سباق الانجاب

السلام عليكم حبيباتي في منتدانا الغالي..
حبيت اكتب اول موضوع لي في هالمنتدى..


كثير منا تعبان وكثير منا تنتظر فرحتها الاولى
تتمنى تحمل طفلها الاول وتسمع صوته وتشوف ضحكته
وتقعده من النوم وتاكله وتشربه وتروشه وتلعب معاه
وتلبسه وتسمعه وهو يقولها ماما وينادي ابوه بابا..
الله يرزقنا واياكم الذرية الصالحه..



حبيباتي كثير اللي صابره للحين اللي سنه واللي سنتين واللي 3سنين
واللي 10سنوات واللي20 واكثر ..واكيد انها راحت مستشفيات وتحاليل وحوسه
واللي للحين تروح واللي ملت وماعادت تروح واللي اكتشفت انها عقيم واللي قالو لها مافي امل ..
ياااااااااه شلون كل وحده جالسه تعاني..ويمكن الاكثريه خلاص فاقده الامل..



ولاكن انا اقولها لالالالالالا انتي ليش تفقدين الامل والحل بيدج..
سوي لنفسج جدول محدد تلتزمين فيه لين وقت حدوث الحمل
((وهي اسرع واظمن الطرق للحمل بأذن الله))
نحن لازلنا في محطة الانتظار والصبر..وسنصبر الى اليوم الموعود
يوم اللي تدوخين وتقولين ماادري شفيني..وتتأخر عليك الدوره وتقولين وينها ماجات
وتسوين تحليل وتطلعين حامل ونقولج الف الف الف مبروك ونبارك لج كلنا واحنا فرحانين..معاج



وانا اليوم حالي مثل حالهم..متزوجه صارلي 3سنوات ورحت المستشفى وكل فتره اروح ..
والحمدلله على كل حال..
قررت اني اسوي فريق..

((((((فريق سباق الانجاب..)))))))


طبعا كل وحده تعرف ومايخفى عليها فضل الاستغفار..
قال تعالى " فقلت اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراً وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً "

قال صلى الله عليه وسلم : ( من لزم الاستغفار جعل الله له من كل هم رجا ومن كل ضيق مخرجا ورزقه من حيث لا يحتسب
وسور القران فيها الشفاء.. مثل سورة البقره واية الكرسي وغيرها الكثير
والصلاة على نبينا محمد وعلى اله وصحبه اجمعين لها الفضل الكثير



انا عني ببدأ من اليوم وهذا جدولي
كل يوم بقول
-<استغفرالله>500مره
-<ربي لاتذرني فردا وانت خير الوارثين>100مره
-<سورة مريم > مرتين باليوم
هذا اللي حاليا بسويه .. وكل يوم او يومين بقولكم شنو سويت..
وعقبال اليوم اللي ادخل واقولكم (ابشركم انا حامل)



اتمنى تدخلون هالسباق ونشوف من اول وحده راح تحمل..ونبارك لها
والتسجيل مفتوح من اليوم.. ولازم نشجع بعض
حياكم الله ..



اللي ماودها تشارك تكتب لنا دعوه حلوه من قلب..
احنا نحتاج دعواتكم..

منقول من احد المنتديات:p:26: