اليوم سويت ساندويتشات دجاج طعمها زي ماقال زوجي خرافه خخخخ
ومثل ماهو مكتوب في العنوان سهله ومافيها مقادير كثيره
نبدأ بسم الله
مقادير العجينه :
كاس دقيق بر
ملعقه كبيره حليب بودره
ملعقه صغيره خميره
رشة ملح وسكر
ملعقتين زيت زيتون
مويه دافيه للعجن
تترك لما تتخمر .. تقريبا نص ساعه
وفي الوقت اللي تتخمر فيها العجينه نبدأ نسوي الحشوة وهي عبارة عن :--
صدور دجاج مخليه ومقطعه شرايح طويله
فلفل اخضر بارد مقطع شرايح
بصل مقطع شرايح
ملح
فلفل
الطريقة :
نقطع الفلفل والبصل الى شرايح ونتركه على جنب
ثم نقطع الدجاج بالطول ونرش عليه رشه خفيفه ملح وفلفل اسود فقطططط
في مقلاة نحط شوي زيت ثم نحط الدجاج .. اذا بدأ يستوي نحط عليه البصل والفلفل ونقلبهم على بعض
واذا بدا يذبل البصل .. بالملعقة اللي كنا نحرك فيها نضغط الدجاج على المقلاة بقووة لحد مايتحمر
وهكذا مع جميع قطع الدجاج ..... لان الدجاج اذا كان متحمر زين بيطلع نكهه لذيييييييذه
ثم نطفي النار ونتركه شوي يدفى
.... يتبع ....
يعني نقسم العجينة لخمس كور .. وناخذ كوره ونفردها بقوة لما تصير زي الورقه
ثم ندهنها بملعقه صغيره مايونيز
ثم نحط عليها كم قطعة دجاج مع بطاطس - وهالبطاطس كنت مسويته بالفرن -
وندهن واحد من اطراف العجينه بشوية مويه عشان تتسكر زين .. ونسكرها بهالشكل
وبعدين نحطها على مقلاة او صاج مدهون بمسحة خفييييييفه زيت .. ويكون حااااااااااااار قبل مانحط عليه العينة
وشوي ونقلبها على الجهه الثانيه
.... يتبع ....