سامحيني يا بنتي خذلتك .. تعالو واسوني

بسم الله

السالفة ومافيها يا بنات
ان بنتي اللي عمرها 5 سنوات بآخر سنة بالروضة وطبعا تعرفون آخر سنة
يعني يسوون لهم حفلة تخرج وتصوير واحتفال ومسرحية
وبنتي الله يحفظها مشاركة بالمسرحية
وما تدرون يا بنات فرحتي لما قالت لي : ماما انا بشارك في المسرحية وبكون (نمولة)
وشريتلها ملابس للمسرحية وبالأسبوع اللي فات كانو ياخذونهم كل يوم لمدرسة قريبة
من الروضة ويتدربون على المسرح وكل يوم قبل لاتنام تقول لي الحوار
وانا فرحتي فيها فوق الوصف

ولحد هنا وإدارة الروضة ما خبرونا بموعد الحفلة

يوم الثلاثاء جت من الروضة وسألتها كالمعتاد شسوت بالروضة واذا كان عليها واجب أو لا
قالت لي ان مدرستها غايبة ولا عطوهم شي
وانا ما فتحت شنطتها وركزت على دراسة اختها لأنها بثالث ابتدائي وهالفترة امتحانات

يوم الاربعاء بنتي الصغيرة رفضت تروح الروضة وحسيتها تعبانة وغابت
وبنفس اليوم بالليل تعبت وايد من الصخونة وهي عندها (اللوز) ملتهبة

ويوم الخميس ما قدرت بعد تروح الروضة ورحت العصر معاها المستشفى وكانت درجة حرارتها
38.5 لدرجة انها ما قدرت تمشي

ويوم الجمعة كنت ارتب غرفتهم وقلت خليني افتح شنطتها وكأن شي بداخلي يقول لي فتحيها
وتفاجأت ان دفتر ملاحظاتها موجود
وفتحته ويا ليتني ما فتحته:icon33: :icon33:
كان موجود فيه موعد الحفلة
والقهر والموت انه كان يوم الخميس:(
آآآآآآآآآآآآآآآ وألف أأأأأأأأه ضاع الحلم ضاع
والله العظيم دخلت غرفتي وجلست ابكي من القهر يمكن ساعة كاملة وانا ابكي:icon33:
مع انه لاحظو انها كانت مريضة يوم الخميس يعني بكل الأحوال ما كانت بتروح
بس الاحساس بالذنب ذبحني لأني ما فتحت شنطتها

وبعد ما طلعت من غرفتي غسلت وجهي وتعوذت من الشيطان ورجعت ارتب غرفتهم
وانهرت مرة ثانية جدام بناتي وقمت ابكي مثل الأطفال بصوت عالي
واقول لبنتي ليش يا ماما ما عطيتيني دفترك ؟؟ وهي تقول نسيت يا ماما .. وتمسح على راسي
وتقول خلاص ياماما يوم الأحد بجيب لك الشهادة مع الهدية
وهي ما تدري اني انتظر يوم التخرج بلهفة واتمنى شوفتها على المسرح وهي تمثل
وتقول : صباح الخير ايتها الملكة .. واو يا لها من كعكة كبيرة .. اين انتي يا نمولة .. خلاااااص ما قدر أكمل :icon33: :icon33:
أمس قضيت يومي كله وانا كل ما شفتها جدامي قمت اصيح

سامحيني يا نمولة .. سامحيني يا نمولة خذلتك بيوم تخرجك:(

رجاااااء حاااااار للمشرفات العزيزات عدم نقل موضوعي