السلام عليكم ورحمة الله...
بقولكم سالفتي من اول زواجي وتكفون ابيكم تساعدوني...
اللي بتنصح راضيه واللي بتلومني رااضيه واللي بتجرح رااضيه لاني استاهل...
انا تزوجت بعد ثالث ثانوي مباشرة ولي الى اليوم4 سنوات من تزوجت..
دلوعة اهلي وتربيت بوسط عائلة انو الحرمه هي الاقوى وكلمتها مسموعه ومرفهه على الاخر...
تزوجت زوجي اكبر مني بـ10 سنوات ..
(واعتقد هينا المشكلة بسبب اختلاف التفكير)
انا جميله ودلع ومثقفه واطبخ ونظيفة جداا وكشخه(بس بالبيت مااكشخ ولاالبس لان زوجي يقول ابيك بجلابيات وارواب!!).. لساني طويل واللي يغلط علي ارمي عليه كلام
واخص هينا زوجي.. اقوله لو زعلني او تهاوش معاي كل تبن انطم ضف وجهك.. :44:هوو يمسك لسانه بس يسب سب عادي مثلا لايكثر اسكتي ولا كلمة اقلبي وجهك
........................................................
بعدين تزوجت وكان في بالي اني بدج مع زوجي ويكوووووووووون فري كنت ابيه يقولي مااعترف بالغطاء
ابيه زي عيال عمه وازواج صحباتي ابيه فري على قولتهم..
وزوجي عكس هالشيء تماماا ..
مايبيني البس كعب عالي اذا طلعت حتى لو ماله صوت مايبيني اخذ راحتي باللبس كثير خاصة قدام اهله
مايبيني اكشف.. ماايبيني لاخرجت احط كحله ومسكره والبس خاتم او عباية ضيقة...
طبعاا انا هذا الشيء ماكنت متعوده عليه عند اهلي...
اهلي ماكانو يخلوني اكشف بس الباقي عادي
وكنت ابي اتزوج وافلها واكشف
...........................................
بعدين من تزوجت لي 4 سنوات استحاله يمر اكثر من 3 ايام واحنا متصافين لازم تصير زعله او مشكله..
كذا مرا رحت بيت اهلي زعلانه..
زوجي اللي يقهرني فيه كذا مره صدته يخونني مراا بالمسنجر ومره جوال ووو... بس بدون علاقات جنسيه بس مكالمات.. يعني تخيلوو كنت متزوجه مالي ولا سنه واكتشف زوجي يخوني مع وحده ويتغزل فيهااا.. :icon33:
المصيبه انها بشعه جداا اللهم لاشماته بس من القهر...
تخاصمنا وتراضينا...
وحدا دلتني علة وحده تقول بكلمها تقولي اذا زوجك يعرف بنات ويخونك وهذي الحرمه زي الساحره
بسوريا.. واخذت اسم ام زوجي وتقول انتبهي منه ترى خاين ويقابل بنات ويكلم انا هينا تجننت صرت اشك فيه بجنون
مرت السنين واكتشف انو زوجي مايخلف ومخبي عني وهوو واهله ومخططين يخبون علي..
كيف اكتشفت دائما يخبون التحاليل وكذاا وينقلونه من مستشفى لاخر الين اكتشفت بنفسي صعوبة الخلفه عنده... انا هينا انهرت وانعفست حيااتي وصرت حسااااسة ومااتحمل نفسي..
ليش لانه سنتين يشوفني من مستشفى لثاني واضرب ابر واموت نفسي بالتمريخ الين تنفخت
وانهلكت وتدمرت وساااااااااااكت وانا في عذااب وانهيار نفسي وجدسدي ويشهد ربي كنت مااقدر امشي من كثر ماتنفخ جسمي وصار ياالمني من الابر والابر التفجيريه والخرابيط...
وانا زي الهبلااا اظرب فيهااا وحسبي الله عليهم اللي ماعلموني ان ولدهم فيه بلا... لو هم صدقوا من البداية وصارحني كان قلت يحبني وفيه امل :mad:
صارت بينا مشاكل رحت لاهلي وانا تعبانه قال ابوي اقعدي عندنا ويتعالج او يطلقك وكنت اكابر واقول اوكي يطلقني لو ماتعالج وزوجي مااعرف وش صار معاه او شعوره لاني تاركته
ولاكن رجعت له وهو لسى يتعالج..
.........................................................
زوجي حسيته بعد الاربع سنين هذي مو طاايق وجهي يمكن لانه حس انو انا جرحته كثير دائما كل اسبوع اتخاصم معاه وهو مايقصر بعد يهاوش ويغلط ويهدد بس ماايتلفظ علي الفاض وسخه ولايضرب..
اخر شيء قبل فتره راح عند امه يبكي يبكي زي اللي يبكي على واحد مات من اهله قالت امه تعوذ من ابليس قال احسن خليني ابكي ااه ياايمه قلبي مفقوع خليني وتخيلوو لايكلمني ولا يتفاهم معاي...
