سبب اخفاق البرامج الرياضية من اجل انقاص الوزن - متجدد

اهلا بيكي اختي الفاضله

الدايت هينزل وزنك بس على مدى طويل

لكن لو حبيتي تنزلي وزنك بسرعه يبقى لازم تمارسي رياضه مع الدايت

وانسب واسهل رياضه لتنزيل الوزن هي المشي و الأفضل الجري

لو حضرتك مشتركه في نادي هيبقى موضوع الجري ده سهل ( داخل النادي )

اما لو مش مشتركه هيبقى صعب .. فهيتم استبداله بالمشي

لازم كل يوم تمشي على الأقل ساعه .. وماتشربيش مياه بعد المشي ولا تاكلي

خلي المجهود اللي بذلتيه ياخد من جسمك انتي

لأنك لو اكلتي او شربتي هتعوضي المجهود وبكده يبقى معاملناش حاجه

على الأقل تستني ساعتين بعد المشي

وعموما نفس الكلام بالنسبه للتمرينات .. سواء سويدي او ايروبك .. ماتكليش بعد ادائها على طول

بالنسبه للمشي اقل حاجه ساعه .. لو قدرتي تزودي عند كده يبقى افضل .. لكن لازم كل يوم تمشي ساعه


أفضل صورة للنشاط البدني والرياضي:
الحقيقة مع توافر ألعاب رياضية شتى تأتي بالفائدة على ممارسيها،ولكننا نبحث عن ما يوفر لنا الوقت ويعطينا النتيجة التى نبحث عنها وبشكل مناسب لجميع طبقات المجتمع،ألا وهو العدو..(الجري) فأنه لا توجد لعبة من الألعاب الرياضية ألا ويتوج العدو في خصائصها، حتى تنس الطاولة،لأن العدو له فوائدة لا حصر لها،وحتى أن مارست أي لعبة بدون ممارستك للعدو فربما ستنجح ولكن أدائك سيكون في غاية السوء وتقدمك فيها سيكون بطيء جداً، والعكس صحيح. فإن مارست العدو حتى إن لم تمارس إي لعبة أخرى فسيكون أدائك أفضل من ممارسي أي لعبة أخرى لا يمارسوا فيها العدو..في الجري يقم الأنسان بتحريك جميع عضلات الجسم والمفاصل بشكل كامل، كما أنه الحل السريع جداً لأنقاص الوزن ولا يفوقه أي لعبة أخرى في هذا الهدف بالذات فيمكنك إن تفقد أزيد من 1000 سعر حراري مقابل ممارستك إلى كرة القدم مثلاً وكرة القدم أساسها الجري.
فما بالك إن كنت تمارس الجري وحده ؟

طب دلوقتى بعد ما فهمت ان العدات الكتير مبتحرق الدهون .. سؤاااال لولبى .. علل ؟ ايه بيحرق الدهون ؟
بص يا عم اللولبى اللى بيحرق الدهون هو الكارديو و التغذية السليمة




ايه يا كوتش الهندى ده يعنى ايه كارديو ؟
الكارديو ده يا سيدى يعنى التمارين الهوائية ( و لا هوائية مش هتعملها و انت طاير يعنى ) هوائية ديه اللى بتحرقلك دهونك و منها



( الجرى و ده احسنهم .. العجلة .. السلم .. نط الحبل .. الرياضات اللى فيها جرى برده ) من الاخر ياض اى حاجة بتخليك تنهج و لسانك مدلدل لانك كدة معدل نبضات قلبك بيبقى عالى و ساعتها هتحرق الدهون اللى مضايقاك ديه




طب و امتى احسن وقت ده للكارديو يا كوتش ولا قد ايه ولا فى يوم ايه ؟
احسن وقت اول ما تصحى من النوم و انت عينيك معمصة و مكلتش حاجة .. ليه ؟ عشان معدل الجليكوجين فى دمك بيبقى قليل و بالتالى الحرق هيبقى اعلى من اى وقت تانى


لكن لو زى الناصح جريت بعد ما كلت .. هتحرق اللى كلته و ما استفتدش بحاجة زى ما كنت هستفيد الصبح


هتقولى يا كابتن انا بصحى متأخر و مكسل و ورايا شغل يبقى تجرى بعد التمرين و ده ثانى افضل وقت للجرى و هتحرق دهون برده


عايز تعرف اجرى قد ايه ؟ يبقى لازم تقيس نسبة دهون جسمك عشان تعرف التغذية و الكارديو هتقولى يا كوتش ده فيلم هندى و معرفش فين .. يبقى خلاص نمشى بالبلدى


عندك دهون بسيطة فى الرجلين و البطن ؟ وزنك من 70 الى 87 كيلو ؟


هتجرى 4 ايام فى الاسبوع اول ما تصحى من النوم 30 دقيقة كل مرة


عندك دهون كتير فى كل حتة فى جسمك ؟ ملظلظ من الاخر ؟ 87 كيلو و انت طالع


هتجرى 5 ايام فى الاسبوع 45 دقيقة كل مرة اول ما تصحى من النوم .. و 3 ايام كمان 25 دقيقة عجلة او نط حبل بعد التمرين


و كل ده طبعا بجانب التغذية .. يعنى مش تعمل كل ده و تروح تاكلى برجر و بيض مقلى و سمنة و زيت تبقى ناصح كدة بقى


لازم تبعد عن الدهون خالص يعنى اى حاجة فيها سمنة و زيت و مقلية و محمرة و ايس كريم و بيبسى و حلويات و الكلام ده متجيش جنبه و تاكل مسلوق و مشوى بسسسسس ماشى ؟




و فيها ايه يعنى يا كوتش لما اخس بطريقة غير سليمة هموت مثلا هاع هاع مهو كله خسسان ؟
لا يا ناصح مش كله خسسان و لا مش هتموت بس هتتعب جدا لدرجة انك هيغمى عليك من قلة الاكل و مش بعيد تروح فيها و نخلص منك يا شيخ و غير كدة اتفرج بقى يا سيدى على الترهلات اللى فى جلدك عشان خسيت بسرعة و الجلد ملحقش ينكمش هتيجى تتغذب عشان تشيل الجلد ده و اول ما ترجع تاكل تانى اللى نفسك فيه اتفرج على الدهون اللى هتتخزن بقى عشان جسمك خايف لا حضرتك تذتذكى تانى و تبطل اكل هيقوم مخزن كل اللى بتاكله فى صورة دهون ( الاحتياط واجب يعنى )


طب فعلا الواد حموكشة طلعله ترهلات يعمل ايه بقى ؟
هيفضل يجرى لحد ما تقل تدريجيا لان الكارديو بيحرق الدهون زى ما قلت و الجلد خلايا دهنية و اكيد هتقل مع الكارديو و الوقت طبعا لازم يصبر


ووللموضوع بقية تابعوني هنااااااااااااااااااااااااااااااا يعني حضيف في نفس الموضوع
وللعايزين يخس بدون دايت يعني رياضة بس برضة يتابعوني حرد عليهم هنا لان ممنوع اكثر من 3مشاركات في نفس اليوم
طبعا الكلام الي فات كان من عند مدرب محترف في احدى رياضات كمال الاجسام وكان رد على سؤالي ليه .