بسم الله والحمد لله وصلى الله وسلم على رسول الله وعلى آله وأصحابه ومن اهتدى بهداه
اما بعد لقد قمت اليوم بعمل نوعين من الساندويتشات بس امممممممم روعه ولذيذه وصورتها لكم بعد طبعا في رمضان نحتاج لوصفات وافكار جديده بشكل مستمر انا اخترت لكم هالنوعين من الساندويتشات واتمنى تعجبكم انشاء الله :
النوع الاول ساندويتشات الشاورما الملفوفه بالقصدير:
المقادير المطلوبه:
بسيطه وسهله وانشاء الله تكون متوفره في كل بيت:
دجاج مسلوق مع شوية ملح وحطي كم حبه هيل وعود دارسين علشان ريحة الدجاج
خبز مفرود
ملح
بهارات
الصلصه مكونه من :
ملعقتين زبادي +ملقتين طحينه +ملعقه كبيره مايونيز( انا ماحطيت مايونيز لانه الصراحه ضار جدا حطيت جبن سايل وطلع طعمها حلو )
الطريقه:
بعد ماتسلق الدجاجه تنتف الى قطع صغيره ثم يحمس قليلا على النار مع ملعقتين زيت وشوية ملح وبهارات
بعد كذا جيبي الخبز المفرود وقطعيه الى قطع مستطيله واخلطي مقادير الصلصه وخوذي شوي منها بالملعقه وادهني الخبزه وحطي ملعقه من الدجاج اللي حمستيه على النار وحطي اصبع صغير مخلل خيار اوبطاطس مقلي حسب الرغبه ولفي الخبزه بعدين جيبي القصدير وغلفي الخبزه وهكذا حتى ينتهي المقدار
واذا خلصتي زيني الساندويتشات بشريحة خيار وجزر وثبتيها بعود الاسنان مثل مانا عامله في الصوره
النوع الثاني سهل وبسيط وماياخذ منك وقت انشاء الله :
المقادير:
خبز مفرود صغير جدا
جبن سايل
زعتر
الطريقه:
جيبي الخبز المفرود وادهنيها بالجبن السايل وحطي عليها شوية زعتر ودخليها الفرن شوي اولما تتحمر وبس وبالعافيه عليكم
تفاحة2008 @tfah2008
عضوة مميزة
يلزم عليك تسجيل الدخول أولًا لكتابة تعليق.
الصفحة الأخيرة
طريقة حلوة وسهله :26: