سالفتي مع خالتي ام زوجي..شوروا علي

:44:السلام عليكم
ابي اشاوركم بموضوع...انا قبل اتزوج كنت مقرره اني اجلس عند اهل زوجي سنه لانه كان يدرس وبعد مايتخرج نطلع في بيت وكلهم راضين واولهم امه
تخرج وطلعت في بيت وزعلت خالتي مرررره وسوت سالفه وكلمت زوجي وهاوشته وزعلت عليه وقامت طبعا تسب فيني ماتعرف تسوي شي ولاتطبخ ولا تنفخ ولا تعودت مسؤوليه وماراح ترتاح و و المهم هالكلام صار وانا معه بالسياره وسمعت هواشها كله ولا قلت شي وطبعا هي اخت امي وقلت معليش ماهانت عليها طلعت ولدها من بيتها وكنت اكلمها واسولف لها وجاب لي وحط لي وعطاني والله العظيم اني احسبها بتفرح لي لاني عادتها مثل امي وعاده نفسي زي بنتها وان اللي تبيه لبناتها تبيه لي
واكتشفت انها تعصب صرت ماعاد اقول لها شي وتكلمه تقول وشوله تكثرون مشترى وليش تشتري لها عطور وليش تسوي لها ولو بسوي اي شي تنقهر وتعصب واسكت ما اقول شي ولو بروح لاهلي تتضايق مع اني بديره واهلي بديره واروح لهم بالشهر اسبوع او اكثر ومو كل شهر وبناتها ماشاالله كل يوم عندها وعادي ماقالت اجلسوا حللوا دراهم بيوتكم لانها قايله لرجلي وشوله تروح لاهلها خلها تحلل فلوس الايجار على الاقل ...يعني هذا اسلوب...؟
بعدين حملت وولدت وهنا القضيه كان اخر اسبوع لي بنفاسي في رمضان وكان دوام زوجي من 8 الليل الى 1 يعني في عز سعة الصدر والطلعه ودوامه هذا مؤقت اتفقت انا اياه اني اجلس عند اهلي برمضان منها لما اطهر ومنها يتغير شفت دوامه وهو وده وماا وده وقلت خلاص ورجعت جلست يومين وكان نايم مره وفتحت لاب توبه والقى له محادثه مع امه وليتني مافتحتها كانت تقول له حرمتك ما تحشمك ولا تقدرك وانها ماتبي تجيك واسفهها وطنشها وتجيك تركض اصلا هي نفسيه زي ابوها مدري وش مسوي لها ابوي ..؟
وكنت هذيك الفتره كاتبه اكره بنتي وامها وابوها راحت هي الله يهديها قالت وراه كاتبه انك تكرهك انت وبنتك ونست اني كاتبه اكره نفسي واصلا التوبيك هذا باين انه هبال ورد عليها زوجي قال لو بتكرهنا عاد بتكتبه صادقه انها تتهيبل..
قالت هي تتغلى عليك وتستغلك وهي ماتحشمك ولا تقدرك قل لها انك مبسوط وقبلك بالاستراحه وتجيك تركض :44:
قال هو طيب طبعا زوجي ماشاالله تبارك الله فيه نقطه مهمه الا وهي انه يسمع من هنا ويطلع من هنا
وعارفته مايمشي الا اللي يبي ولا يهمه احد مهما كان
الخلاصه اني من نص رمضان وانا ضايق صدري وشايله في خاطري مدري وش اسوي كلما شفتها اكتئبت ودي اكلم زوحي واقول له يوقف الموضوع عند حده لانها الله يهديها تت\خل في كل شي ادري تبي مصلحة ولدها بس مو بهالشكل انها تسبني عنده والمشكله تدرون وشي وربي يشهد على كلامي اني انا اقول له دق عليها وخلنا نروح نسلم عليهم واني اذا مارحنا لهم قلت يا انه مداوم او نايم او بالاستراحه ما ابيها تحس انه عندي ويضيق صدرها وانا اكذب يصير يقول مالي خلق اطلع او رايحين امس وخالتي من النوع اللي يتشره واجد الله يهديها واذا دق عليها احيانا تهوش عليه وينك و و و وصار يزمل من الدق عليها
والله العظيم اني ما ابين لها اي شي ومحسستها انه عادي معي بس عشان ما يضيق صدرها
ادري انه ولدها وتبيه وكل شي بس مو صح اللي تسويه يعني هي كذا تخرب حياتنا تبي تنصحه تنصحني انا تكلمني انا مو تروح تقول له ...؟
مع اني والله ماعمري عصيته
ولا سويت شي ما يرضيه وخاشمته وحاطته فوق راسي بس مدري وش فيها الله يهديها
وبعدين لازم تكثر عليه الكلام وراها تسوي وراها تحط زوجي مو دايم يقول لي بس غالبا تكلمه واكون عنده واسمع هواشها
اليوم راح لهم وبعد سوت قضيه شوي وقال لي زوحي عنها انا سكت ما قلت له اني قريت المحادثه احيانا اقول له بخليه يدري عن هالشي ويوقف الموضوع عند خده اذا هي تبي ولدها تشبع به انا انسانه اهم ماعلي راحتي يوديني لبيت اهلي ويرجع لاهله ولامه واحيانا اقول هو ما قصر علي واللي ابيه يسويه لي الحمدلله وماشاالله تبارك الله انسان متزن ويعرف يتصرف بس انا منقهره مررره
شوروا علي اكلمها؟؟
اكلم زوجي...؟
او اكلم بنتها الكبيره لانها عاقله وتعرف توزن الامور واتوقع لو انها داريه عن تصرف امها ماترضى عليها لانها كانت عند حموله ومجربه الوضع..
والا اسكت واتحمل كلامها وتحريضها لزوجي....؟

على فكره انا مو ملاك واكيد اني اغلط وما في انسان ما يغلط بس والله صرت ما اتكلم عندها لاني اخاف اغلط صرت اخاف تفهمني غلط.....