ياحليلكم يابنات
من جدكم تتكلمون
والا انتم بكوكب غير عن كوكبنا ..!!
والا لانكم ماتزوجتوا ماتدرون عن شي

اما ولد ومايشترط ..!!!!
والله قويه
المصيبه حتى الشين ومستواه المادي زي وجهه واحيانا ماعنده وظيفه ونفسه شينه واخلاقه زفت
تلاقيه ساطر لك شروط من هنا لباب بيتكم
بعمري ماسمعت ان فيه ولد مايتشرط
الا يتشرط ويشترط
يبيها بيضاء
وجسمها حلو
وحلوه
وذكيه
واهلها ناس رزه ومعروفين
وشعرها طوووويل يوووووه ياكثر هالطلب دايم بيضاء وشعرها طويل ..!!

مااصدق انا ان فيه ولد بيتزوج يقول لاهلوا روحوا دورا لي اللي تبون ماعندي شروط ..!!
يووه بالحلم هذي

حتى الملتزم تصدقون يتشرط
يبيها ملتزمه وحلوه
لو اقوله هذي وحده سمرا ومو حلوه وملتزمه وش رايك ؟؟؟؟

وصراحه اللي ماتبي تخسر قرايبها ولاصديقاتها لاتزوجهم اخوها وهذي حقيقه :)

وبعدين يمكن رفض الوحده للقرايب لانها تشوف شي فيك ماحبته ومايعني هذا انها تقطع علاقتها فيك عشان هالشي ..!!
لكنها تعرف انك لو كنتي معها بالبيت دائما هالشي بيسبب مشاكل لهم لكن طالما انك بعيده فهي قادره تتغاضى عن هالشي

صراحه والله اني احب قريباتي وصديقاتي جدا
لكن فيهم صفات اتحملها من محبتي لهم وسبب تحملي لان احتكاكي فيهم قليل فالامر اقدر ابلعه
لكن لو كانت كل يوم بوجهي ممكن مااقدر ابلع هالشي لها

وكلامي هذا مايعني اني لو بخطب وحده مو من قرايبي مايكون فيها شي اخر ايضا
لكن بالنسبه لي اجهل هالشي ارحم من اني اعرفه واخطبها
وبكرا الوم نفسي شلون ادري عنها واخطبها
لكن لو غريبه بيكون عذري اني مااعرفها اصلا يعني مجازفه بين انها تكون زينه او بتكون زي اقاربي وع الاقل ادخل بتجربه نسبتها 50% نجاح
ارحم من نسبتها صفر %
من غير لو زعلت يوووه بتزعل عمتي وخالتي معها وعمي وابوي والدنيا كلها تولع
لكن الغريبه تزعل ويصير اللي يصير مااحد يدري من اهلي شي :)

خليكم شوي واقعين
ممكن صح فيه حريم تتشرط زياده على شروط ولدها
لكن تقولوا لي الولد مايتشرط مستحيل اصدق ..!!

وبعدين يابعدهم من قال ان ام 18 او 19 صغيره
بسم الله عليك هالحين ام 14 اسنع مني ومنك بكل شي :)
ومافيها شي ابدا لو عمره 30 يطلب 20 او 22
احس من حقه
لانها هي بقمة انوثتها
وهو بقمة رجولته
يعني متساوين بعيد عن الفارق العمري
لان الرجل غير عن الحرمه

وصدقيني
ماوقف حظ البنات الا هن بانفسهن
تجيك الوحده لاعقل ولافطنه
كل شي تقوله ماتحط بالها للكلام
والا تسوي لك حركات تقل مجنونه
والا لبسها وعدم احترامها للكبير والمجلس

صراحة ايه انا لو اشوف وحده لبسها عاري او مو مضبوط وبيخطبها اخوي بقوله عن لبسها
مهما كان الوحده تبي الاخلاق ياناس
اتعجب هنا بالمنتدى تقول البنطلون العادي العاري عادي اهم شي الاخلاق
مدري تتكلم من جدها
وين الاخلاق ..!!!!

يعني شحص اول مره تشوفيه وشلون تحكمي عليه اذا مو من مظهره :)
وبعد ماتتكلمي معاه بتعرفيه اكثر

يابنات
خافوا الله في انفسكم ووالله بتشوفوا الخير
عدلوا عباياتكم اللي كنها فساتين
عدلوا لبسكم ايه لبسكم وخلوا عنكم المنفتحات والله لو يخافون الله ماقالوا لكم اللي يحكم عليك من بنطلونك خليه يولي
لو فيها خير كان قالت خذي الموقف درس لك وتوبي لله واتركي البنطلون

اذا ابسط الاشياء واتفهها مو قادره تتحكم فيها واللي هي لبسها
فكيف بتقدر تتحكم بالاعظم ..!!

مهما كان هذي بتكون زوجة ولدي او زوجة اخوي
وبتعيش معانا عمر
كيف اثق انها بتعاملنا بخوف من الله اذا هي مااتقت الله بالاشياء اللي حرمها ..!!


اللي تبي تتزوج تاخذها نصيحه مني واذا ماتزوجت اقولها ادعي علي
اتقي الله اتقي الله في كل شي
في حياتك كلامك لبسك تعاملك
في اهلك كلهم
باختصار اتقي الله في نفسك وشوفي النتيجه :)

كلامك صحيح 100%
الله يتمم لك نقلك على خير

والله كلامــــــــك روووووووووعه وهو في الصميم الوحده تدور لولدها ملكه جمال يعني همهم الشكل فقط اما الدين والاخلاق صفر على الشـــــمال ؟؟ بس بعد الزواج راح يتندمون على الشي هذا .....
والله كلنا نبي الزواج والستر والعفاف بس ربنا قريب ويسمع دعاءنا صدقوني انا متفاءله جدا بأن كلنا راح نتزوج ونفرح بنصيبنا يارب ونفرح انفسنا بالزواج ونفرح اهلـــــــــنا فينـــــــا يارب