سالفـــــهـ بقلبي كاتمتهـا وماقلتها لأحد غيريكم يابنات حواء

مســـــــاء الخير / صبــــــــاح الخير


اخباركم بنوتات


عاملين أيـــــــــــه


انا من المتابعين للمنتدى من سنتين وكل ماحاولت اشترك مايفعلوني

الا هالمره صابت معاي وفعلوني


وانا مشكلتي يمكن البعض منكم مايحس انها مشكله بس بالنسبه لي وللبنات مشكله


انا عمري 20ونص سنه بنوته اكبر اخواني

واختي اللي تحتي بثالث ثانوي 00مشكلتي بصراحه مشكلتين اولا بيني وبين امي حواجز بمسأله وحده بس اللي هي الزواج

انا من النوع الخجول وحساسه ومو جريئه ابد خاصه بأمور الزواج

واختي عكسي تماما جريئه ومايهمها احد وعادي تتكلم عن امور الزواج


اللين اللحين ماتشفون مشكله

مشكلتي الثانيه: من عرفت نفسي امي مافاتحتني بموضوع خطبه 00والله العظيم ما ادري يجون خطاب وامي ترفضهم او مايجون

هالموضوع سبب لي ازمه نفسيه ودي اعرف بس في احد يبيني وهالموضوع سبب لي شك بنفسي انه في عيوب فيني بس حاولت اطلع ما لقيت مواصافاتي زي أي بنت الحمدالله كامله


مع انه انا مو امدح نفسي بس ماعلي جذابه ونعومه ومبتسمه مو امدح نفسي لا والله بشهادة الجميع وانا اكره ماعلي امدح نفسي او احد يمدحني ما احب

حتى بزواج بنت عمتي كنت متضبطه عالأخر وجت اخت صديقتي قالت لي اتحدى ما احد خطب الليله انا ابتسمت وقلت بقلبي جت عالليله بس

ومره بزواج ولد عمي كنت صغيره بثالث ثانوي واقفه بالرسبشن مع مرة عمي وجت وحده سألت عني بنت مين

وحده تقربلي ماعندها عيال كنت جالسه انا وامي نسولف من ظمن السوالف قالت لو عندي ولد والله لأزوجك اياه ماظنيت بلقا مثلك

ومواقف كثيره بس للأسف ماشفت
ولا شميت ريحة خطبه

اكيد بتقولون صارحي امك 00ما اقدر استحي اقول لأمي في احد خاطبني والله ما اقدر

وانا عكس اختي اللي اصغر مني تزبدها بالوجه انا زوجي لما يجي بسويه كذا وما ادري ايش <<اتمنى اصير مثلها

عشان اللقى جواب للي محيرني

واغلب البنات اللي يقربولي يتزوجون بعد الجامعه



وانا اسفه اذا الكلام غير مترتب ومومتنسق لآنه الكلام طالع من قلبي

ونصيحه مني لكل ام

لها بنات لاتخبون على بناتكم امر الخطبه وتقولون صغار بنشغل بالهم ومدر ايش

بالعكس قولي لها لآنه هالشي يزيد من ثقتها بنفسها

ويعطيكم العافيه