سبب خيانة الزوج مع الخادمه؟؟؟

السلام عليكم ورحمته الله وبركاته

كيفكم يابنات حواء ***** الله ماتشوفوا الا كل خير قدامكم.............بصراحه انا شدتني مواضيع تطرح في المنتدى واغلبها تكون خيانة الزوج وخصوصآ مع الخادمات:angry:...واكيد لاحظتوا ,بالعقل وش اللي يخلي الزوج يخون زوجته مع شغاله في الغالب اقل جمالا من زوجته ااغلبهم ريحتها تقرف الواحد لايوقف بجنبها اقل تعليم ................الخ

بقولكم ليه يخون الرجال زوجته مع خادمتها اللي تشوفينها حشره بنظرك استغفرالله وتقولين من بيناظر فيها اصلا ياحسره علينا نتأمر عليهم وشايفين حالنا وهي من جوه كأنها تقول روحي زوجك خاينك معي وانتي ياغافلين لكم الله..ياهوه ياعالم انا لاالوم الزوج اذا خان زوجته مع خادمته<<لا ابراءه من الخطاء>>اول مايدخل البيت يلقى المزيونه قدامه مجهزه الغداء مرتبه البيت ملبسه العيال مصفطه ملابسه كأنها كتب تجيبلها المويه وهي مبتسمه تشتغل وماتتذمر تمشي وتامر وتنهي في البيت بغياب الزوجه تقدم القهوه اللي يحبها ولابعد تعرف وش اللي يحب ويكره وصاار الرجال متعود على استقبالها له يوميا والزوجه المثاليه اللي ذابحتها الوظيفه وكأ ن العالم بيتوقف لو ماتشتغل تدخل الساعه 1مساء اذا هي معلمه او5 مساء اذا هي تبع مستشفيات او شركات حالتها حاله داخله متعكر مزاجهها تصارخ على هذا وتسب ذا ويافلانه<الشغاله>تعالي خذي البزر غيريله واكليه ونوميه وغسلي ملابس بابا وصلحيله شاي وهذا كله تحت مراء الزوج وبعده تتجه للغرفه مطفيه الانوار ونومه للعصر او للمغرب احيانا ,,تصحين يافلانه سوي قهوه وهي رايحه جايه قدام زوجك وانتي ماتدرين انك تلفتي انتباهه له اكثر لإنه مايلقى منك الاهتمام وقيام بواجباته اذا بغى اكل اوشي بالبيت مايسألك يسألها خلاص معناه انها ملكت مملكتك وانتي مو حاسه ؟؟
اعنبوهها وظيفه اضيع عيالي وزوجي وبيتي واسلم الخيط والمخيط لمرأه غريبه عشان وشو من زينها هالوظايف الراتب للزوج والتعب علي ويكافئني اخرتها مره فوق راسي او خيانه او ياخذ حلالي وانا اطالع او ابنيله بيت او اطلع له قرض اوسياره يعني بإختصا اصرف عليه ولاشكر ولا عرفان؟؟:icon33:

انا مدري شلون هالحريم اللي تطلع للدوام وتترك البيت و الشغاله فيه ماتخافي على زوجك يجي قبلك يشوفها اتسدح وتبطح قدامه حتى لو انه يخاف ربه هي تغريه!!بتقولين عيالي فيه اذا انتي ماكشفتي خيانته وشلون يكتشفوا عيالك ؟؟بعض الحريم تثق ثفه عمياء بالزوج انه ماراح يناظر فيها وشوا عشان خشمك طويل وخشمها افطس او عشانك سعوديه وهي اندونيسيه اوسريلانكيه في النهايه حرمه حالها حالك مافي فرق وهذا اللي يهم الرجال على قولة واحد من ربع اخوي الشغاله اغطي وجهها واشتغلها ..اعوذ بالله..
الوحده تقدر توفق بين البيت والوظيفه مو لازم شغاله تقدرين تخصصين يومين بالخمسه الايام اللي يداومي فيها تنظيف وغسيل والكوي يكون يوم اجازتك وتحاولي ترتبي وقتك وترتاحي والله ماجانا من الخدم الا كل شر سحر وشعوذه ذبحوا عيالنا خذوا رجاجيلنا ملكوا بيوتنا واحنا مو حاسين وش بقوا ماخذوا؟؟؟؟؟؟؟:mad:
اتمنى مازعلوا الموظفات مني وهذا الكلام ليس للكل ..لان حتى ربات بيوت عندهم شغالات مالهم محل من الاعراب
دمتم بود:27: