سايتــــــك التـعليم ممزوجــا بالمتعــــه لـه طعم اخر ..

السلام عليكم ورحمة الله وبركاته
اليوم وديت اخواني الصغار لمركز الامير سلطان بن عبدالعزيزللعلوم والتقنيه (سايتك)التابع لجامعة الملك فهد للبترول والمعادن الواقع على كورنيش ثاني اجمل مدينه عربيه الخبـــــــــــر..

وكانت رحلتنـــا اكثر من رائعه وصراحة مستوى المركز والاركان اللي فيه كانت فوق اللي تخيلته قبل ما اشوفه وسعدت جدا لتوافر مثل هذه الاشياء اللي بتكلم عنها بعد شوي ..

اول ما تدخلوون تلاقوون الاركان موزعه في الدور الارضي (صراحه انا ماشفتها كلها)بس مريت ركن الجمعيه السعوديه للسكر والغدد الصماء ,المتواجدات بالركن جزاهم الله خير كانوا مريحات بالتعامل ويكلمون الاطفال بمستواهم وعرضوا لهم عن اغلب الماكولات اللي يتناولها اكثرنا وكمية السكر والزيت اللي فيها واقترحوا البدائل المناسبه ووزعوا منشورات حلووه تتكلم عن سمنة الاطفال المنتشره حاليا ..

وكان فيه اركان ثانيه منها دار اليوم للنشر ,وركن عن مكافحة المخدرات , وركن عن التدخين معروض فيه رئة مدخن وقلب مدخن بعد وصور لسرطان المعده وقرحه بالاثناعشر..

بعدها رحنا ناخذ التذاكر احنا اخذنا التذكره الشامله وهي سعرها للفرد 30 ريال شامله القاعات العلميه وفلم من افلام الi-max باتكلم اول شيء عن الفلم احنا اخذنا فلم جزيرة اسماك القرش كان حلوو وممتع كانك قاعده بقاع البحر فعلا واهم شيء انه كان مفيد احنا كنا رايحين لقاعه عبحارنا الجميله قبل لانه كان لسه بدري على وقت عرض الفلم فاستفادوا اخواني اكثر لاحظتهم يشوفون انواع الاسماك ويتذكرون انهم شافوها فوق فعلقت باذهانهم اسماء الاسماك اكثر ..

نجي للقاعات فيه ست قاعات :
اولا : بحارنا الجميله :
احلى قاعه عجبتني كثيـــر فيها حوض كبيــــــــــــــــــــــــــــــــــــــــــر فيه انوووااااع من الاسماك
وفيه سمك قرش وانوااع ثانيه كثير..

ثانيا: الكائنات الحيه :
ثاني احلى قاعه بالنسبه لي..

ثالثا : الارض والفضاء :
فيها معلومات كثيره عن الارض والشمس وفيها مجسم كبير للارض مبين فيه طبقاتها وكذلك للشمس واظن انه هنا فيه بيت تقدرون تدخلونه وتعيشون جوا زلزال طبعا زلزال خفيف..

رابعا: غرائب العلوم :
خامسا: قاعة التقنيه :
سادسا: واحة الاستكشاف :
وهذي انا احس تصلح للاطفال الصغار يعني من 3-9 مع العلم ان اخواني مع انهم اكبر من هالعمر بس استانسوا فيها لانها كانت محطتنا الاخيره وكانوا تعبانين يعني كانت لعب على الخفيف..

كان فيه مسرح تحت ومهرجين وسمعت صوت اناشيد بس ما دخلناها ...

و فيه معرض لاشياء تراثيه حلوو ..

الحين اسعار التذاكر :
القاعات العلميه: القبه العلميه: الشامله
للصغار : 15 20 30
للكبار : 20 25 40
للمجموعات : 15 20 30


والافلام واوقات عرضها :
فلم جزيرة اسماك القرش 11:30 ص - 5:50 م - 9:45 م
فلم البراكين 12:30 م - 8:45 م
فلم اجمل الاماكن 10:30 ص - 6:45 م
فلم الطيران العمودي 11:30 ص - 5:30 م - 9:45 م


طبعا هذه نبذه بسيطه جدا واذا رحتوا ان شاء الله بتشوفون اشياء كثيره ومو بس الاطفال بيستانسون صدقوني حتى انتم بتنبسطون وبتكون تجربه ممتعه ان شاء الله انا حسيت ان اكثر فئه عمريه بيستفيدون من عمر 9 واكثر لانهم بيكونون اكثر انضباط وتركيز وبالتالي اكثر استمتاع ..
نسيت اقولكم ان المركز يستقبل زواره من 9ص - 11 م

اتمنـــــــى لكم زيـــاره ممتـــــــعــه ومـفيــــــــده