سالفتين مختلفتين حابه ادردش معكم فيها - تعالو

السلام عليكم ورحمة الله


اولا كيفكم حبايبي ان شاءالله بخير ❤️ اسال الله في هذه اللحظه من دخلت وقراءت ان تسعد قلبي وقلبها وتذهب همي وهمها وتفرج كربها .... واهدي قلبي وقلبها
اول سالفه خفيفه لطيفه
في هالايام البارده وانا جالسه بشقتي وماعندي الا طفلي قدر الله وتابعت مسلسل وحبيته
لكن المشكله اني اسرفت بنفسي وبعيوني وبيومين بس شفت ٢٠ حلقه💔😔
لدرجه طلعنا من البيت صارت عيوني تضرب علي من الشمس ومااقدر اشوف الجو 💔 وزوجي يطالع عيوني وخرعني يقول شفيك تطالعين كذا !!!!
ماادري وش شاف بس لاحظ بعيوني شي
قطعت الجوال وانا متحمسه ابي اشوف باقي الحلقات
افكر والناس كيف تسيطر على نفسها ؟!!😒
تخيلو بس اصلي وارجع اكمل للصلاة الثانيه !! او اوكل ولدي او يشغلني شوي
انام واصوات الممثلين براسي 😂😂 مخي حفظ كلامهم .


السالفه الثانيه الثقيله 😒💔💔
الجارحه مدري كيف اسميها لدرجه ودي انساها ومااذكرها
بس حابه اتناقش معكم واتمنى التروي لا حد يروعني ارجوكم الي فيني كافيني .... خايفه وحده تقط كلمه الله يهديها
البارح وانا اصلي العشاء ولدي صغير عمره٣ سنوات يكلمني وانا اصلي قال له ابوه لا تكلم ماما وهي تصلي امك مسلم ابوه دايم يعلمه كذا ......!!!
تخيلو وش قال .....💔💔
قال لا ماما بابح مسلم ماتدخل عرب فالبيت ......
انفجعنا انا وابوه ... قلت وش من العرب ؟ قال رجال
يدخل معه المفتاح يفتح الباب ويدخل البيت😳
قعدت اصارخ عليه واكرر ابيه يغير يبدل في كلامه
ابوه منفجع وساكت بس الحمدلله يثق فيني
(( بس مهما كان اخاف يدخل عليه الشيطان ))
خصوصا هالايام كثير السفر 😒
انا خلاااااص ابي اصيح واهدي نفسي واساله معه مره ؟ قال لا بس رجال 😒 ثنينه✌🏻
ودي اضرب راسه بالجدار قهررررني ... حسيت نزل علي ابتلاااا ، مصيبه
واهدي نفسي
واخر الليل اساله وين كان بابا لما جا الرجال قال جالس بالصاله ... اشوا شوي ابي ابوه يسمع خربطته
انا اتحلطم قدام ابوه ومنقهره اقول تخيل يقول كذا قدام الناس!!💔 وهو على الصامت ولا كلمه
الله يهدي وليدي ويسخره لي ياااارب .