جبت لكم اليوم ساندويشات لذيذه والاحلى انها خفيفه وشكلها حلوو وبلقمه وحده بس تاكلينهاااا
خلونا نتابع الطريقة
المقادير:
دجاجه مسلوقه ومستويه ومفتته لقطع صغيره .. ويمكن الزياده حسب الرغبه
بصل كبير مقطع حلقات
فلفل أخضر كبير مقطع حلقات
ملعقة كبيرة زيت
ملعقة طعام كبيرة سماق
بهارات( ملح.. فلفل اسود... فلفل احمر..هيل..)
بقدونس
طماطه متوسطه مقطعه مربعات صغيره
ملعقتين طعام كبيرة مايونيز
وللحشوه: ربطه خبز لبناني.... جبن كرافت ( السائله ).... مخلل خيار... بطاطس محمره
الطريقة :
نحمس البصل والفلفل في زيت بمقلاه كبيرة حتي يذبل .. ومن ثم نضيف عليه الدجاج المفتت..
ونخلطهم لمده 5 دقايق .. ومن ثم نضيف عليه البهارات.. ونخلطة لمده 5 دقايق..
بعد ذالك نضيف عليه السماق...ونواصل الخلط لمده 5 دقايق اخرى..
وبعد ذالك نرفعه عن النار..
نضع عليهم المايونيز + الطماط + البقدونس ونخلطهم.
ونبدا في الحشوة ::
وهذة اهم خطوات..
نأخذ الخبز ونقطع بالنصف وبعدها نفتحها بحيث يكون لدينا 4 اقسام
نضع ملعقة جبن كرافت تقريبا او على حسب طول الخبزه
المهم انحط الجبن بس على طرف واحد من الخبزه
ونضع مقدار من الحشوه بالطرف الثاني من الخبز ونضع معه الخيار المخلل والبطاط
ومن ثم نلفها للاعلى لين مانوصل للجبن ويساعد على التصاقها..
ومن ثم نقطعها بشكل مائل .. طبعا نزيل الاطراف الفاضيه من اليمين واليسار
وهكذا لغاية ما تنتهي الحشوه
ومن ثم نصفها في صينيه
وهاي شكلهاااا
وبالهناء والعافية
بصراحه انا خذتها من اهنيه بس ماعرف اسم البنت
فالف شكر لج يالغاليه
روعه حبيبتي تابعي الله يستر على الوزن :)
أحس الحشوة جايه على صفار شويه شنو الي معطيها اللون هذا؟ السماق بيعطيها على أحمر .. شنو البهار الي حطيتيه وعطاه هاللون الشهي بصراحه