حده مير العذر والسموحه
جايه اليوم متحمسه ابقولكم على سالفة وحده من صديقاتي ابوسع صدروكم فيها وماابي الا الاجر
تقول اول ما حملت كنت صغيره ذاك الوقت عمري ماتجازو ال18
المهم تقول انا حامل وهي لا توها
الحرمه حملت بعدها بفترة
تقول طول الحمل وانا مكشخه عليها يعني تراي سابقتك
تقول دخلت التاسع والكروش قامت تروح والناس قامت تولد وحده ورا الثانيه
وانا ياغافل لك الله لا ولدت ولا حولي اي شي
واخرتها اخت زوجي الي كنت مشكخه عليها ولدت لااااااااااااااااااااع
تقول من دريت اسودت الدنيا بعيني وقعدت اصييح وضاق صدري حسيت اني موب والده ابد ابد
تقول وانتظر زوجي يجي من دوامه واستلمه عند الباب
اول مادخل تقول شقيت ثوبي وقعدت اصيح قلت اختك ولدت وانا ماولدت كله منك :angry:
هي زوجها مدلعها كل يوم يمسك يديتها ويمشيها بطريق الملك عبدالله ويعشيها باافخم المطاعم ووووو
تقول سكت ودخل ينام ماكلمني
ويوم قام من النوم قالي تجهزي بعد العشا ابوديك تمشين
تقول وانبسط مررره واقعد استعد
تقول وداني لطريق الملك عبدالله
والناس ماسكين يدين حريمهم برقه وبنعومه ويدوب يمشون
تقول وانا ماسكني مع يدي بااقوى ماعنده ويجرجر فيني قدام الناس
تقول الناس مطيرين عيونهم فينا وشسالفتهم ذولي
تقول وانا وكرشتي كل شوي بنتكرفس وابي اوقف بس شوي ابي اتنفس
والله ويدور بي طريق الملك عبدالله يمكن اربع مراااات
الين طحت ماعاد بقا بي شي تقول وياخذني ويوديني لمطعم
وماخلا شي ماطلبه ملا لي الطاوله اكل
تقول بس يناظرني يحتريني مااكل عشان يتكلم
تقول وانا ادب بهالنعمه وماخليت شي على السفره الا ظفيته
ونرجع للبيت وانا مااشوف قدامي ميته تعب وشبعااانه مرره
تقول حطيت راسي وماحسيت بالدنيا الا الساعه عشر
زوجي راح لدوامه مادريت عنه ولا قمت اصلي الفجر ولا شي
تقول قمت والمويات منفجره والدنيا مليانه تحت
وادق على ابونا ويوديني للمستشفى واولد الحمدلله
وتوته توته خلصت الحتوته
Queen Of Ksa @queen_of_ksa
عضوة نشيطة
يلزم عليك تسجيل الدخول أولًا لكتابة تعليق.
بناتي حياتي ؟؟؟
•
ياحليلها والله مبروك ماجابت
الصفحة الأخيرة