كيفكم ياحلوات
بحكم اننا في اجازة وكل يوم جمعة اخوات وازعاج بزارين وحوسه
كنا نفكر وش نسوي عشاء
وتذكرت بنت اختي ( الحبيبة ) انها مره سوت ساندويتش تقول انه حلو
لقينا المقادير متوفرة ورحنا سويناه وانا صورته لكم
المقادير مثل ماهو واضح في الصوره بنفس الكميات
مارتديلا دجاج مقطعه مربعات صغيره
2 طماطم مبشورة
مخلل فلفل حار
بقدونس
ملعقتين صلصه حمرا
شطه تباسكو ( حسب الرغبة )
ملح ( حسب الرغبة )
ملعقتين كاتشب << كان مستحي وعيا يتصور مع المقادير
صويا صوص
بهارات مشكله
زعتر بري ( اوريغانو )
فلفل اسود
في قدر او مقلاة نحط زيت الزتون مع البصل لما يتشوح
وبعدين نحط عليه البقدونس ونحركه شووووي
ثم الطماطم المبشوره ونحركها لما تذبل
وبعدين نحط الملح والكاتشب والبهارات بأشكالها وصوص الصويا والشطه
اخر شي في الصلصه نحط المويه لما تتسبك
في مقلاة ثانيه نحط شوي زيت عادي و نشوح المارتديلا
وبعد ماتشوح المارتديلا والصلصه استوت نضيف المارتديلا للصلصه ونحركهم مع بعض
نجيب خبز ونحشيه بالمارتديلا .. وممكن يتقدم مع سلطه الخس والذره وجبنة التشيدر
والصوص الفرنسي
بالعااافيه وأتمنى يعجبكم