سامحني ياربي

سامحني ياربي ..
سامحني ان اخذتني امور الدنيا ..لهيت بظروف عائليه وظروف الشغل ..
كل عمري اتمنى اصوم النهار واقوم الليل لكن ..
ظروف الحياه اقوى مني ..
ظروف الحياه دوام من سبعه الى خمس العصر
.. غير الارهاق النفسي والجسدي بسبب طبيعه العمل ..
والويكند صلاه الفجر نأخرها لاننا مانضبط المنبه لان ماعندي دوام ..
سامحني ياربي ان ماخشعت بصلاتي غصب عني ..
سامحني ان ركعت وسجدت بسرعه .. ان تركت السنن ..
طول اليوم مستعجله مستعجله مستعجله اركض ورا امور دنيويه زائله ..
سامحني ياربي ان هجرت القران تكاسلا ..
سامحني ياربي بتقصيري بحجابي ان بدر مني ..
سامحني ان استسهلت اضيع وقتي بالساعات احيانا على النت واستصعبت اقرا صفحه من القران
سامحني ياربي ان بدر مني عقوق ..
ان بدر مني قطيعه رحم
ان اغتبت وحشيت انسان مسلم بغض النظر عن موقفه مني..
ياربي ياحبيبي ردني اليك ردا جميلا ..
واجعل راحه نفسي بالصلاه ..والقران
مابي برمضان اكبر همنا عزيمه فلانه ووشو الفطور مابي مظاهر مابي انواع الفطور
ابي اصلي لربي بروحانيه ..
ابي انقطع عن النت والتواصل بانواعه ..
ابي اجلس مع ابوي وامي ولو يعيدون السالفه ميه مره
ابي اقرا قران جزء وجزءين وثلاث بتدبر مو اكبر همي كم مره ختمت ..
اللهم ردني اليك ردا جميلا ..
اللهم لاتجعل الدنيا اكبر همنا ولا مبلغ علمنا ..
اللهم لاتقبضنا في هذه الدنيا الا وانت راض عنا ياحي ياقيوم ..
امين
اللهم سلمنا رمضان وتسلمه منا ياربي ياحبيبي
اعذروني فضفضه ماقبل رمضان وشي في قلبي ..