يفداهم العمر كله
هل فحصتي بنتك ؟ يمكن معاها انيميا او شي متعبها لانك تقولين تنام كثير؟
كيف الوضع بالبيت ليس نفسيتها كذا؟
ممكن تنقعين لبان ذكر بالما وتشربيتها اياه مع العسل كويس للنباهه
عطيها مكسرات تاكلها كاجو لوز فستق جوز مهم جدا سمسم خليها تاكل زعتر مناقيش علشان فيها سمسم
بس بلاول افحصيها عند الطبيب
اما الدراسه فشوفي الاسباب اول بعدين امرها سهل
واتقوا الله في عيالكم

عمليها زين ولا تقولي زيها زي الشنطه احباط هذا الله يهديكِ


ترى الضرب أهون من تشبيه الإنسان بالجماد ولا الحيوان بعدين يصير عنده تبلد ولا مبالها


نجي للمشكله


شوفي الاشياء اللي تحبها واشتري لها مجموعه من الصور وخليها قدامها إذا حلت أعطيها أو

خليها تختار وإذا حفظت حتى لو شوي عطياها ومعاكِ إن شاء الله بتمشي


لا تخليها تنام إذا جات من المدرسه إلا لما تحل الواجب


(أفتح القرآن على الايات بالبدايه وتبعي معاها


وبعدين كرريها عليها حتى لو ما رددت معاكِ كرري عليها طول النهار ومعظم الاطفال كذا

ولا جات تنام أقري عليها وأقري عليها الايات الحفظ هذي طريقتي مع اخوي وما شاء الله عليه كلها ممتاز



وعلشان تتنشط أكليها فواكه وخاصة الموز يحبونه الصغار


وتوها صغيره دلليها شوي ولما تكوني قريبه منها بتتجاوب معاكِ اكثر ولا جيت تذاكرينا لها

قولي هيا نحل هيا نذاكر يكون أفضل


أتعبي معاها بهذي السن لان الثلاث مراحل الآولى تأسيس وإذا ما مشت فيها بتتعب بعدين بالدراسه كرسي معظم وقتكِ معاها صدقيني بعدين بترتاحين وأهم شيء لا تستعجلي

الله يوفقها ويصلحها

ما يصير تضربينها توها صغيره وكل الاطفال كذا


من تجربتي 4 من خواني واختين يعني 6


أنا معلمتهم الحروف والارقام وقصار السور قبل يدخلون أول ابتدائي ولا دخلوا روضه ولا شيء

ولا عمري ضربتهم


والحمد لله التعليم متاح الوقت هذا اكثر من قبل فيه برامج واناشيد فيها تتعلم منها


ولا تضغطين عليها خليها تأخذ وقتها مع الحرف الواحد هي كلها 28 حرف يعني لو تجلس بالحرف اسبوعين يمديها


الله يهديكِ ويعينك وقبل تضربينها استغفر الله

هذي مشكلة اخر العنقود الدلع الزايد وتحسين انه مالك كل شيء الله يصلحهم اقولك من تجربة
نصيحة لا تخلينها تعيد ثاني .. بس من رايي مدام صعب عليها الحفظ لا تدخلينها تحفيظ قرآن
انقليها لمدرسة عادية .. عشان يقل عليها الحفظ ترى الناس قدرات والبعض مايستوعب بسرعة
وبنتك شكلها منهم ,, مشكلة النوم والكسل اللي ماله داعي نصيحة وديها افحصيها بالمستشفى
يمكن عندها غدة ولا نقص بأحد الفيتامينات يخليها دايخة ,,

بنتك اكيد عندها نقطة ضعف لشيء معين تحبه وتكره شيء اخر ادخلي لها من هالمدخل
شوفي الشيء اللي تحبه واعطيها اذا مشت على كلامك واحرميها منه اذا العكس


وانتبهي انتبهي انتبهي تخلينها تعيد سنة مارح تسامحك طول عمرها ورح تضل طول
عمرها تحس بالنقص عن زميلاتها وتحس ان قدراتها العقلية غير عن زميلاتها ويؤثر
على تحصيلها الدراسي ,, هالشيء شفته بعيني بأختي الصغيرة ,,
بس مو احنا اللي طلبنا ترسب المدرسة رسبوها بحجة انها ماتعرف تقرأ وهي بثاني
والله انها تقرأ بالبيت زي السلام عليكم بس مدري بالمدرسة تتلعثم ولا كيف ,, وبأولى ماخذة
امتياز وشهادة تفوق , الله لا لا يسامحهم ولا يبيحهم ليوم الدين .. إلى الآن والبنت متعقدة
من اللي صار وتشوف نفسها اقل من غيرها مو قادرة تركز بالدراسة وتغيرت كثير

انتبهي تقعين بنفس الخطأ ,, والله يوفقها ويصلحها