سبب اختطاف الاطفال والتحرش

كل مادخلت قسم لقيت موضوع من هالنوع


والكل قاعد يبرر للمتحرش والمغتصب ويلوم الام و الطفل


انتوا صاحيين ولا فيه عقولكم شئ


تعرفون المرض هذا ولا ماتعرفونه

هالامراض منتشره بكل الدول فيه ناس عقوها مريضه تحب الاطفال مايهمها هالطفل وش لابس افهموووووووووووووووا مايهمه مايهمه مايهمه اهم شئ طفل اقروا عنه وتثقفوا يرحم لي والديكم

كم قصه نسمعها المتحرش يالخال يالعم ولا تجي الام تقول والله بنتي مسترتها بس تحرشوا فيها

بامريكا قضيه لزوج ام تحرش بطفله ام سنتين و بجد تحرش بطفله ام ثالث سنوات بتقولون لي ذولي لابسين عاري بعد ؟؟ولا مغرييين ؟؟ والله مره بنت قدامي صغيره اعطيها بسادس لابسه عباتها ومتحجبه والتبن الهندي يبغى يلمس لو ماجيت جنبها بسرعه

طيب وبعض المدرسين اللي يتحرشون بالاولاد بالمدراس هل الولد بعد اغراه الولد لابس ثوب زي رسمي وين الاغراء معه

بطلوا تعطونهم مبررات وحجج هالكلام اكيد بتداولنه بالمجالس وتسمعه طفله لو صار لها شئ لا سمح الله بتقول اكيد الغلط مني ترسخون هالتفكير بعقول الاطفال والامهات حتى الطفل الولد لو لاسمح الله كبر ووتحرش بيقول من هالطفله هي اغرتني

واذا الام اشتكت او فضفضت يجون يلومونها انت بنتك ولا ولد واذا ماالومها مباشره بترسخ هالفكره بعقولهم


هالمرض مايفرق بين طفل ولد ولا بنت بين محارم ولا مش محارم وعلى الفكره هالمرض موجود بنسبه من النساء تصير تحب تعتدي على الاطفال اقل من الذكور لكن النسبه موجوده




مو قصدي من هالموضوع انه فصخوا عيالكم

قصدي بطلوا تعطون مبررات للمعتدين وبطلوا تلومون الام ولا الضحيه
كم من ضحيه الحين بتلوم امها ولا نفسها


التحرش عندنا كاثر لان مافيه عقوبه راااااااااااااااادعه تدرون باحد الدول الاوربيه مدري هي النرويج او السويد يقطعون عضو المعتدي على الاطفال لانهم داريين حتى لو حبسوه ماتفرق شهوته هي نفسها مايبي الا طفل ليتها عندنا بس

ولا الضحيه تصير هي المذنبه بنظر مجتمعنا المريض ولا الاهل مايبون فضائح وايضا لقله الوعي

نستحي نثقف عيالنا بهالموضوع نستحي نعلمهم كيف يدافعون عن انفسهم ولا نقول مانبي نفتحهم بهالامور

ان مافهم منك بيفهم من برا بطريقه خاطئه ولا نعلمهم بطريقه دفشه او غير تربويه


اعذروني كلامي مو مرتب ويمكن دفش لكن من قهري كل مادخلت موضوع حطوا اللوم على الام والطفل ولاجابوا سيره المعتدي ابد ابد وكانه ماله دخل بالسالفه