صاحيه بدري ومروقه ماشاءالله قلت احكيلكم سالفه مره صارتلي الحين بح ماعاد فيه جيران مافي الا جارات النت
عشان كذا بسولف معاكم كأنكم جارات الضحى زمان:)
في يوم من الايام وانا بزر قالتلي امي الله يطول بعمرها انا بروح بيت خالتك وانتي سويلنا قهوه والحقيني والله يابنات ان عمري مايتعدى 10 يمكن تحسبونها علمتني الطريقه :icon33: لا والله تبيني اتسنع واخترعها لحالي
رحت حطيت في الدله قرفه ومويه وعلى النار وسحبت كرتون ووقفت عليه ابي انتظرها تفور عشان احطها بالترمس والله اني اتذكر شكلي للحين المهم اني وقفت انتظر وانتظر وانتظر سبحان الي حماني وماتحرقت ولما خلاص غليت وطشت على الغاز طفيت ويقالي بذوقها
كيف طعمها واستغربت انها مره قلت غريب طعمها اكيد ينقصها سكر
واجلس اوزن في السكر واحط ملعقه واذوق وهكذا الين عبيتها سكر
واحملها واطير لبيت خالتي سبحان الله الدنيا كانت امان الله على ذيك الايام
لا والواحد يخلي باب بيته مفتوح ماعليه خوف :icon33::44: ايام راحت
الي يروح مايرجع احس اني عجوز تحازي
ماعلينا لما وصلت عند امي وحطيت القهوه تحسبونها شجعتني والا قالت برااافو ومدري وشو الا صقعتني بكلمه وش كبرها من التحطيم والتهزيء فديت ارجولها الله لايحرمنا منها ادعولها مريضه الله يشفيها
نرجع للقهوه حطيتها وفرحانه الين بدو يشربون وجات الطامه:09:
عاد الله يسلم عظامكم اخذت تهزيئه يحبها قلبكم
بس للحين ماانسى هالموقف كنه امس
تدرون وش سويت عاااادي عندي خرجت الشارع العب مع العيال ياكانو بريئين براءءءه ماغير نلعب وناكل في خرابيط راعي البقاله الهندي
اييييييييييييه على طاري البقاله بندخل في قصه ثانيه كنا ايام العيد نشتري سلك المواعين الناعم الطويل عرفتوه
ونولعه بالنار ونجلس نلفه زي ذا الي بالصوره
بكمل بعدين ياالله نبي ذكرياتكم لاتفشلوني:)
ماشفتي هالجيل ... اعرفلك وحده بنت جيرانا بتتخرج السنه الجايه من الكليه ماتعرف قهووه ابد ابد