سالفتي مع الشباب والماسنجر والشات ... دخلوا الله يخليكم

انا عضوه جديده في عالم حواء لكني قارئه قديمه جدا ..

بصراحه ترددت كثير اكتب سالفتي لكني تشجعت من الردود والتفاعل الي اشوفه في المواضيع ،،،،،،

بدخل في السالفه علطول :(

انا بنت عمري الحين 17 سنه
عرفت النت من يوم كنت بسادس ابتدائي ماكنت اعرف فيه شي غير الشات
كنت ادخل واسولف في الشات كنت احس بوناسه بس كنت أبدا ماافكر اني اكلم شباب في الشات على الخاص يعني كان بنظري هالشي كبيييييير جدا ومستحيل اسويه ،، المهم مرت الأيام ووصلت ثاني متوسط وتعرفت على بنت في الشات كانت جدا حبووبه وصارت علاقتنا مع بعض قويه وصرنا نتكلم على الماسنجر وقالتلي انها تكلم شباب وعرضت علي انها تدخل واحد من الشباب معنا في المحادثه لكني في البدايه رفضت وبشده وكانت دايم تحاول فيني لحد مارضيت ودخل شاب معانا بالمحادثه وصرنا نسولف كلنا ............ مع الايام بدأت احس ان هالشي صار عادي عندي وصرت ادخل الشات واضيف الشباب على الماسنجر واسولف معاهم كلااااام استحي اقوله واخجل من نفسي لاتذكرته .........بعد كذا تركت الشات وتوجهت للماسنجر وحذفت الشباب الي فيه وماخليت الا 4 كنت على علاقة حب معاهم كلهم ....... والله والله انهم كلهم عرضوا علي الزواج وكنت اقول في نفسي بدري لأني كنت اتسلى بس كانوا مثل العبيد عندي اقولهم أي شي يسوونه ويشحنون جـــــــوالي بالهبل كنت احيانا اكلمهم بالجوال بس اغلب الاوقات على الماسنجر ...وكل واحد يحسب اني ماأحب احد غيره .. فعلا كانوا مصدقين هالشي بقوه لحد ماوصلت ثالث متوسط وانا على نفس الحاله وكنت اكذب عليهم بكل شي حتى بعمري لحد مااكتشف واحد منهم اني اكذب (( زل لساني فجأه)) وتركته ...
بقى عندي 3 تركت الثالث بعد وخليت 2
كنت ألعب عليهم وهم كانوا مصدقيني وواثقين فيني لدرجة ان واحد منهم طلب انه يكلم ابوي علشان يخطبني. بس انا اتعذر واقوله مو الحين وكذا .....

المهم يابنات بعد فتره طبعا دخلت بمنتدى وكنت حاطه ايميلي وكاتبه اني ابي اتعرف على البنات بس وفيه واحد صار يراسلني انه وده يتعرف على ومادري ايش ... المهم انا بالبدايه مافكرت فيه لان عندي 2 بعدين قلت ماعليه بخليهم يصيرون 3
وجاريت الثالث واصلا ماكنت اتكلم معاه كثير كان كلامي معاه على الخفيف
وهو يتيم وصادق وكان دائما يحكي لي عن حياته ويتمنى لو انه ماانولد وانا كنت اهون عليه ومع الايام حنيت عليه وتعلق قلبه فيني وقالي ان قلبه متعلق فيني قلتله انا مااقدر ابادلك بنفس شعورك .

ومرت تقريبا 3 شهور وشفت في هالولد صدق ماشفته في احد غيره حتى تصرفاته وكلامه كان جدا عفوي وفيه نوع من الالتزام ..
المهم حبيته لانه والله والله شفت فيه صدق صاااااادق اختبرته بكل الطرق ولقيته انسان طاهر صادق عفيف خلوق فيه كل معاني التسامح والطيبه ووسيم يعني ماتتخيلون الصفات الي فيه وتركت الشباب كلهم وتركت الشات وتركت كل شي علشاااااااااااانه وتبت .

علمني اشياء حلوه علمني معاني الصدق والوفاء علمني شلون احافظ على الصلاه صرت البس عباية على الرأس صرت ماافوت فرض وووو اشياء كثيره .

حبيته من كل قلبي وهو كذالك حبني وكل حبنا صااادق وكنت كل يوم أدعي ربي انه يجمعني فيه اذا كان في هالأمر خير .
وبالفعل طلب انه يتزوجني وانا قدرت أصارح اختي بالموضوع وكلموا أهله واعجبوا فينا وسألوا عنا وكل شي بس الموضوع الى الآن ماوصل للوالد والوالده
...
تخيلوا يابنات اني قلتله بوريه صورتي ورفض والله قال مااشوفك الا شوفه شرعيه .

خططنا لكل حياتنا المستقبليه وانها بتكون كلها سعاده وتفاهم وود بإذن الله

بس المشكله هي الى الآن مااعرف رد امي وابوي هل بيوافقون عليه او يرفضونه اذا كلمهم يمكن يرفضون لانه من مدينه غير عن مدينتنا :( بنات كل مافكرت انهم بيرفضونه اتحطم نفسيتي تصييييييييييير زففففففففففت مااقدر اتحمل الدنيا بدونه لدرجة اني احيانا اقول ليتني ماعرفته من الاساس و عاهدت نفسي لو اهلي يرفضونه مااتزوج غيره الى ان اموت وهو كذالك وعدني بهالشي قبل لااوعده .........

هو قرر يكلم الوالد بعد فتره قصيره وننتظر المصير المجهول ؟؟؟؟؟؟؟؟؟؟؟؟ بنات ادعولي الله يخليكم محتاجتكم وشوروا علي وش اسوي :(

اللهم ألهمنا الصبر .