سبب سؤالي مين ماعندها رغبه بالانجاب , تعالو اقولكم السبب

اللي خلاني انزل الموضوع والله ثم والله اشوف بالمنتديات وجوجيل واقربائي وصديقاتي وحريم تعرفت عليهم يمين بالله ماتحسي فيهم ذرة امومه يبان عليها كارهتهم اطفالها وبعضهن ترمي عيالها وتروح تتزوج سنين ماتسال عنهم

وبعضهم ضرب حيوانات مو ضرب تاديب اللي نعرفه لالا ضرب حمير ضرب انتقام شرس وتقولك نفسيتها تعبانه طيب مااختلفنا وش ذنب الاطفال تجيبينهم ويتحملون تعب نفسيتك؟

وفي وحده بامريكا تزوجت عشييقها وعذب طفلها وهي مشتركه معه بالتعذيب وبالنهايه هي وعشيقها قتلو الطفل وباعترافها وبلسانها
واعرف وحده يمين بالله اولادها يطلعون انصاص الليالي صغار 14 وهي تقول قدامنا طز فيهم عسى سياره تشيلهم ولاتقولو مريضات او فيهم شي لاطبيعيات جدا
واغلب الامهات يجيها اكتئاب بس ماتتكلم عن السبب الحقيقي والسبب هو طفشها ان طفل دخل حياتها وانها تحس انها ماتحبه واسال على هالكلام امام الله وابحثوا بقوقيل
وبعضهم تقول اكره عيالي بس انسوا وجه لوجه تقول هالكلام روحو قوقيل واقروا الفضايح بس انا ما اشوفها فضايح اشوف من حق اي انسانه تعيش زيما احساسها يقولها

لو هي حاسه انها ماعندها امومه مو عيب انها تتزوج وماتنجب وين العيب بالله؟ وبالذات لو بعضهم زوجها اخلاقه زززززززززفت لكن هو والمجتمع يضغطون عليها خلفي ماتقدر تقول اخلاق زوجي زفت بيقولون لها اجل ليه تزوجتي؟
انا اشوف ان العيب يوم تجيب بزران عشان ترضي المجتمع واخرتها تفش غلها بهالاطفال اللي جابتهم عشان تسكت الناس والاطفال يكبرون معقدين ومرضى في المجتمع يعني دايره وحلقه مفرغه من الهموم
طيب هالنماذج من الحريم اكيد ماتحب الاطفال بس تستحي تتكلم طيب ليه الحريم يستحن يقولن انهم مايحبون الاطفال؟ ليه ادعاء المثاليه بالذات حنا السعوديات ؟ شوفو العربيات اخواتنا يكتفون بطفل او اثنين وبعضهم ماتخلف الا بعد سنوات طويله وحنا اول ماتتزوج تفرخ وتقول انا اعشق تراب الاطفال بس يبان من تعاملها انها ماتحبهم او عالاقل غريزتها مو قويه مره زي بعض الحريم امومتهم قويه هذه انا أأيدها تخلف لو عشرين طفل مومشكله لانها تحب
ولاشوفو قصص حريم تغار على زوجها من بنتها وربي مو وحده ولا اثنين ولا عشره كثير تغااار من بنتها
طيب ياناس كثير حريم وبنات يكرهون انهم يكونون امهات بس ليه هالشي ممنوع الكلام عليه ويخافون يصرحون ومحضور وعيب الكلام فيه؟ عشان خايفه ومستحيه لايقولون لها اجل ليه تزوجتي ؟ وينظرون لها انها تدور جنس؟ نظره المجتمع مقرفه بصراحه
ترى مسؤليه الاطفال مرعبه وفي ناس مو قد المسؤليه ولا ماشفنا ناس اخلاقهم تعبانه لان الام تفرخ عشان ترضي المجتمع وبعدين ترميهم الشارع يربيهم (( مو الكل عشان لاتردون والنور مطفي اقصد موجودين بالمجتمع)) مسؤلية الاطفال شي يهد جبال والتربيه عذااب سواء وهو طفل او مراهق او حتى كبير
طيب هل فيه حديث او ايه تدل على تحريم عدم الانجاب؟ ندري الاطفال زينه الحياة الدنيا والرسول عليه السلام وصى بكثرة الانجاب بس مو كل حرمه ترى تحس انها تبي تنجب
وحده جارتي زمان اذكرها كانت تمسك راس بنتها وتدقها بالجدار بس بكراهيه واااضح تكره هالبنت ويوم ثوتقت علاقتنا اعترفتلي بعد ما تدخلت انا وحلفتها ليه تعامل بنتها كذا وقالت يوم خلفتها امي ماتت بعد كم شهر وكرهت البنت حسيتها شؤم والمصيبه ان الام معلمه يعني واعيه وعقلها ماشاءالله اصحى مني ومنك طيب
الزبده دام غريزة الامومه مو قويه عند بعض الحريم ليه المجتمع يبهذلها ويضغط عليها لين تخلف وبعدين تكره نفسها وتطلع العقد على هالضعوف ؟ ليه عمري ماشفت وحده تعترف وتقول انا اكره الانجاب زيما نشوف بالنت تطلع الفضايح صح وبعضهم تقول من ورا الشاشه محد يعرفني لكني استحي اقول هالشي وجه لوجه لان المجتمع حكرني
انتي لو تحبين شي بتحسين كل تعب لاجله يهون والعكس صحيح لو تكرهين شي بتحسين ابسط الشغلات من وراه هم
مني فاهمه ابدا ليه عدم رغبة المراه بالانجاب عندنا عيب الكلام فيه تذكروا كلكم راع وكلكم مسؤل عن رعيته اللي تحس ماتحب المسؤليه والتربيه لاتخلف لازم نوقف بوجه هالمجتمع القمعي افضل من ان تجيب بزران لاجل الناس وتحولهم لكيس ملاكمه تفش غلها عليهم كلما ضاقت فيها بسببهم