سالفة ومشهد القهوة والشاي بكل بيت؟؟؟؟

السلام عليكم ورحمة الله وبركاته

اهلا فيكم حبايبي من جديد

طبعا العنوان مو مبين وش راح يكون بداخله بس انا بعرضلكم مشهد على السريع وكل

وحده فيكم تخاخذلها لفة بخيالها ومذكراتها وتشوف قد مره تكرر هالمشهد بحياتك

الساعه وحده ونص بالليل ورجلك دخل عليكي من بره بسرعه البرق:

بسررررررررررررررعه جهزي الشاهي والقهوه

وانتي طبعا مثل عرايس حيسه متجهزه ومتكشخه !!!!!

- ليش خير احد بيجينا ؟؟؟

- ايه ظيف .......

- ظيف بهالوقت ؟؟!!!!

- اقول بسرعه مافي وقت طالعين وراي

تنقزين من مكانك وانتي ماتشوفين الدرب تتلبخين ما تدرين وش تبين تسوين ولا من وين تبتدين

الفحم .......لاء المويه اول ........لاء الفحم اول ..........وتتلبخين

يصير الحل = ايد تزين الفحم وايد تزين الابريق وايد تحمس القهوة وايد ترص الفناجيل والصينيه وشوشتك مع السرعه انتفشت !!!!!!!! عااااااااااااااادي

وتركزين انك تدورين بالبيت تبخرين عدل

المهم وهو رايح وجاي كان عنده حالة ولادة ؟؟؟ ماصار شي؟؟؟؟؟؟؟ بسرعه

لو هي ولادة ماكان سوى كذا!!!!!

المهم طبعا انتي بهلااثناء اتحولتي من امرأه
حوريه للمرأة الاخطبوطيه ( لا تظحكون ) صدق لو هي 10 ايادي مع هالشغل بيتشابكون

المهم وعقلك مركز بالبرستيج قدام الظيف لازم توجهين رجلك وينقال عند المره السنعه

وعقب ما تنتهي القهوه والشاهي وتقدمينهم وتكتشفين انه لابد من عشا وتصير السهره دبل يعني لابد من اوفر تايم لك ........


طيب سؤال يطرح نفسه

وش سالفة القهوة والشاي مشروبين مترابطين ببعضهم تعني لي راعي البيت الكثير

والحريم كذالك

وانا متاكده تماما اننا لسنا متعطشين لشربها لتوفرها بمنازلنا ولاكن هالمشروبان فرضا

وجودهم على ساحة الضيافه بطريقه عجيبه

وان لم تقدمي قهوة او شاهي وصمتي بقل معرفة الاصول والكرم

فاماهو سر هالمشروبان العجيبان الذي لا بديل لهما من قديم الازل حتى الان بما هو

يحاكي زماننا الان مثل الببسي والعصيرات

سؤال اطرحه عليكم بعد المشهد السابق ولكم مني كل الود