Ghena164 :

انتو على محاولتين زعلانين!! انا اول مشواري بديت فالتنشيط وتوقيت الجماع.. وما صار حمل بعدين سويت أشعة الصبغه والحمد لله كل شي كان تمام والأنابيب مفتوحين.. وزوجي سوى تحليل السائل المنوي وكل اموره طيبه. رجعت سويت تلقيح صناعي ٧ مرات ولا مره فاد سويت منظار وما بين شي.. سويت تحفيز للبطانة وبعدها سويت اول عملية اطفال انابيب وما نجحت سويت ثاني عملية اطفال انابيب مع فحص الكروموسومات و كورتيزون وما نجحت فحصت الكروموسومات لي انا ولزوجي وباثنينا سليمين فحصت عن الأجسام المضادة كلها بكل أنواعها طلعت سليمة.. فحصت عن تخثر الدم طلعت سليمه... فحصت عن الالتهابات البكتيريه كلها وطلعت سليمه.... وفوق هذا ثالث محاوله اطفال انابيب مع فحص الكروموسومات عطوني ابر كلكسان ومحلول النتراليبد عن الأجسام المضادة وكرتيزون واسبرين وأبر مثبته وما نجحت وبقدرة قادر صار حمل طبيعي بعد اخر محاوله بسنه.. بعد ولادتي انتظرت سنتين وما صار حمل.. رجعت سويت رابع محاولة اطفال انابيب مع فحص كروموسومات .. وما نجحت رجعت سويت منظار مره ثانيه للرحم مع تحفيز بطانة الرحم خامس محاولة .. ما نجحت سادس محاولة.. ما نجحت سابع محاولة ... ما نجحت ثامن محاول .. اجنه مجمدة.. ما نجحت سافرت اليونان عند واحد من اكبر مراكز الإخصاب وما جابت نتيجه ولا عرفو السبب لان كل الفحوصات سليمه وكل شي سليم رحت لندن مركز بردج وبعد مافي فايدة.. رحت بروكسل مستشفى جامعة بروكسل الي يعتبر ثاني اكبر مركز لفحوصات الكروموسومات بالعالم وهم مافي فايدة... هالشهر رجعت للتنشيط البسيط مع التلقيح الصناعي وبدون اي ادويه... وكل املي برب العالمين.. لما بديت المشوار كان عمري ٢٤ .. اليوم عمري ٣٤ .. ساعات يجيني يأس وغصه.. وساعات اقول ليش استسلم ما زال في امل.. كل دكتور اروح له ابكي عنده بحرقه اقوله يا ريت لو حد بس يقولي شنو السبب يا اقتنع انه مافي امل يا احاول أعالج المشكله.. اما كذي بهالوضع صعب جدا نفسيا احس نفسي انهكت.. الي ابي أوصله ان العلم لين الحين ما توصل لكل شي وما زال جزء كبير من عالم الإخصاب مجهول .. مستحيل حد يقدر يجزم ليش سبب تكرار الفشل... في كثير ناس الطب ما لقى لحالتهم تفسير..

انتو على محاولتين زعلانين!! انا اول مشواري بديت فالتنشيط وتوقيت الجماع.. وما صار حمل بعدين...

جنة الروح٧٠٧٠ :

ماشاءالله تبارك الله عليك الله يعطيك الصحه والعافيه ويزرقك حتى يرضيك لكن نصيحتي لك جربي الرقيه الشرعيه عليك وعلى زوجك يمكن بينكم حسد والله يعننا يارب اجمعين

ماشاءالله تبارك الله عليك الله يعطيك الصحه والعافيه ويزرقك حتى يرضيك لكن نصيحتي لك جربي الرقيه...

Ghena164 :

حبيبتي.. يتهيألك وحده فمثل وضعي ومرت بالي مريت فيه ما جاء فبالها ترقي نفسها؟ بدل المره مليون!! حتى شيوخ دين رحت لهم .. كله بيد رب العالمين أمره بين الكاف والنون.. إنما يقول له كن فيكون

حبيبتي.. يتهيألك وحده فمثل وضعي ومرت بالي مريت فيه ما جاء فبالها ترقي نفسها؟ بدل المره مليون!!...