سبب مشكلتي ( إبره)........!!!

بحاول قد ما اقدر اختصر يوم الثلوث كنت أرتب المستودع وأصفي الغراض اللي فيه
وانا وحده في شهرها التاسع على وشك ولاده, وعندي بنت عمرها سنه انا ارتب وهي معاي في المستودع تحوس .
الزبده جا زوجي في العشا من بره وكنا طبيعيين اخذ البنت وجلسو يلعبون وانا قلت خليني اكمل اللي بايدي بسرعه واروح اجلس معاه شوي جا وهو متجهم وقال وش هالابره اللي طايحه بالصاله قلت يوووه اكيد طاحت وانا انقل الاغراض عسى ما جاك شي؟
قال :طيب لو جات في البنت قلتله يعني انا حاطتها متعمده؟
ومنها الله وكيلكم ما يكلمني شوفونا اليوم السبت.
اللي صار يوم الاربعاء اهلي كلمو قالو بنجيك بكره نسلم عليك ونمشي بعد بكره وهم بيجون من الشرقيه وانا بالرياض... ارسلت له رساله قلت ترى أهلي جايين بكره وناقص كذا وكذا وكذا وانا والله احاول اخلي الوضع عادي وانه خلاص مافي شي يسوى
المهم جا آخر الليل وما جاب شي؟؟؟؟؟؟؟؟؟؟؟؟؟؟؟؟؟
اهلي جو الخميس في الصباح وهو كان عنده دوره ومو موجود ما جا الا 12 ونص الظهر وجلس يراجع في الاوراق الخاصه بالدوره وجيت وسألته تبي تتغدى الحين؟ قال ما ابي.
فجبت القهوه وصبيتله وجلست جنبه ولا كأني موجوده .
قلتله ممكن شوي من وقتك؟ ما رد
انا ما راح أأخرك؟ مارد
هذي مو طريقه تعامل زوجتك فيها!!مارد
تجميد على قرش وهو قاعد يقرى ويراجع الله وكيلكم ساعه الا ربع وانا أحاول وما في فايده
قام ولبس ثوبه وطلع الساعه2 ونص الظهر ومارجع يبات في الليل وهذي اول مره في حياتنا يسويها!!!!!!!!!!!!!!!!!!!!!!!!!\
ورجع الجمعه 9 الليل واهلي قد راحو من العصر ومقفل جواله يعني لو كنت محتاجتله في حالة ولاده؟؟؟؟؟؟؟؟؟
ومنها قررت ما أبادر بأي شي لأني حاولت كثير ومافي نتيجه .

سؤالي؟
فين الشي اللي خلاه يزعل ومين في نظركم اللي مفروض يزعل؟
وهل أستمر في اني أبقى على موقفي وما ابادر وانا مقتنعه مليون بالميه اني ما أخطيت .....
تكفون وجهوني
واعتذر عالكثره