سالفتي مع زيت الخروع

السلام عليكم ورحمة الله وبركاته ....

وشلونكم يابنات وياحوامل خصوصا اللي بالاشهر الاخيره <<الله يهون علينا :09:

ابقولكم قصتي اللي صارت لي يوم الجمعه اللي راحت مع زيت الخروع <<تبي تولد بسرعه :42:

جيت ياطويلات العمر يوم صار يوم الجمعه بعد صلاة العشاء واشرب 15 مل خروع مع كاس مويه

قلت مابدهااش ابي اولد ان شاءالله خلاص مليت ..المهم واشربه واجلس اتحرى الطلوق <<تحسبه علطول بيجي :hahaha:

جت الساعه 12 بالليل لاحس ولاخبر اللهم انه فضى بطني وانتم بالكرامه بدون مغوص بعد ..يعني الدعوه عنااد مافرحني ولابمغص

قلت ياهنادي شكل زيت الخروع خرابيط كبري وسادتك بس ونامي وبكرا جربي اشربي بعد دامه بس يفضي البطن..

وانام وانا ضايق صدري لاني مشاوفه للطلوق :09:

يوم صااااااااارت الساعه اربع الا ربع ويجيني ذاااااااااك الطلــق اللي مسكني عجزت لااقوم من سريري ولاقدرت اتنفس قلت بقلبي بسس طلع الراس وانا بالسرير :eek:

واقوم بسرعه واقوم زوجي قلت قم جت الولاااده بسرعه ويقومني من السرير واروح اعزكم الله للحمام ويالله رحت واتوضى واجهز نفسي واجيب الشنطه حقت الولاده<<تحلم ياعمري
وانا اجهز واتولم للمستشفى جاء اذن الفجر قلت بصلي وامشي ..وطبعا يالله اتحرك الطلق كل شوي يجين :(

واطير اانا وزوجي لمسشفى سعد وندخل قلنا ولاااااااااااده ويرقوني فوق وانا الطلوق تجيني تقريبا كل خمس او عشر دقايق بالكثير
لبست لبس الولاده ونمت على السرير وركبولي حق التخطيط بعد ربع ساعه جت قالت يوووه فيه طلق قلت ايييييييييييييه قالت طيب خلينا نشوف كم مفتوح .. <<ماحبها ذا الحركه

وهي تشوف اقول بقلبي على الاقل تبي تقول خمسه سانتي

قالت مفتوح واااااااااااااااااحد بس الله يعينك ياهنادي وراك يوم طويل <<<انواع الاحباط :09:

بغيت اصيح قلت وشلون واحد بس؟ طيب رجعوني البيت وش يجلسني عندكم
قالت لا نبي نشوف لان الطلق يروح ويجي بسرعه اصبري ساعتين

المهم يوم صارت الساعه 8 الصبح ويروح الطلق واصير وش زيني ماكأني ابولد :09:

قلت اقول ابطلع بس وش يجلسني ..قالت اصبري بشوف كم مفتوح ..قلت لها مايوجعني شي الطلق ورااااح .. يوم شافت وطلع نفسه واحد سانتي بس :(

وارجع لبيتي والى الحين احتري فرج ربي :26:

واقول بنفسي اخربها مره ثانيه واشرب كميه اكثر ولا وش الدبره خخخخخخخخخخخ

ادري اني طولت عليكم بس قلت ابعلمكم عن هالخروع اللي ذبحني ولاجاب نتيجه