يعني يشكي مني عند امه انا انقهرت ليه يسوي كذاا
اللي قاهرني انو زوجي زي الخاتم بااصبع امه كلمه توديه وكلمه تجيبه وتخيلوو مافي شيء في شغله او حياته الا تعرف فيه امه واناا يعني اي شيء اعرفه لازم امه تعرفه زي ماتقولون دلووعهاا وكلمته هوو وامه الصح واحنا الغلط.. مايعرف يتناقش معاي يخليني غلط ويروح يشكي لاهله خاصه امه وخالته..
يعني قاعد يخرب نظرتهم لي مع انهم محتارين يقولون مانصدق
لاني طيبه وعمري مااذيتهم وحاطتهم بعيني واهديهم واكلمهم ولا احب حركات الشر والغيره وحركات نقل الكلام
يعني عارفه حدودي .. زوجي قام يسوي سياسة عجيبه يشتكي مني قدام اهله ويقول اني اسوي فيه واقول فيه والمصيبه اكتشفت انه اي شيء ارسله له رسائل يرسله لامه..:icon33: يعني فضيحه انا ارسله واغلط عليه وقت ماانا متخاصمه معاه لانه مايرد علي فاارسل مسجات بس مااسب لا اهدد واعاتب بس كلام قوي وتجريح
يعني اقول احمد ربك صابره عليك وانت ماتخلف ...
.........................................
اخر شيء صار كنت بروح لاخته قال غيري جزمتك قلت مو فاضيه بعدين قام زعل ومايكلمني يوم كامل
قمت عصبت وقلت احمد ربك يالخاين صابره عليك وعمري ع اللي شفته منك ماعاملتك كيذاا
وقلتله خلني ساكته ماابي اجرحك زياده..(اقصد بالعقم) يعني ذليته بالعربي..
........................................
لاكن ركزوا على هالنقطه هو بطل خيانات والله العالم من سنه تقريبااا... لاكن مازلت بتجريحه واذكره بماضيه
واهدده اني افضحه قدام الناس طبعا انا قلت لاهله كلهم وخالاته بسوالفه .. ووريتهم الصور والرسائل لين ماصار له وجه
وهو الحين يبي ينتقم مني ويخرب علي قدامهم راح كلم امه قالها خلاص دورولي عروس جديده تفهمني وتقوم بواجباتي... انا زاد انهياري... والحين هوو مهدد يقول والله لاربيك واعلمك ان الله حق..
هذا التهديد اليوم
وربي مراا خااايفه...
.................................
بس بقولكم شيء ابوي هوو اللي كرهني بزوجي يقول ندمت زوجتك اياه مع انه طيب وحنون ومدلعني ومايرفض لي طلباتي كل مااروح لابوي يقولي اكره زوجك لو صبرنا مازوجناك انتي استعجلتي ويسب وكرهني فيه
صرت اشوفه عدوووووي وانه خاين ولو يحبني ماخاني وعقيم وصار ابوي يقولي والله بكره انه يرميك ويتزوج عليك
انتي عنده زي المزهريه لا كبرت وكذاا تزوج علي وانا اكلها مين يتزوجني بعدين.. يوقولي ابوي لو يبيك كان سوا اطفال انابيب زي الرجال اللي يبون زوجاتهم وزوجي اعرف انه مادياا مو مره بس يقدر بس موو مره يعني.. واهلي مو راضين يفهون تعبت منهم
:icon33:
تعبت مره تعبت من جهة زوجي ومن جهة اهلي..
المشكله خوفي اتطلق ويذلوني اهلي واهلي تفكيرهم شوي في امور الطلاق رجعي
وذل اخاف اذا رجعت مافيه مصروف زي اللي يعطيني زوجي واخاف يحرموني مثل قبل من الطلعات ومن اللي نفسي فيه يعني مراا اخااف يقولون لي يامطلقه ويجروحوني وخوفي بكره اضطر انتحر... :mad:
زوجي سفرني كل مكان بالعالم وكل مكان في السعودية مع انه مديون وراتبه عادي جايبلي احسن وافخم اثاث
بس انا مو عارفه اتعايش مع عقمه وقعدتي وحيده بدون اطفال وسالفته الجديده يطلب من اهله يخطبون له
لاكن مااعرف هوو بنيته الزواج او تهديد لي للعلم انه اتصل بااهلي قال تعقلونها او بتزوج عليهاا
بنات مو عارفه وش اكتب او ايش اقول بس شرحت لكم ظروفناا ووضعناا
هل انا غلطانه!! هل تحسون زوجي بيتزوج وادعولي مايتزوج... انا مااعرف وش اسوي انصحوني
مرات اقول يحمد ربه صابره عليه بدون اطفال ومرات اقول احمدي ربك ماتلاقين مثله
بس مقهوره منه انه تفكيره غير عني هوو كاانه شايب انا عمري بااول ال20 وهوو 33 تقريباا وتصرفاته مثل الشيبان انا علمته كيف يلبس وكيف يتنظف وكيف يستخدم العطور ومزيلات العرق يسوي اشياء وسخه قدامي
يعني مو لبق انا كان بخاطري واحد فله فري حلووو غني مهندس مثلااا
والمصيبه اني انساانه مو قنوعه ابدااااااااااااااااااااااااااااا... وداائمااا افكر اخونه وحاولت اكلم...
