ساندويتش خيال وروعه ولاحق كودو ومره سهل

السلام عليكم ورحمة الله وبركاته
اخواتي العزيزات من عضوات وزوار :26:
هذا الطبق الي بقدمه لكم مره حلو وسهل ويفك ازمه على قولتهم ويمديكم تحضرونه قبل بيوم بالنسبه لتتبيل الدجاج اقصد مااطول عليكم المقادير على النحو الآتي:
1فص ثوم مقطع مره صغير
صدور دجاج فيليه مقطعه على شكل مربعات والكميه حسب الرغبه
بهارات عباره عن:
كسبره ناشفه على حسب الكميه والرغبه والمقياس يكون بملعقة البهارات الصغيره
كاري وهذا هو اهم شي لأنه يعطي اللون الأصفر المميز والطعم الروعه
وبهارات مخلوطه مو ضروري شي معين من الي متوفر عندك طبعا كل شي مطحون يعني بهارات ناعمه هاهاها :icon32:
خل ابيض المعروف باالعاميه حق السلطه
كل هذه المقادير تخلط مع بعضها في اناء ثم يغطى بالقصدير او ورق التغليف البلاستيك وتوضع في الثلاجه ممكن تسوينها الصبح وتطلعينها من الثلاجه اليل او تسوينها باليل وتحضرينها للغداء على حسب الوقت الي تبينه بشرط مايتأخر اكثر من كيذا في الثلاجه وممكن في نفس الوقت تسوينها بس حلاتهاانها تاخذ وقت في التتبيل وهذا هو السر
اذاطلعتيها تحطين قدر وتضعين القليل من الزيت القليل مو ب تدجونه دج هاهاها :09:
ثم تضعين الخلطه السابقه عليها وتولعين النار عليها اول شي تكون النار عاليه بعدين اذا بدت تطلع بخار تقصرين على النار وعلى فكره ماتاخذ ولا ساعه على النار تستوي بسرعه على البخار
تجهزين خبز صامولي ويفضل يكون صغير مثل حق هرفي وتحطين فيه شرائح جبنه واحلى شي شرائح لافشكري طبعا مو كل الشريحه تحطينها تقسمينها ارباع على كذا وحده وممكن تحطين مايونيز كاتشب على حسب الرغبه غثيتكم انا بحسب الرغبه صح على غفله الشيف رمزي هاهاها :cook:
وتغلفونها باالقصدير جيداً ثم توضع بالفرن للتحمير لمدة 5 او10 دقايق مو اكثر لين مايذوب الجبن ثم تطلعينها من الفرن واذا بغيت تحطين خضار مثل خس او طماطم تفتحينها وتحطينها تغلفينها او تحطين الخضار مقطعه في صحن خارجي وتقدمينها معه والي يبي يحط وزي ماقلت اخهم شي تكون مغلفه بقصديرها حتى تكون محتفظه بنكهتها وتتقدم فيه
وبألف ألف عافيه ويارب تعجبكم
ودعواتكم لي باالتوفيق لي ولكل من احب دنيا وآخره:26: