سالفتي معك سالفه ياقسم تأخر الحمل

السلام عليكم ورحمة الله وبركاته

في البداية أنا سعيدة جدا للمشاركة معكم في هذا القسم الذي أجد فيه المتنفس الوحيد لأحزاني التي لا يحس بها إلا منهم مثلي............

راح احكي لكم سالفتي مع قسم تأخر الحمل
بدايتي معاه هي مع بداية زواجي قبل أربع سنوات تقريبا فأول ما تزوجت كنت ما أبي احمل على طوول
ودي استأنس شوي قبل العيال وغثاؤهم هذا ألي قالي عقلي ذاك الوقت ؟؟فكنت ادخل قسم تأخر الحمل
اعتقاد مني انه يعطي وصفات أو أفكار لتأخير الحمل.............( وحده دخله ... ماتدري وش مخبا لها )
حتى إني رحت لدكتورة أبي مانع للحمل وهزأتني الله يجزاها خير:hahaha:
قالت لي الناس تجي دور الحمل وأنتي باتاخريه...........


مرره الشهور وكل مره تنزل علي الدوررره أقول الحمد لله ماحملت
إلى أن كملت سنه...................... (جاك الموت ياتارك الصلاة ):06:
قلت وش السالفة غريبة ماحملت أكيد فيه سبب... (عاد الحين يوم تأخر الحمل زان في عيني )...
دخلت قسم تأخر الحمل أخبر فيه عن وقت أيام التبييض ومن القبيل وأطبق بس نافيه فأيده ..........
ماحملت طبعا زوجي ينتظر حملي على أحر من الجمر ولو درى إني رابحه لدكتور ه أبي ااخر الحمل
كان ذ بحني.:024:......بس هو طبعه الصمت (سبحان الله ابن ادم مايدري وش مكتوب له)


طولت السالفمه قلت لزوجي أبروح اكشف قال خلاص ورحت لدكتورة وسوت لي تحاليل وانتم عارفين كل الأمور...قالت كل شي ممتاز ..
وقالت خلي زوجك يكشف.....(هنا بدأت المأساة وبدأ المشوار المؤلم)

قلت لزوجي الدكتورة تقول اكشف طبعا رفض وستبعد الفكرة
حتى أنا ماتوقعت يكون منه قلت خلاص ابرو ح لدكتورة معروفه
ورحت وحللت وباقي تشوف التبويض في هذي الفترة قال زوجي
أبحلل وراح يحلل طبعا هو متفائل انه سليم... لكن (هنا كنت المفاجأة )
دق على المختبر عشان يأخذ النتيجة قاله تعال النتيجة عند الدكتور
هنا تغير وجه زوجي قال ايييييه خلاص مفهومه ...وراح لدكتور
رجعلي يابنات وجههههه اسووووود ياحرام مدري وشقاله الدكتور
سألته قال الدكتور يقول حلل في مكان ثاني عشان تتأكد من النتيجة
وعطاني ورق التحليل وناظرة الورقة كلها أصفار ماني فاهمه شي
يعني توقعت الموضوع سهل ...(مادريت إن الموضوع كبيييييرررر)


قعدت أهون عليه وأقول أكيد التحليل غلط حلل مرة ثانيه ومن هالقبيل
رحت لموعدي وأخذة معي ورقة التحليل حقت زوجي ودخلت على الدكتورة وكشفت على التبييض قالت مشاء الله ممتاز مقاس البويضة 18
المهم لماجلست بعد الكشف والدكتورة محتارة في سبب عدم الحمل طلعت من الشنطه تحليل زوجي وقلت هذا تحليل زوجي لما شافته طيييرت عيونها وقالت متأكدة انه زوجك إنا استغربت ردة الفعل ...قلت إيه قالت لالالا لازم يحلل مره ثانيه ...تدرين وش مكتوب ...قلت لا قالت التحلييل صفر كل شيء صفر يعني ألي يخرج من زوجك زي الماء ....ونا مطيرة عيوني ماني فاهمه شيء ....و الدكتورررة متاثره مررررره وراحمتني

....قالت لي لا تروحين أبخلص المريضه ألي عندي وارج علك أبتكلم معك (بهذي ألحظه عرفت إن فيه مصيبة)
كنت أتمشى في اسياب المستشفى وماني حاسة بالي حولي كأني داخله غيبوبة حسيت بشعور غريب عمري ماحسيته بحياتي نادتني الممرضة ورحت للدكتورة قالت الحمد لله خفت انك رحتي.... قالت لي شوفي أنا اعتقد إن تحليل زوجك صحيح مادام صفر لأنه الخطأ دايم يكون في العدد.. ولاتخافين فيه كثير مثلكم ..راح أعطيك ورقه لمركز في الرياض يسوي أطفال أنابيب وقعت على الورقة قالت بيسري لكم تخفيض...بس عطية الورقة.......طلعت منها ونا أرتجف أطفال أنابيب مره وحده .. حسيت إن الموضوع كبير وان مشوارييي طووويييللللل....
قلت لزوجي وحنا راجعين كل شيء سليم بس الدكتورة تقول حلل مره ثانيه (طبعا ماقلت له كلام الدكتورة الثاني عشان مجرحه ) قال خلاص هي واضحة انه منييي ودمعت عيونه وكان حزييين مرررره


ذاك اليوم ماأنساه هو أول يوم من أيام
مشواري مع الحزن والهم .....