السلام عليكم ورحمه الله وبركاته
لااله الا الله وحده لاشريك له يارب لك الحمد والشكر لسانى طول الوقت يردد هالكلمه الحمدالله على نعمته
وان شاء الله تذوقون الفرحه مثلي وكنت مانساكم لما ادعى لنفسي ادعيلكم معاى
الحمدالله فرحت وولدى فرحان حزنى والله مو مصدق ان بيصير عنده اخ
ولد عمه معاه بنفس عمره وامه حملت قبل سنه
يجينى ولدى ويقولى ليش يماما ام فلان في بطنها نونو وانتى لا
اه والله عذاااب كنت اقوله يماما انا في بطنى نونو بس لسه نايم اذا صحى من النوم بيجى
ياقلبي عليه اذا راح الجمعه يصلى يدعيلي بالحمل مسكين متشفق على الحمل اكثر منى
انا يابنات اول مازوجت حملت بس اجهضت بشهرين طبعا وقتها كنت عروس
عوامل كثيره كانت السبب باجهاضى منها الملاهى والجزم العاليه وكنت بالكليه اقتصاد منزلى وتعرفون حوسته
وسافرت المهم الحمل ماطول وراح
ماكشفت جلسته تقريبا 8 شهور وحملت بولدى
وركبت لولب وكنت اقول مابغى اجيب مابغى احمل الولاده متعبه وربي عاقبنى على كلامى
بعد 3 سنين صدفه حملت بس يادوب شهر واجهضت لانى كنت وقتها تعبانه ماااااره كحه شديده وحساسيه وربو حالتى كانت حاله وغير حبوب الحساسيه والكرتزون وعرفت انى حامل وبعدها باسبوع اجهضت
والحمدالله على كل حال
جلست بعدها سنه بعدين حملت وكنت وقتها مسافره براااا وماكنت داريه طبعا سفر ومشى وطياره تعرفون برضو ماطول
لما جيت السعوديه على طول على المستشفى وعمليه تنظيف
وجلسته سنتين والحين حملت الحمدالله
طبعا خلال السنتين رحت للممرخه بس ماستفدت من علاجها رغم ان صاحبتى حملت على يدها بعد الله
ورحت كمان للمرخه ثانيه وبرضو مافى فايده
رحت كشفت عند الدكتور قالت معاك تكيس استخدمت جلوكوفاج تقريبا 5 شهور والتكيس برضو فيه
المهم قريت عن القسط الهندى والحجامه وسويتها والحمدالله راح التكيس
طيب برضو ماحملت
انا من بديت بالقسط الهندى وانا مداومه على رقيه العقم والانجابوهذا رابطها
http://www.khayma.com/roqia/PAGE11.HTM
الرقيه انا عليها تقريبا 8 شهور مرتين اقراها مره الصباح ومره المغرب احيان مافينى حيل اقراها بس كنت اغصب نفسي عليهااا انا اعانى من عين مدرى من حسد كانت تجينى احلام فضيعه بس الحمدالله سيطرت على الوضع
وللحين مستمره عليها مع التحصين وان شاء الله ربي الحافظ
رحت للدكتور ومشانى على كورس 3 شهور كلوميد
ماعندى سبب يمنع الحمل حتى زوجى
وقال الدكتور الكلوميد عشان يزيد فرص الحمل عندك انتهيت من الكورس ببدايه رمضان
والدوره جاتنى 16 رمضان وعندى موعد مع الدكتور 12 شوال ورحت لموعدى وشاف ان مافي حمل فقال لازم اشعه صبغه اذا جات الدوره سويها والحمدالله ماجات وربي اكرمنى
بنات التكيس راح منى بالحجامه والقسط الهندى لاتستهينون فيها
طبعا كثرت من المويه وخاصه وقت الدوره والانانس لين ماراح منى
ولدى الحين عمره 6 سنين ودخلته المدرسه يعنى راح يكون فيه فرق كبير بينه وبين اخوه بس الحمدالله على كل حال
دعواتكم لى بتثبيت حملى والله مانسيتكم كنت لما ادعى لنفسي ادعيلكم
الله يرزقكم الذريه ويفرحكم زى مافرحنى
هدوء--- @hdoaa_4
كبيرة محررات
يلزم عليك تسجيل الدخول أولًا لكتابة تعليق.
♥Adrina
•
مَاشَاء الْلَّه
الْف مَبْرُوك..
الْلَّه تَمَّم لَك عَلَى خَيْر وَتَفْرَحَي بِشَوَفَتِه بَيْن ايْدِك..
وَالْلَّه يَرْزُقَنِي وَالْجَمِيْع يَارَب.
{رَبِّ لَاتَذَرْنِي فَرْدا وَانْت خَيْر الْوَارِثِيْن}
الْف مَبْرُوك..
الْلَّه تَمَّم لَك عَلَى خَيْر وَتَفْرَحَي بِشَوَفَتِه بَيْن ايْدِك..
وَالْلَّه يَرْزُقَنِي وَالْجَمِيْع يَارَب.
{رَبِّ لَاتَذَرْنِي فَرْدا وَانْت خَيْر الْوَارِثِيْن}
الصفحة الأخيرة
وعقبال كل من تمنى الحمل يارب ياكريم