وللحين افكر اخونه اقول يمكن الاقي واحد غني وحلوو واكبر مني بكم سنه يحبني ويتزوجني
غير كذاا انا ناادراا مااطبخ لزوجي مااحب اكره اطبخ بس تلاقوني انظف وامسح
وصحيح كشخه والبس ماركات بس قدام الناس زوجي لااااا لانه هوو يقول مااحب قدامي العريان والقصير ابي
اروااااااااااااااااااااااااب :mad: بالله فيه زوج كذااا كرهت السوق وملابس النوم منه
شعري ناعم على شوية تجاعيد المه ومااحط ولانقطة مكياج...
لاني اذا حطيت مكياج يتطنز علي
يقولي ابي حرمه حرمه تهتم فيني وفي لبسي واكلي وتقعد معاي وتترك كل شيء والله مافهمته اذا قعدت معاه يقعد ساكت وملابسه من المغسله للدولاب وش اجهز فيها!! لاني مااغسل بالبيت
يعني وش اسويله مااعرف!! دلع ومدلعته هدايا واهديه رومنسيات وشموع اسويله يعني وش يبي!!
ووش يقولي يقولي اكره الحريم المدلعات مثلك!! وش اسوي توني صغيره كيف يبيني اتكلم ودلوعة اهلي
يبيني امثل يعني اني مره !! انا طيبه جداا ونسبت تفكيري عاديه يعني مو ذكيه وافهمها ع الطاير زوجي ذكي جداااا وينقهر مني يقول خلي الرجه والهباله والدجه ابيك رزينه وراكزه بالله كيف؟؟!!
والله منهااره مره افكر مرات انتحر ومرات اقول مالك الا الصلاة والدعاء اصلي اجي بدعي يربط لساني استغفر الله كنت محافظه على صلاتي بس شفت زوجي مايركعها الا بالسنه مره قمت اتهاون فيهااا...
وركزووا بعد انوووووووو زوجي مااااااااااااااااااااااااااااايصلي الا نادرااا...
وغير كذاا زي المريض يقعد يغني ويتكلم مع نفسه كثييييير
ادخل الاقيه يتكلم بالحاله بالسيارة يتكلم بالحاله :angry:
اخاف فيه مرض نفسي
بنات ساعدوني ابي اعيش تكفون حطولي روابط اعطوني تجارب لكم خاصه اللي زوجها بعمر زوجي وتفكيره تفكير ارواب وقهوة وشيبان.. ووش هي البوصله اللي يقولون؟؟!!
كلامي مخربط بس شرحت لكم كل حالتي...
انا هالسنه تحرجت من الجامعه بس احس بملل
ووحده مااحب اروح لاهلي لان ابوي يغثني بزوجي
ولااحب اقعد مع زوجي لانه نتهاوش
والحين متهاوشين ومهددني
مااعرف كيف اتصرف
احسه مو بس بيتزوج لا بيطلقن ويطرندي بعد
مع اني قلتله ودني بيت اهلي
قال مافيه خرجه من البيت:27:
يمكن يبيني الله اعلم
تحسون احتج دكتور نفسي..!!
مجرووحة @mgrooh
عضوة جديدة
سالفتي كلها من اول زواجي الين قرر زوجي يتزوج اللي في خاطرها شيء تقوله/ مجروحه ومهمومه
309
50K
يلزم عليك تسجيل الدخول أولًا لكتابة تعليق.
الله يكون بعونك استخيري الله بوضعك عادي تعيشين عمرك بدون اطفال؟؟؟؟ وفيه شي سوتيه انا اشوفه اكبر غلط تفضحينه عند اهله ؟؟فبصراحه ما الومه لو سوا فيك اي شي
الصفحة الأخيرة
انا سمنت وجابت لي هالسمنه عقده وزني 70 تقريبااا وصرت اكره الروحات والجيات والناس...
قعدتي ببيتي اكرههااا ابي اروح اتمشى يوميااا بس مو ازور احد..
احب ارتب بيتي وابخره واسنعه وااشغل شموع وفواحات..
بس اهتمام خااص بزوجي مااعرف الا اللي قلته لكم فوق.. لاتقولوون اسااليه ساالته مااخذت جواب زين يقول من غير مااقول انتي افهمي..
بنات انا مااسمع اغاني الا ناادرااا... ومالي في الدين الا صلاتي فقط...
مالقيت صديقة صادقه كلهم وسخات وخاينات وخدعوني...
ماصرت اثق باارقب الناس احس حياتي مع زوجي دمار نفسي ومعنوي...
ماابي اتطلق وبنفس الوقت ابي اتطلق
اقووووووووووووووولكم ماعرفت لنفسي....