زوجك مايصلي :o
أول شئ أهتمي بصلاتك وأعيني زوجك على الصلاة اذا اذن قولي له قم صل وخليه يشوفك وانت تصلين واذا كنتوا بالسياره وأذن قولي وقف وصل بالمسجد
الخطوه الثانيه : خلي عنك الالفاظ الشينه وأمسكي لسانك قدر الامكان
ثالثا : اهتمي ببيتك خلك مره سنعه أطبخي وريه السنع على اصوله
رابع شئ : لاتخلين ابوك يتكلم ويسب رجلك وضحي لابوك انه زوجك ماتراضين احد يسبه انت تكرهه هذا خله بقلبك لانك تجرحن اذا سبيت رجلي قدامي
خامسا: لاتهزبين رجلك بعقمه ياتقبليه على ماهو يا مع السلامه روحي لاهلك
سادسا : اسراركم خليه بينكم وشوله الجدران الا للستر
لك ودي

اسمعي وانا اختك

ترا ان تزوج عليك بينساااااااااااااااااااك

تدرين ليه لان ما فيك شي مميز

دلوعه وداخلك خالي وفوق هذا مو عاجبك زوجك ولا قد مره عطيتيه شي يتذكرك فيه انك تحبينه او انك تحبين عشرته

فلا تتوقعين العروس الجديده ان عرفت اسباب زواجه عليك انها تسوي زيك

الا بتسويه يا دهينه لا تنكتين وقتها عاد بيبتدي المقارنات بينك وبينها والله يعينك

تبين نصيحتي

اولا زوجك الواضح منه انه جنوبي شرقي

جنوبي يعني انه يحب العاطفه واحد يهتم فيه ويدلله وكذا

وان ما حصل منك هالشي يدوره براا سواء بخيانه او الزواج من ثانيه

وشرقي لانه انسان متمسك بالعادات والتقاليد وغيره

ويحب المره الي تسمع الكلام الذليله الغير مستقويه على الرجل

ويحب الفساتين الستايل القديم مثل الدراعات وغيرها

وش المطلوب منك الآن

ابيك تتركين كل حركات الرومنسيه الي تسوينه لانه خطأ

ما يحب انك تسوين هالحركات لانه جنوبي

يحبك تكونين خجوله ولا تطالبينه بالحركات الرومنسيه

وكأنك تطلبين الجنس منه لانه بينفر منك

حاولي التقرب منه

بالجلوس جمبه حتى لو بسكات

امسكي نفسك عن المشاكل

والله لو سواها تراك بتتبهدلين طول عمرك

تدرين السبب وذكرته لك

لان الزوجه الاولى تعيش احلى حياة ان زوجها تزوج عليها ولكن لاسباب

لانها لم تقصر معه

فما بالك انتي الي كل يوم والثاني مشكله حرام عليك

وش تحسبين الرجال بيستحمل طول عمره

الا خلاااااااص بيتنازل عنك بسهوله لما يحصل لك بديل

وفوق هذا رحتي تفضحينه عند اهله وناسه

وبعدين تلومينه ليه يشتكي لهم عنك

غريب امرك

اقول اقبضي ارضك

وحاولي انك تبتعدين عن اهلك هالفتره

عشان الظاهر انك زي الاسفنجه تاخذين منهم الافكار السلبيه عن حياتك وترجعين له وانتي مره مره شايله عليه

دام ان هو مو مقصر معك وعايشه معه احسن ما يكون

حافظي على بيتك ولا تخربينه

اقعدي معه بلا دلع

سولفي بسوالف الكبار

شوفي هو وش يحب اطبخي له

تقهوي معه ولا تتركينه


حطي كحله والبسي دراعات حلوه على استايل جديد

اسدلي شعرك واصبغيه اسود لان يعشق هذا اللون بالذات

حطي لك حنه يحب هالشي اكيد لانه شرقي

ولكن الاهم اسلوبك وكلامك هذا غيريه احترمي نفسك يا بنت الحلال

وشو اقلب وجهك انا لو اقولها لزوجي بيطلقني الله لا يقوله

زين منه انه مستحمل

اياك وتهددينه مره ثانيه شوفي وين وصلتيه

وصلتيه لمرحله انه هو صار يهدد بالزوجه الثانيه

ابكي جمبه ترا يأثر فيه

قولي له ابي افتح معك صفحه جديده

قولي له انا تعبانه وابي خلاص اتفاهم معك

انا احبك انا احتاجك من هالكلام الي يحس انك ضعيفه

لان شخصيته يحب القويه لكن لما توصل الين عنده يبيها تكون ضعيفه ومحتاجه له

الله يهديك انتي ما تحتاجين لدكتور نفسي

انتي تحتاجين انك ترتبين امورك

اتركي عنك الطلعات والتمشيات

الي عليك الآن انك تبنين قاعده قويه لبيتك قبل ما ينهار

لانك انشغلتي طول هالسنين بالهذره والشكوك والشكوى

ونسيتي ان لك بيت لازم تخلين له قاعده ما ينهز قدام اي مشكله

مشاكلك يا اختي تافهه وانتي كبرتيها

من كذا ما في سبب مقنع يخلي زوجك يتمسك فيك

اتمنى انك تدارين الموقف الحين وتحاولين جاهده انك تصلحين وضعك معه

يعني معقوله طول هالسنين لسه ما عرفتي زوجك وش يحب وش ما يحب

بالله عليك خايفه ان يقصرك طلعه ببيت اهلك ومصروف

لكن ما ذكرتي انك على الاقل بتشتاقين له لانه ما ضرك واستحمل طولت لسانك

ما قلتي انك تحبينه معقوله كل هالمواصفات والغيره والمميزات الي عنده تجاهك ما خلاك تحبينه

