السلام عليكم
في البداية انا عمري 24 سنه وعندي طفل ولس متزوجة 3سنين ونص
ابدأ بذكر مشكلتي وانا قلبي يتقطع من الداخل حسبي الله ونعم الوكيل
مشكلتي مع زوجي وهي في يوم من الايام رجع زوجي من الدوام وناام وجلست عند التلفزيون وشوي جاب لي ولدي عمره سنتين جوال ابوه ايفون ويبغاني اشغل له لعبة بالونات لكن اللعبة مو موجوده في جوال ابوه
موجوده في جوالي لاني محملتها
المهم اخذت جوال ابوه وجلست اقلب فيه لقيت فيه برنامج محمله اسمه .(bado0o) با لعربي بادو
انا ماعرفت وش هو حسبته برنامج او لعبه بعدين فتحته وليتني مافتحته
طبعا فتحت البرنامج ويعتبر مثل برامج الدردشه المهم فتحت الشاااات
ولقيت بنااات كثير قد سولف معهم
لكن الي قهرني ثنتين وحده مسميه نفسها دلال والثانيه نوره
حسبي الله عليهم الله يجمد الدم في عروقهم ويصيبهم بمرض مايتشافون منه طول حياتهم
طبعا وحده منهم متزوجه الي هي دلال لان مبين من سوالفها مع زوجي
طبعا بتقولون ليش تدعين عليهم بهذي الدعاوي
دلال المتزوجه الله لايستر عليها ويفضحها دنيا واخره جالسه تسولف لزوجي عن علاقتها الجنسيه مع زوجها وتقول لزوجي ان هي اذا تمنعت لزوجها وقالت له هي مالها رغبة ينجن زوجها عليها اكثر
طبعا زوجي ماصدق على الله وجلس يقول لها عني يقول لها ان زوجتي بالفعل تطفش وتحب العلاقه تكون بين فتره وفتره
بعدين كتب زوجي لها ان يابخت زوجك فيك والله يحقله يجيلك اكثر من مره
وش رايكم ؟؟؟؟انا لاتعليق بس دموع تنزف الله يجعل قلوبهم تنزف ددددم
-------
اما الثانيه نوره تقول لزوجي انت متزوج قال لها ايوه
قالت انا عاهدت نفسي ماعاد اكلم اي رجل متزوج لان قبل يومين كنت متعرفه على واااحد متزوج وسولفنا مع بعض بعد يومين جاتني رسايل منه سب ودعاوي طلعت من زوجته
ونوره قالت لزوجي انا خفت من دعاوي هالبنت وانا عاهدت نفسي ماعاد اكلم متزوج
زوجي رد عليها وقال ان الشرهه على زوجها مفروض ان مسح المحادثات او كان حط لجواله رقم سري
قالت نوره لزوجي طيب انت ماتخاف زوجتك تشوف هالرسايل
قام زوجي رد عليها : انا حاط على هذا البرنامج رقم سري
وانا معود زوجتي ومفهمها ان ماتمسك جوالي ابد
-----------
وفي وحده بعد سولف معها سالته قالت له ماالمفروض انك كبرت على هالسوالف
قال لها ان النفس امارة بالسوء وانا ماعشت شبابي
--------
بعد ماقرات هالكلام بكيت من قلبي حسبي الله ونعم الوكيل عليهم الله لايسامحهم دنيا واخره
طبعا سكت وقلت بعد الاختبارات اخبره بالسالفه واواجهه
------
خلصت الاختبارات وسافرنا انا وهو عند اهله نهاية الاسبوع
وكان جوالي مع ولدي
بعدين زوجي شاف جوالي طايح في الارض واخذه وجلس يفتح فيه ويطالع
طبعا انا البرامج حقت المحادثه والدردشه حاط عليها رقم سري علشان اذا احد فتح جوالي من البزران مايقدرون يفتحون هالبرامج
زوجي لماشاف عليها ارقام سريه بغى ينجن
جاء عندي في غرفتي وقالي وش هالبرامج الي حاط عليها رقم سري وشرحت له السالفه
طبعا كانه مااقتنع بالهرجه
قالي كم هو الرقم السري قلت طيب اعطيني جوالي علشان افتحه لك
قال لا علميني كم هو ولا في شي ماتبغيني اشوفه
انا انفجرت بكى وصحت في وجهه وقلت له يعني وش قصدك شاك فيني
طبعا زوجي ندم ان قال هالكلام لانه جلس يرقعها لكن مازبطت معه
زوجي جلس يناظر فيني وقال لي امسحي هالبرامج قدامي
طبعا حتى ماتقلبون السالفه علي وتقولون اني انا الغلطانه
انا اما اشتريت جهازي الايفون وديته محل الجوالات هو الي نزل لي البرامج ووالله بعضها مااعرف وش حقته هالبرامج
لكن الرجال يفكرون ان الحريم يعرفون كل شيء مثلهم
طبعا مسحت البرامج ووريته الجوال قلت خلاص مستانس
انا قلت في نفسي هذا الوقت المناسب اني اواجهه واطلع واقول الي في خاطري
وطبعا انا ماقلت لكم لما قرأت المحادثات صورت المحادثات وبعدين مسحت البرنامج من جواله
المهم فتحت جوالي وقلت له وش تعليقك؟؟؟؟
وقمت من قدامه وجلست على الكنب في اخر الغرفه
وش تتوقعون رده..
