ترى خالتي مو كبيره ابد ومدرسه بعد يعني متزوجه صغيره وزوجي بكرها
بعدين احنا في الاسبوع نروح لهم يومين او ثلاثه نسلم ونتقهوى حتى عباتي ما افصخها يعني نجلس من الساعه الى الساعتين عندهم
وولدها واللله العظيم اني انا اللي احرصه عليها ورح لهم ولاتقطع فيهم لاني اعرف خالتي من النوع اللي تبي الناس ويضيق صدرها
ولما كنت اقول لها جاب لي وعطاني والله العظيم مو من قصد كنت احسبها بتفرح وعادي عندها بس حسيتها شوي تنقهر وصرت اسكت ما اقول ولا شي
يمكن هي تنقهر مني انا مو ملاااااك ومهما كان انا مرة ولد بس قسم بالله انها احيانا ترمي علي كلمة وش كبرها واسكت والله احتراما لها وعشان زوجي ولاني انسانه ما ابي مشاكل انا احب راحة البال واحب الهدوء وعلى قولة زوجي فيني شوي سلبيه...
وانا ما خذت ولدها منها بس انا ساكنه عندهم وبيتهم صغير ومالي الا غرفه وحمام وابي بيت صح ما كنت اعرف اطبخ ولا شي بس لاني ما تعودت بيت يوم طلعت في بيت لحالي الحمدلله مشت اموري واطبخ بس الى الان ما اقتنعت تسأله حرمتك تطبخ...؟
قال ايه قالت تكذب علي ما تطبخ قال لها خلاص طيب...
زوجي ما يحب الشد وما يبي يضيق صدرها وهي الله يهديها والله قلبها طيب بس احيانا تنرفز والله اذا شفتها تخنقني العبره احس اني منقهره ومنصدمه ومجروحه منها يعني والله ما خذت منها ولده والله العظيم اني ما احسسها انه شي معي عشان ما تزعل ادري طلعة ولدها ميب هينه بس خلاص لي سنه طالعه من بيتهم والى الان تزززن احيانا اقول بصبر وبتحمل كلها كم يوم وبتمل بس انقهر مافيه احد اقول له حتى امي ما ابي اعلمها مهما كان هذي اختها ولا ابيها تحز بخاطرها ولا تصير بيني وبين اختها
وزوجي ما علق ولا قال لي شي والحمدلله ما اهتم بكلامها
وبناتها عسسسل
وهي عسسسل بس لسانها مشكلتها ماتتحمل ابد وانا كل يوم اقول بتتغير بس كل يوم تسوي حركه اقوى من اللي قبل
وومسأله اني اروح لاهلي واطول والله ابيها تشبع من ولدها وانه عندها واني ما صكيت عليه ولا همني وابيه يشوفهم ويتغدى عنهم ويسوي اللي تبي واانا ابي اروح لاهلي لو اني خايفه على رجلي كان تليته معي وخذته لاهلي كلما رحت او رحت يومين وجيت اركض ...
ما اقول الا الله يسخرها لي ويسخرني لها ويهديها يارب
على فكره انا مو ملاك واكيد اني اغلط وما في انسان ما يغلط بس والله صرت ما اتكلم عندها لاني اخاف اغلط صرت اخاف تفهمني غلط.....وحتى زوجي صار يقول اي شي تسألك امي عنه قولي مدري لانه ما يبي مشاكل ولا يبي صجه يقول كلن يعيش حياته زي ما يبي
تدرون وس قاهرني انه تسبني عنده يعني تبي مصلحته مثلا...؟
طيب تجي تكلمني تنصحني انا لو كنت غلطانه لاتشوه صورتي قدام زوجي ...والله لو انه تجي وتكلمني في وجهي اهون علي من انها تكلمني تقول عيشي حياتك وسوي اللي تبين ووسعوا صدروكم ومن ورى ظهري تقول كلام ثاني
الله يعينك اصبري واحتسبي الاجر
وين الوفا ياناس
كل شي متغير في عالم يحير
و بننتظر ونخاف يطول الانتظار
ومهما حصل
مهما حصل
ماتنطفي شمعة أمل