سالفه ماهي علئ البال ولا علئ الخاطر

السلام عليكم
اللهم صل علئ محمد
قبل يومين جاني زوجي من الاستراحه حقته وقال لي خبر نزل علئ كالصاعقه قال لاتنصدمين ترئ نزلت خبر ببيع البيت قلت ليش وكيف قال ببيع بيتك والبيت الثاني والمزرعه قلت ليش عاد
قال البيت الثاني قصده بيت عياله وامهم والمزرعه فاضين واذا بييعهم لازم بيتك معاهم لانهن بصك واحد قلت ظلم وش ذنبي انا
عيالك وامهم مايبون بيتهم بس انا ابي بيتي
قال مالك الا بيت سواء ابني جديد او اشتري او استأجر


قلت انا ابي بيتي وماراح اطلع منه الا علئ بيت اهلي
انا صممته وسويت التخطيط بيدي واثثته وتعبت عليه ولما استقريت فيه قلت بتبيع
يابنات بيتي هذا تو سكنته لي كم شهر بس
قال انا محتاج دراهم وابي ابيع
قلت انا ماني موافقه وان شاء الله ماتتم هالبيعه بأذن واحد احد
بوضح لكن ادري بتقلن اطيعي زوجك وروحي معاه
بقول لكن الاسباب
عياله وامهم كانوا لاجو ديرتنا بالاجازات والويكند يسكنون ببيتهم
والحين بيتغير الوضع لاباع البيت وين بيروحون اكيد مافي الا البيت الجديد الي بياخذه لي وبكذا لاطبنا ولا غدئ الشر
انا قلت واهلك كيف الوضع لابعت البيوت قال ماراح يجون للديره ابد وانا ماني مصدقه ابد
والشئ الثاني مثل ماتعرفن زوجي كبير بالعمر ومعاه ضغط وامراض يعني لاسمح الله بعد عمر طويل بيناشبوني عياله بالبيت الي راح اسكنه اذا الله كتب وانتقلت بحكم ان مافي بهالديره الا هالبيت بيناشبوني ومو بيعيده بيطلعوني منه لانه بيكون البيت الوحيد الي بهالديره ﻷبوهم
ولو بتقولون يسجله باسمي او باسم ولده الي هو ولدي بقول مستحيل زوجي يوافق بيقول بيتك وبيت ولدك بس اوراق وتسجيل مستحيل والدبره ياااربي
قسم عندي راسي ورقبتي من يوم سالفه البيت وهو يوجعني ورقبتي بعد حيل اعتقد ضغط من التفكير
ياااربي انك تفرجها علي يااارب اكتب لي الخيره فيما كانت
لااله الا انت سبحانك اني كنت من الظالمين