بسم الله الرحمن الرحيم
الحمد لله الصلاة والسلام على اشرف المرسلين سيدنا محمد صلى الله عليه وآله وسلم
السلام عليكم ورحمة الله وبركاتة
عزيزاتي اعضاء منتدى عالم حواء كتبت الموضوع دا لعيونكم
سمعت كثير بنات تاخر عليهم الحمل هنا في المنتدى وبرا المنتدى
وبما اني احمل معلومة ربما غفل عنها البعض ,
ممكن تكون سبب في تاخير حملكم , اعرف كثير مااراد الله انهم يحملو
وقعدو كم سنة من مستشفى لمستشفى ومن تحاليل لتحاليل وفي ناس مقتدرين و سافرو
بس مااراد الله انو يحملو, وبنسبة ليا عشتها لانو ناس كثير من اهلي حصلت
معاهم المشكلة دي وبتحديد امي , خالتي , اختي ,مرت ولد خالتي والكثير
والشي الغريب في دي القصص اللي نسمعها
انو التحاليل تطلع كويسة وما في سبب لـ تاخير الحمل !!
حبيت ابين لكم انو في مشكلة بسيطة ممكن تكون فيكي وانتي ماتدري
وممكن تكون السبب في تاخير حملك والاطباء بــ الاجهزة والتحاليل ماقدرو
يعرفوها ,
المهم المشكلة هيا ( نزول الرحم عن مكانة او ميلان في الحوض )
ودا ممكن بسبب شيل الاشياء الثقيلة او طحتي
وفي دي الحالة لازم تروحي تتاكدي وانتي مو خسران شي
انا امي وخالتي راحو عند (داية ) تمرخ او تكبسك وتسويلك شي زي الحجامة بس والله
ماعرف اسمها بس اسمع عنة وفي ناس تجيهم البيت على حسب انتي ايش تبغي
وامي باذن الله ربي بعدها اذن لها بالحمل وجابت اخواني واخواتي وجابتني
وخالتي كمان مشاء الله عندها ولد وبنات ماشاء الله متخرجين من الجامعه
واختي بعد 12 سنة من مستشفى لسفر ماخلت مكان ربي الهمها وراحت عند داية
وربي رزقها بذرية ونفس الشي مرت ولد خالتي قعدت 3سنين وبعدين مرختها الداية وعلى فكره التمريخ ياخد 3 ايام تقريبا
وبعدها ماشاءالله حملت واولاده في المدرسة ربي يخليهم لها
حبايب قلبي حبيت انبهكم على دا الموضوع ,يمكن تكوني مافيكي شي لا انتي ولازوجك ماشاء الله
بس يكون الرحم نازل عندك او يكون في ميلان في الحوض
لا تياسو ولا تقولو مافي امل خلي ثقتكم بالله عزوجل اكبر من كل شي
والداية ارخص يكثير من المستشفيات, ربي يسهلها معاكم وتبشرونا بحملكم
ماابغى منكم غير ان تدعو لي بــ الزوج الصالح والتوفيق لي واهلي .
لاتيأسو من رحمة الله
لاتيأسو من رحمة الله
لاتيأسو من رحمة الله
لي ومن ارد انقل محلل عاشقة الغزلان