السلام عليكم
اخواتي اليوم جلست اطالع في مقادير مطبخي احاول اخترع شي اطبخه علشان مايفسد الاكل
واخترعت الطبخه هاذي
ووالله لو ماعجبتني
ماكان كتبتها لكم
والي تحب المكرونه بتحبها
خذو المقادير
(تكفي شخصين)
نصف كرتون او اقل بشوي مكرونة اسباقيتي
صدرين دجاج مقطعه شرائح او مربعات بحجم 2 سم تقريبا
نصف كيس فطر مجمد (الكيس الوسط) او علبة فطر معلب
(((-بس انا استخدمت مجمد وهو يختلف عن المعلب قريب من الطازج ولونه غير)))
نصف مكعب ماجي
ملعقتين صلصة وستشتر
(((اعتقد كذا اسمها لونها اسود وتشبه الصويا بس تختلف عنها نكهتها قريبه من الخل ومبهره))))
حبه بصله متوسطه مكعبات
فصين ثوم مفرومه
نصف فلفل رومي اخضر مقطع مكعبات
طماطة صغيره مقطعه مكعبات صغيره
قليل بقدونس مفروم
(( تقريبا ملعقه))
فلفل وقليل روزماري مجفف
الطريقه:
1-اسلقي المكرونة في مويه وملعقه كبيره ملح لمدة 10 دقايق فقط لاتخلينها تطول وهي شبه قاسية اطعم والذ
2- حطي زيت زيتون تقريبا 4 ملاعق كبار
3- حطي عليه البصل والفلفل الرومي والثوم
4- ثم حطي عليه الدجاج المقطع
5-حطي الفلفل والروزماري(اسحقيه باصابعك شوي وانتي تحطينه)
6- بعد دقيقة حطي الفطر وخليهم لغايه مايتنشف الموية الي طالعه من الاكل
7- حطي فوقهم الماجي وصبي تقريبا كاس ونص مويه مغليه
8- اتركيها تغلي عشر دقايق ولازم تكون فيها شوي مويه
9- حطي عليها المكرونة بعد ماصفيتيها
10- قلبيها مع بعض ولازم كمية المكرونة مساويه للصوص والدجاج تقريبا
11- قدميها في صحن ورشي عليها الطماط المكعبات والبقدونس المفروم
وبالعاااااااافيه
لذيذه والله
وطعم جديد غير الي تعودنا عليه:26:
