سالفه عن الحش تموت ضحك وفيها عبره

سلام عليكم ورحمة الله وبركاته
ومساكم الله بالخير
سالفتنا الليلة عن الحش
القصة وقعت منذ مبطي ولكن الأسماء مستعارة
هذا أبو ناصر عنده فلاحة طلع للبر في الوسمي يبي يجيب علف للبقره
لمدة يومين أو ثلاثة وفي اليوم الثالث رقى فوق نباوه وناظر ولاه يشوف واحد من بعيد يمشي ويوم قرب منه ولاه يعرفه... جاي من طرف الديره سلم عليه.. وسأله عن الديره وأحوالها.. قال كل شيء على ما تحب... إلا جارك أبو صعفق سد عنك السيل..!! قال وش ذا الحكي يسد السيل يوم غبت عن الديره وقاموا يسبون فيه من آدم وجاي وحلف أنه إذا وصل الديره أنه من يوم يشوفه يحط هالفشقه في رأسه وجاك ساري وصل الدار نصف الليل وطق الباب قالت حرمته من عنده قال زوجك أفتحي والله لوريك في أبو صعفق يوم أنه يسد السيل عن نخلي
يوم دخل ولا خاطرها شين قال وش بك قالت مابي شيء لكن شفتك في المنام أنت ونويصر جارنا الثالث اللي في طرف السوق قاعدين عند جيفة حمار مخيس وهو يقطع منه وأنت فاتح أثمك ويحط فيه وأنت تبلع وتوقظت على طق الباب !!!!! يوم أنه انتفظ قال ماجاكم سيل قالت أبد ولا سواد الأرض مغير غيم وبس قال إنا لله و إنا إليه راجعون صحيح جا لمي نويصر ..... وعلمها بالسالفه لكن والله ما أروح للنخل إلا بعد ما أشوف جارنا أبو صعفق ويوم صلى الفجر وهو يخمه ويقول له حللني تراني ظنيت فيك ظنن شين
وهو يحلله ويروحون يتقهوون في الروشن ........


منقول