ساندويش الدجاج بالخبز المفرود

اهلين حبايبي عندي لكم ساندويش لذيذ وفي نفس الوقت ينفع يقدم كوجبه رئيسيه على الغداء او العشاء وهو دسم شوي قالت لي عنه وحده جزاها الله خير وجربته بالفعل لذيذ
أولا:تحضرين الدجاج كالآتي
دجاج بدون عظم +بصل+جزر+بطاطس
تقطعينهم قطع صغيره جداوتقلين البطاطس+الجزر
بعدين تشوحين البصل وتحطين معاه ثوم ناعم وتحطين عليه الدجاج وتقلبينه لحد ماتنشف المويه عنه وتضعين البهارات والفلفل الاحمرالمطحون وقبل ماتشيلينه من على النار حطي عليه البطاطس +الجزر وقلبيهم شوي
وبعدين ضعي عليهم بقدونس+كزبره+شبت مفرومين
ثانيا:
جيبي خبز مفرود واقسميه الى شريحتين ويفضل من مخابز المملكه او القادسيه عشان ينفصل معاك بسهوله وادهنيه بجبن كرافت السائل
وحطي عليه(بطاطس مسلوق ومهروس معاه ملح وفلفل اسود) وراح يندهن معاك بسهوله
بعدين وزعي الدجاج
ولفيه باحكام مثل السويسرول وضعيه في الفريزر لحين الاستخدام
واذا جيتي تستخدمينه قطعيه مثل السويسرول عرض 1سم او اكثر وضعيه في بيض ثم بقسماط وبعدين اقليه
ترى من جد لذيذ
ويفضل استخدام خبز جديد مو بايت عشان نتيجه افضل
اتمنى يعجبكم وجزى الله اللي قالت لي عنه الف خير :43: :26: