اليوم جبت لكم طريقة وفكرة جديدة لعمل الشاورما .. الطعم امممممممممم نفس طعم الشاورما الحقيقي والشكل مميز وغريب يبيض وجهك قدام ضيوفك ..
يا الله نبدا بسم الله //
.. العجينة ..
انا دائما اسوي عجينتي هاذي المعتاده لجميع الفطائر و المعجنات
المقادير
4 كوب طحين
4 ملاعق كبيرة حليب بودرة
فجال قهوة زيت
4 ملاعق صغيرة خميرة فورية
4 ملاعق صغيرة سكر
2 ملاعق صغيرة BP ((باكنج باودر ))
ربع ملعقة صغيرة ملح
كاس وربع ماء دافي
نخلط جميع المواد السائلة مع بعض في الخلاط ونضيفها على المواد الجافة ونعجن جيدا حتى تصير عندك عجينه متماسكة وتكون وسط لا تكون قاسي ولا لينة مرة وبتلاحظين انا العجينه شوي رخوة وتلزق باليد مو مشكلة بالعكس كذا احسن لان كل ما كثرتي الطحين تقسى العجينة وما تكون هشة . ندهن وجهة العجينة بشوي زيت ونغطيها ونتركها تخمر ساعه
نفرد العجينة زين ونخليها رقيقة جدا جدا زي الخبز المفرود اللي ينباع جاهز يعني وانا افرد اعيد عليها الفرد اكثر من مره عشان تطلع الخبزة رقيقة مو متينة من العجين ثم اقطعها دوائر زي الخبز وانتي بكيفك تقدرين تتحكمين بحجم الدائرة براحتك
الصاج لازم يكون حامي مرررررررررررره يعني ركبي الصاج على النار قبل الشغل بمدة نص ساعه لازم يكون الصاج حار عشان ينتفش الخبز . ثم نحط الخبز اول ما يطلع فقاقيع من الخبز وينتفخ على طول اقلبه على الجهة الثانية على طول يعني بس يتقمر شوي لون خفيف زي الخبز المقمر بتلاحظين انه خفيف وهش ورطب ولين مره يساعده تسوين فيه أي شكل تبين
هاذا بعد ما خلصنا من الخبز .. شوفو شكله كيف مقمر
.. حشوة الدجاج ..
وهي عبارة عن )دجاج مقطع بطول زي الاصابع + فلفل بارد ملون مقطع بطول + بطل شرائح + ملح +بهارات +ثوم (
نحمس البصل حتى يشقر ثم نضيف الثوم ونحرك شوي ثم نحط الدجاج ونحرك الى ان ينضج الدجاج ثم نحط الفلفل البارد ونحرك ونتركه على النار مدة 20 دقيقة مع التحريك المستمر ثم نحط البهارات و الملح ونتركه شوي على النار . بعدها نضع فحمه على النارحتى تحمى ثم نضعها في فنجال ونضع عليها نقط من الزيت ونغطي الصينية عشان تتشرب الريحه ويطلع نفس رائحه الشوي . نتركة مغطى مدة 20 دقيقة ثم نفتح الغطى ونشيل الفحم . وبهاذا نكون خلصنا من الحشوة وهاذا شكلها
.. صوص الثوم ..
عبارة عن (بطاطس صغيرة مسلوقه + زبادي + 4فصوص ثوم + ملعقة جبن سايل + ملح + عصير ربع ليمونه (
نخلط جميع المقادير مع بعض في الخلاط اللى ان يصير ناعم جدا
نجهز (خيار مخلل + بطاطس مقلي + خس مقطع صغار +اعواد اسنان ) هاذي صورهم مع بعض
يتبع لا احد يرد
لا احلل ولا ابيح من تنقل مواضيعي بدون ذكر مصدر الموضوع واسمي
*
*
*
ناخذ قطعه منالخبز وندهنها بصوص الثوم
ثم نضع من حشوة الدجاج
ثم نضع خيار مخلل وبطاطس مقلي وشوي خس
ثم نمسك الاطراف مع بعض ونغرس فيها اعواد الاسنان على شكل ضرب
ثم نرتبها في صينية التقديم وتقدم
انا كنت معزومه فحطيتها في حافظة وغلفتها :35:
اتمنى يعجبكم ولا تنسوني من دعائكم
لا احلل ولا ابيح من تنقل مواضيعي بدون ذكر مصدر الموضوع واسمي