قالي يعني فتحتي جوالي
قمت تكلمت بكلام ماادري وش قلت بس الي افتكره اني قلت له انت ماتستحي على وجهك
قلت السوالف قمت تسولف عن اشياء تصير بيني وبينك في غرفة نومي
انت ماتخاف رب العالمين
ولا والثانيه تقول لها زوجتي مستحيل تلمس جوالي لاني مفهمها ان ماتفتحه ولاتلمسه
هذا الي انت تبغاه
تبغى وحده متخلفه ساكته و 000000
بعدين قالي اسكتي قمت رديت عليه قلت انا مابسكت خلاص كفايه
قااام قالي اقول اسكتي
طبعا خفت وسكت
اخذ جوالي وخرج برى البيت وحط الجوال في السياره
طبعا لما سافرنا ورجعنا بيتنا قمت قلت له انا لازم اتفاهم معك قال لي اذا رجعنا بيتنا قلت له اوكيه
وانبسطت بس يوم لما رجعنا بيتنا طبعا وانا في السياره نزل السوبرماركت لقيت الجوال واخذته
ولما ركب السياره جلس يسولف معي وبعدين جلس يدور الجوال علشان يرجعه لي
قلت له انا اخذته و
لما وصلنا بيتنا ودخلت البيت ماعاد كلمته
قولوا لي وش اسوي هو مطنشني ولا همه يداوم ويطلع طول اليوم برى البيت واذا دخل البيت يناااام
انا بسافر لعند اهلي بعد الاختبارات ولابرجع له الا اذا حطيت لهذا الموضوع حد
انصحوني قولوا لي وش اسوي
زوجي ماهو اول مره اشوفه يخوني
اكثر من مررررره
وانا تعبت والله تعبت مافيني اتحمل خاصة وهو يعرف قد ايش احبه وقد ايش انا متعلقه فيه
انصحوني والله لادعي لكم
هذي مشكلتي اسأل الله العظيم ان يقرجها علي وعلى كل مسلم يساعدني
يلزم عليك تسجيل الدخول أولًا لكتابة تعليق.
أخيتي خوفيه بالله وأعطيه أشرطة وأعملي له كل شيء يحبه ويجذبه إليك ،وكرهيه بالنساء الي مايخافن الله لو فيهن خير ما خانو أزواجهن وكلموا رجل غريب 0
جد الايفون والبلاك مشاكلههههممم كثير
الحياة قبل خمس سنوات احلى بكثير
حسبي الله ونعم الوكيل
الحياة قبل خمس سنوات احلى بكثير
حسبي الله ونعم الوكيل
سالمينا
•
نفس المشكله تقريبا
الفرق اني لسه ماتاكدت عدل ان زوجي
يكلم احد
بس الاكيد انه حاط للجوال رقم سري ولا ينزله للارض ابد
ونفس تصرفات زوجك من حيث الاهمال والتطنيش
نقول الله يهديهم
الفرق اني لسه ماتاكدت عدل ان زوجي
يكلم احد
بس الاكيد انه حاط للجوال رقم سري ولا ينزله للارض ابد
ونفس تصرفات زوجك من حيث الاهمال والتطنيش
نقول الله يهديهم
الصفحة الأخيرة
استغفرالله
ولاحول ولاقوة الا بالله