سالفتي اللي محيرتني مع زوجي .. 😭😭

بنات ارجوكمً كل اللي تقرا ماتطنشً ترد لو بنصيحه او كلمه طيبه .. انا متزوجه من تقريبا ٩ سنوات وامورنا مستقره . مشكلة زوجي عنيد ومايحب رفعة الصوت او الصياح .. وانا الله وكيلكم مع الحمل بس نفسيه وهواش .. المهم الوضع تطور واذا صرت اعصب واصيح يمد يده ويضرب واحيانا يسحب شعري ويرميني توصل بعض الاوقات الا اني افقد الوعي مو من قوة الضرب لا .. يعني من الضغط النفسي والقهر .. واجلس متهاوشه معه وزعلانه عليه لين اطفش .. مايعتذر ابدا بس يروح يشتري شي للمطبخ او يجيب للعيال هدايا او يشتري حلا او اي شي يعني افهميها وتعالي تقهوي معي وانسي الموضوع .. المهم الموضوع صار متطور شوي وتهاوشنا مره واحنا عند اهله ونزلت على امه ابكي واعلمها ان ولدها ضربني وقلت لها انا باطلع لاهلي ي عمه ماقدر اتحمل وكذا . عاد هي مسكينه هاوشت ولدها وضاقت الدنيا بعينها وطلبتني اخليها اخر مره .. وسامحته لعيون امه وابوه بس وسكت عن الموضوع ورجعنا جده.. وقبل شهرين صار بيننا سوء تفاهم وانا حامل في ٥ ومد يده وضربني لدرجة اني نزفت وصار عندي نزول في المشيمه.. وسويت نفسي موب زعلانه الين جيت عند اهلي.. ولما وصلت قلت لابوي ماني راجعه معه ابدا . وللحين صامله على رايي ومابي ارجع لين يتأدب ويعرف قدري .. المهم السؤال هنا .. معي حق في اللي سويته اني رافضه ارجع معه ..؟
يكلمني ويراسلني وكأن مافيه شي صار ويقول تجهزي باجي اخذك وارجع اقول له مابيك تجي واذا جيت جب اهلك معك .. انا قصدي ابي امه وابوه يدرون بالموضوع ويعرفون اني زعلانه . وماجاء ولا جابهم .. يقول لي وش تبين ؟؟ تبين اجيب لك رضوه ؟؟ انا ماتزوجت عليك عشان ارضيك .. ولا طلقتك عشان ارضيك .. يعني مستهين فيني لأبعد درجه .. مع العلم ان بيننا حب وهو انسان كريم وطيب ويحبني ومايقصر معي بشي .. بس غلطته انه عصبي واذا عصب يمد يده .. تكفون ساعدوني ي اخواتي لان مافيه احد يدري بهالموضوع غيركم 💛💛💛