كوبونات الراقية تسجيل الدخول

.. آلطرف آلكحيل ..

سالفتي المضحكه لكم .. والمبكيه لي .. //قديم

الحمل والإنجاب •

السلام عليكم ورحمة الله وبركاته

بغيت اقول لكم سالفتي المضحكه لكم .. :hahaha: والمبكيه لي .. :06:

أنا الحين بنص الشهر الثامن وبكريه

واراجع من بداية حملي بمستشفى السلامه الخاص بالخبر \ ورحت حولت لمستشفى الولاده والاطفال وعطوني موعد اراجعهم وموعدي كان اليوم .. المهم مالكم بالطويله

ولما انا كنت بالشهرالسادس اخر مره سويت سونار فيها وقالوا لي 90% بنوته .. :22:

بس الصدمه اني لما رحت الموعد اليوم بالحكومي قالت لي الدكتوره ولد 100% :eek:

قلت : شلوووووووووووووووووووووووون وقلت لها سالفة الدكتوره اللي بالخاص انها قالت لي 90% بنت ..

قالت لي : انا مااقول الجنس الا لما اكون متاكده منه واذا هي تقول لج 90% بنت انا اقول 100% والذكر واااااضح جدا قدامي مافيه شك ..
طبعا هي كانت لافه الشاشه فما شفته :angry2:

وعطوني موعد بعد اسبوعين للاشعه الرباعيه ..

المهم انا انصدمت

تخيلووووووووووو جهزت كل شي وردي من دون استثناء ابدا .. قلت اني بكريه وابي افرح ببكري مابي اخذ محايد وبما انهم قالوا لي 90% بجهز كله وردي ..

........

مع العلم اني قبل كم يوم حلمت حلم غرييييب اني ولدت وطفلي ع السرير معاي بالمستشفى وزوجي جنبي ويقول لي شيلي حفاظته خلينا نشوف بنت والا ولد قلت له لا بعدين وانا ابتسم وجلست اطالع فيه .. بعدها قال لي زوجي انا بطلع مشوار ولما ارجع نفتح الحفاظه مع بعض ونعرف جنسه قلت له طيب .. ولما راح فتحتها من اللقافه وطلعت المفاجأه :o ( ولد ) وكان الحلم فعلا مقلقني وكنت ابي افسره بشدددددددده بس ماصارت فرصه اني افسره ..

.......

وهذا رابط موضوعي بتجهيز بنتي

:(

http://forum.hawaaworld.com/showthread.php?t=1732126


واليوم الصدمه نستني كل شي حتى اسمي :eek:

.......

الزبده اللي ابي اوصل لها من بعد هالهذره كلها

1\ هل فيه وحده صار لها نفس موقفي ؟؟ وايش جابت ؟؟

2\ مين تتوقعون الصادق ؟؟

:06::06:
248
43K

هذا الموضوع مغلق.

ريم ماليزيا
ريم ماليزيا •
ياربي على الفشيلة والله انك احزنتينى معك وانا كمان خايفة يطلع كلامه غلط ويطلع ولد
بس انت حبيبتى حلمك يفسر انها بنت مو ولد لان التفسير بلعكس على ما اعتقد ومعليش لا تحزنى المهم هو او هى بسلامة وماقالو لك انه فيه شى تخيلى واحمدى الله وروحى اشترى اشياء بيضا للولد وخلي ملابس البنوتة للحمل الجاى ان شاء الله ولا تزعلى
][حبيبة زوجها][
][حبيبة زوجها][ •
هلا حياتي

والله انا لحد ماولدت بنتي ماكان مبين بس حماتي جهزت كل شي لانه اول ولد لها يتزوج ويخلف

وسبحان الله جهزت كل شي وردي كنها حاسه


حبيت ادعيلك انه الله يوقف معك يارب وينولك اللي في بالك

وان شاء الله البنات يفيدونك
ام شهوده وتروكي
ام شهوده وتروكي •
هذا احنا نطير على الوردي طيران يهبل
اما انا ما صار لي مثلك والله يتمم لك على خير
شمووخ عـزي
شمووخ عـزي •
يؤيؤيؤيؤيؤ


الله ستر بسسس


والله اني خااااااااايفه وشاكه لاني مثلك قالو لي شي وحلمت بشي محيرني

والله قهررررر التجهيزات تروح خساره وانا بعد مااخذت الوان محايده ابدا

يالله ربي يرزقك الطفل السليم المعافى سواء بنت او ولد
.. آلطرف آلكحيل ..
.. آلطرف آلكحيل .. •
مشكورات يالغاليات

وربي يستجيب منا ومنكم

:(