اخوك صغيرر او كبيررر مرةيعني 30 وفوووق

يااختي شوفي الموضوع من الناحية الايجابية
ماشاء الله تبارك الله زوجك حن عليك اغلب الرجال اذا شافوا المراة ضعيفة ومالها سند
استقووا عليها
وكمان انت عملتي الصح مع اخوك وهو الغلطان
واحد ماله خير لربه ترجين منه خير لك ؟!!
ربك ماسلم من أذاه بالمعصية
والحمدلله امك واهلك في صفك

اخوك زعلان من زوجك ما يبيه يغلط عليك يحبك
وزعل عليك لانك رجعتي معاه وما احترمتيه قدام زوجك
اخوك يحبك بس انتي مافهمتيه
انتي مو مثلي
افهمي الرجال
لازم تجلسين مع اخوك تتصارحين معه
اول شيئ لما شاف مشكلتك مع زوجك هو ماحسب مشكله الوحام
هو يشوف انك اخته تحتاجين حمايته
لما رفعتي صوتك قدامه زعل لانك ما احترمتي وجوده بينكم
لما سكتتيه انتي وزوجك قال لكم اطلعوا برا <<<زعل لانكم طنشتم وجوده
ولما رجعتي لزوجك بدون ما تراضينه <<<<زعل لانه تحمس وزعل على شانك وشال في خاطره بغض النظر << الاخوان يزعلون في خواتهم ويحبونهم فوق ما تتخيلين ويحسون اننا يالبنات في حاجه للحمايه
ولانك رجعتي لزوجك بعد المشكله تصفى نفسك على زوجك بس اخوانك لا نفوسهم ما تصفى
وحركاته والله ماهي الا زعل منك بسبب هالموقف وزعل من نفسه لانه زعل عليك في لحظه
استهدي بالله
وكررري اعتذارك وقربي من اخوك اكثر
صدقيني يصير يحبك اكثر
مافيه محبه من دون عداوه حتى لو هالموقف
قربي منه
لا تحسسين زوجك ان مالك غيره
والله ليحوسك الدنيا ما تقعد لك على شكل واحد
غلط النظره اللي كونها زوجك عن اخوانك
غلللط انك ساعدتيه وعززتي هالشعور عند زوجك
خذي مشورتي لك وانا اختك
انا ابخص في نفسيات الرجال وردود افعالهم
وامانه عليك لو اتصالحتي مع اخوك انك تدعي لاخوي الوحيد بالرحمه والمغفره والله يحفظك ويصلح ما بينكم يارب




رجعت قريت موضوعك والله العظيم بكيت
اخوك يحبك والله العظيم يحبك
ارجعي جيبي له هديه
وارسلي له رسايل
وابتلشي في عمره
حسسيه انه مهم
وان زعله ضيق عليك الدنيا
حسسيه انه اهم اخوانك
انه احلاهم واقربهم لقلبك
ذكريه بموقف طريف
كل يوم
انشبي بحلقه
وماقلتي كم عمر اخوك
كان افدتك باساليب ممكن تساعدك عليه
الله يحفظهم لك
موضوع الصلاه
السبب فيه هم اول شيئ امك وابوك
واخوانك الكبار
ليش؟
لان هم المفروض يجرونه جر للصلاه
المفروض امك وقت الصلاه لو مارح تطرده من البيت وقت الصلاه لو بالهواش
ولما يكبر بالدعاء تدعي له
والله اذكر للوالد موقف مع اخوي الله يرحمه
خذا اخوي لين عند السجد وخلاه يصلي قدام المسجد بالفانيله سروال السنه
وهو بس لانه قومه من النوم لصلاه الفجر وماقام
وتخيلي والناس بعضهم يداوم وبعضهم طالع وقت الشروق من المسجد
ومع هذا رحم الله اخوي صلى وما كسر لابوي كلمه
ولكن هالشيئ اليوم مريحني انه كان راعي صلاه ويحافظ عليها بالمسجد حتى لو غاب ابوي عنه
لان ابوي غرسها في قلبه من صغرته لين مراهقته ومات على هالشيئ
اخوك لو صار عليه شيئ ما سامحتي نفسك
وكمان لو صار عليك شيئ ما سامح اهو نفسه
اقعدي بحلقه واحشريه بعمره لين تتصالحون
عسى ربي يحفظكم ويسعدكم يارب

اخوك يبيلة حقران وعاملية احسن معامله وزوجك عضى عليه باسنانك وحافضى عليه لانه محترم وبطلي زعل كلنا نحمل ونولد وما رحنا بيت اهلنا لو ايش يصير لان احنا عارفين تدخل الهل يكبر السالفة وزوجك بيكون على طول متفشل منهم فليش تحطون نفسكم بهذا الموقف
الله يصلح الحال