سبب تاخير الدوره اللي مرت بحاله زيي تديني امل

السلام عليكم ورحمة الله وبركاته




يا بنات اقروا الموضوع لاخر نقطه لاني محتاجه كل كلمه تكتبوها .. قلبي حزين وربي الشاهد في حسره وضيقه مايعلمها الا رب العباد :44:


انا دورتي منتظمه من يوم بلغت الى قبل شهرين تجيني 11 كل شهر .. عمري 39 سنه .. الشهر اللي راح انتظرتها تجي
ماجات كل الاعراض جت وحسيت فيها ولبست فوطه عبالي بتجي نزلت اقل من نقطه وماعاد جات قلي زوجي حللي يكمن حمل وانا ماخده احتياطاتي المهم حللت مرتين في البيت يوم 13 /3 ويوم 18 /3 في البيت مافي حمل جلست الين 22 /3 رحت المستوصف احلل بول لان دم ماعندهم قالت مافي حمل بس كذا ماهو اكيد لازم تححلي برا دم .. ضاقت بي الدنيا كلها والله الشاهد اني اكل الالم اكل .. جلست لين 6 /4 حللت دم مافي .. رحت للدكتوره اعلمها قالت غريبه .. يمكن لخبطت هرمونات او شي روحي حللي هرمونات وغده .. حللت عندهم والنتيجه باقي لها اسبوع التحليل ياخذ 20 يوم وانتظرت الشهر ذا تجيني 11 ولا جت .. سويت كل شي شربت قرفه وزنجبيل وووو ماخليت شي والله والتحاليل باقي تطلع 20 الشهر ذا .. جبت حبوب تنزيل الدوره لي ثلاث ايام اكلها وخايفه لو تركتها ماتجيني الدوره والله اني خايفه واوسوس ان في ورم واقول زوجي يمكن في مرض ماهو زين .. خوفني قلي خلص شكلك قفلتي وانقطعت عنك .. معقول فيه احد في عمري يجيه سن اليأس ..؟:44:
لو تدرون عن نفسيتي كان قلتوا الله يعينها على مافيها .. خوف خوف ماتتصوروا كيف .. لدرجة ابكي وانا اصلي
نفسي اروح دكتوره خاصه اللي رحت لها حقت مركز الحي شكلها ماعندها سالفه ..

بس بقلكم شغله انا وزوجي نقول يمكن لها علاقه .. انا قبل خمس سنوات اصبت ببو وجيه تعالجت عنه بس باقي اثار بسيطه فسمعت عن رجال يعالج بطق الرقبه ورحت لها يوم 5 /3 ومن بعدها ماشفت الدوره .. ضغط على رقبتي برجله وسمعت صوت طقيق يقول هذي عروقك متعقده ومع اني تحسنت في البدايه بس رجعت زي ما انا ...ماهمني هذا
كل همي الحين سبب تاخير الدوره اللي مرت بحاله زيي تديني امل ولا سنها من سني او تعرف احد بسني صار لها زيي تقلي .. اصغر ولد عندي عمره سنه ونص .. من شوي اصحي زوجي اقله قوم وديني حرمه تمرخ نعرفها قلتله قفلت معاي جلست ابكي من خوف يكون ورم او شي .. حتى الرياضه اسوي رياضه عنيفه وجري ابغاها تنزل ومافي فايده


ربي يجعل من ترد علي وتفرج همي ترزقها بشفاعة النبي .. وتشرب من حوضه الكريم


استغفر الله واتوب اليه