كييييف الحال بنات ؟ان شاء الله انكم بخير ونعمة
اليوم عملت ساندويتشات دجاج +سلطة بطاطس بالثوم والكزبرة+ثوم بيتي
وإليكم الطريقة ياحلوات
اول شئ تجيبي صحن صدور دجاج خالية من العظم وتقطعيها صغار وتغسليها مضبوط وتتبليها بالتالي
شوية زيت زيتون نقول ثلاثة ملاعق +فلفل اسود +كمون+ابزار مشكل+نكهة الكاري +زعفران +فلفل حار بكبره قصية بالنص وارميه داخلها +واعصري نصف ليمونة +وشوية ثوم غير مطحون فقط نصفيه +نصف مكعب ماجي يعني مو وحدة نصفها فقط+ ملح اندونيسي انا ماكان عندي خلص يعطي طعم لذيذ ملعقة صغير+ملح لاتكثري +غطايتين خل وتخلطيهم مع الدجاج وخليهم فترة انا كنت مستعجلة ماطولت كلها تقريبا نصف ساعة فقط
حطي بالطاوة شوية زيت وحطي الدجاج عليها ونزلي من الدجاج الثوم والفلفل وقلبي لكن ارخي النار علشان تستوي ولا تكثري تقليب بين فترة والثانية انا حطيت شووووية من موية التتبيلة عليها
الين نشفت الموية واستوى الدجاج
نزلت الدجاج في طاوة ثانية وحطيت عليها قطع صغير من الزبدة ووزعتها ودخلتها الفرن علشان تتحمر شوية وتعطي طعم
انتهينا من الدجاج
يـــــتبــــع
وتحطي ملعقة من الثوم البيتي تدهني العيش فيها من الداخل
وتحطي الدجاج داخلها
وتحطي بطاطس مقلية+مخلل مقطعته شرايح رفيعة
انتهينا من الساندويتش ولله الحمد
يتــبع