سالفه غريبه صارتلي تعالو

لسلام عليكم السالفه بختصارررر وحده مرسلتلي صورها بالغلط و صور اشياء ثانيه عاديه و تكلمني ع اساس اني ساره و رقمها من الخارج حطيته في قوقل طلع من كندا المهم قلتها انا مو ساره انتي مغلطه حلفتني امسح الصور و كذا كانت تحسبني ولد قلتها بنت و كذا بعدين خفت ان الصور فيها هكر او شي قلتها لا يكون ارسلتيلي هكر قالت احلف براس عيالي اني ما ارسلتلك شي و انا حرمه كبيره مالي بهالسوالف و ارسلت صوتها و هي تقول السلام عليكم انا غلطت و اسمحيلي اختي انا حرمه كيبيره و معرف وش قلتها ماعليه حبيبتي بس مره ثانيه تاكدي قالت اي خدمه تبينها انا حاضره اعتبريني اختك الكبيره قلتها مشكوره مب محتاجه بس انتبهي مره ثانيه قالت الله يوفقك و يسعدك انا عندي محل خاص فيني مجواهرات و ذكرت اسم المنطقه و المحل و هاذا معروف قالت لو حابه تزوري المحل بعدين حياك و بعدين المهم قلت ذي شكلها غنيه خل اشوف وش بتعطيني قلتها انا عندي دين الفين و خمسميه و طالبه ما اقدر اسدده لو بتساعديني بتسوين خير قالت فالك طيب بس ابي دعوه منك صادقه و امسحي رقمي ولا كاني كلمتك ولا شي و هي قد قالتلي اسمها و مبين وحده معروفه ماشاءلله و غنيه من الكبار الغنيين فقلتها بدعيلك بالي تبين قالت بالطلاق وبس قلتها افااا و من هنا بدينا بالسوالف و بدت تخبرني و تخبرني عنها و عن حياة زوجها و كيف حياة الاغنياء مو حلوه مر زي الي يتخيلونها خذتني معها السوالف و كل شوي تحلفني براس اهلي اني امسح المخادثات و مارويها حد المهم حبيت اتاكد اذا بترسلي فلوس او تستعبط علي قالت من عيوني بس الحين ليل كيف و كذا ماعندي حساب فطلبت اسمي الرباعي عشان ترسلها ف طريقه ثانيه مابي اقولها المهم و قالت اوكي قلتها اخاف يكون مقلب او شي ثاني الله يستر قالت دامك مو واثقه ليه ارسلتي الله يسامحك و مدري وش قالت انا حرمه كبيره المهم و رجعنا للسوالف و كذا و من كلامها مبين صدق وحده مرتاحه و ماتكذب كل ما احاول اكشفها تجيب اجوبه مقنعه جدا جدا بس الشي الغريب مررررررره ان ليه تسولف معي و ليه ترد بسرعه فالواتس و تسولف معي ليه كنت افكر انه مقلب بس وش يبون مني عارفه نفسي حافيه منتفه و حتى لو كانت وحده او واحد مستحيل يستفيدون شي مني المهم عرفت اسمي و وين ادرس و اذا في حد ف حياتي او لا و مدري وش المهم بعدين انا قلتها بنام و نمت و للحين افكر اذا بترسل صدق او لا و هل هي وحده او واحد و حتى لو كانت وحده تعرفني ترا مابتستفيد شي مني ابدااا و مرات اقول يمكن واحد يبي يشوف اذا حد فحياتي بس انا متاكده مليون فالميه محد حاطني في باله ومحد فكر فيني اصلا عشان يسوي هالشي انا عارفه نفسي زين و مرات اقول يمكن صدق غلطت و صدفه طلعت و رزق من الله بيجيني ارسلها لي الله في وقت محتاجه فيه و مرات اقول لو هي صدق غنيه و كذا وش تبي فيني المنتفه انا بس قلت يمكن تبي اجر صدق و دعاء مني و ماتبي شي ثاني وش رااااايكم