سبحان الله

الله يغير حالك ويهديك

اتمنى انك تسمعين كلامي وكلام اخواتك العضوات قبل فوات الاوان

حبيبتي والله قصتك اثرت فيني مرة
بس بما انك خايفة ترجعي لاهلك برأيي حاولي تصلحي الوضع مع زوجك اكسبيه لصفك
واليوم لما يرجع حاولي تراضيه
واهم شي يا قلبي ما الك الا الدعاء
الله يهديه
ودايما كرري هذا الدعاء
(اللهم اجعل قرة عيني لزوجي واجعلني قرة عين له)

لي رأي

راح أرجع

الحل
اولا غيري نفسك للاحسن
وعذرا شخصيتك جدا متناقضة وعصبية و مهمله
ابدي من هاللحظة
صلي في اوقاتها و استغفري واقري قران لو صفحة باليوم بتمعن وتدبر وتذكري الاحاديث الشريفه في الحث على حب الزوج وطاعته وخدمته واعيني زوجك على عبادة ربه بتذكيره بالصلاة وفرش السجادة له و تهيئة الاجواء المناسبة
انتبهي لنفسك من هالعصبية الزايدة و الالفاظ البذيئة يعني مدحتي نفسك وانتك مدلعه و و و طيب البنت الرقيقة الدلوعة ماتتلفظ بهالالفاظ وخصوصا لزوجها
معايرك لزوجك انه عقيم اكبر غلط تضمنين بكرة يطلقك وانتي اللي ماتخلفين وهو يتزوج غيرك ويخلف ترى الله قادر على كل شي
ومعايرك له غيه جرح لكرامته و رجولته
انا زوجي عقيم و الحمدلله عمرها ماطلعت مني هالكلمة وسويت طفل انابيب وجبت بنوته ماشاء الله تملي علي حياتي وانتي بامكانك بالهدوء واللين والحنية تضغطين عليه وتسونها مرة ومرتين الى ان تنجح
بعدين اهمالك لبيتك من ناحية الطبخ والغسيل و غيره هذا ماهو بصالحك شوفي ثلاث ارباع هالحريم شلون يتفنون في الطبخ لازواجهم و شلون لو بقعة بفانيلته راحت سدحت موضوع كيف ازيلها من زود السنع والاهتمام وبالمقابل تاكدي ان زوجها مقدرها
صحيح زوجك مش ملاك ( خانك - مايحافظ ع الصلاة - كل شي يقوله لاهله ) لكن بيدك تغيرينه
هو لو ماحبك ماسفرك ولبى لك طلباتك و و و
حتى طلبه انك تلبسين ارواب من قد ماهو مشتاق لمراه سنعه تطبخ وتغسل له وتهتم فيه و تدلعه ويمكن هو كذا يشوفك مغريه اكثر والرجال في مايعشقون مذاهب
بامكانك تكشخين وتلبسين له لكن بعد ماتلتفين لبيتك وتخلصين كل اموره من طبخ وغسيل وتنظيف يمكن بعدها راح يتقبل شكلك وانتي كاشخه
تبين مهندس والا طيار ليش وافقتي عليه من البداية و لا تفكرين كل مهندس زوجته في العلالي
والله اعرف دكاترة وحملة ماجستير واطباء روحي شوفي كيف زوجاتهم متعذبات معاهم من اخلاقهم السيئة
تبين الحرية و الدلع و الكعب و الكحلة لكن نسيتي ان وراك يوم الدين يوم بتتحاسبين على هالاشياء التافهه وتندمين
البسي وتكحلي و و و وتستري ولاتظهرينها الا قدام زوجك او حريم و بكذا زوجك بيرتاح
بعد ماتحبون بعض وتتقربون من بعض بامكانك مناقشته في موضوع تطليع اسراركم لاهله بكل حب وهدوء الى ان يتعدل وهذا يبي له وقت مو بيوم بيتعدل
تبين الصراحه الخراب جاي منك انت شخصيتك جدا سيئه اعذريني تحتاجين كومبليت ميك اوفر
تغيري وتثقفي وتعقلي وبعدها بتلقين حلول لحياتك الزوجية
وابوك ماكره زوجك الا من شكاويك طبعا هذا اللي احسه

الله يعينك وزي ماقالوا البنات اقري للدكتورة ناعمة الهاشمي

موفقه