سبب من اسباب تاخر حمل بنات هالوقت وكله بيد الله

تأخر الحمل

السلام عليكم ورحمة الله وبركاته


انا ملاحظه مثل الكل كثرت تاخر الحمل عند بناتنا حتى امهاتنا والعجايز مستغربين هالشي


امي كانت تقول انهم كان طبيعي الوحده تتزوج وبعد 9 شهور يسمعون جالها ذريه..
اما بناتنا واخواتنا؟؟


اقل وحده تحمل بعد سنه واكثرهم بعد علاج..بنات بعمر الشباب تعرضوا للحبوب والابر واطفال انابيب والدليل المنتديات اللي فيها بالآلاف...
اسالوا امهاتكم...هل كانت نسبة العقم عندهم بهالشكل؟؟ طبعا لا.. وانا اقولج اكثر الاسباب.


اولا..قضاء الله وقدره ومشيئته لكن لكل شي سبب.


ثانيا..لو اقولكم ماتصدقون..
مدن الالعاب والالعاب العاليه والبهلوانيه(قطار الموت..الصاروخ..الميكسر)قالت لي عجوز ان البنت اذا ركبت هذه اللعبه قامت بتثبيت جسمها كله واذا انقلبت اللعبه او اهتزت ..مااللذي يتحرك وينقلب؟؟
الاعضاء الداخليه واولها الرحم(.
وكم من فتاه استمرت بدون حمل وعجز الطب عن ذالك حتى عملت تدليك او تمريخ وقسم بالله ان اختي جلست 6 سنوات بدون حمل ومابقى مكان ماسافرت له واخر شي...راحت لحرمه وطلع رحمها صاااااااااااد ودلكتها وربطتها وبنفس الشهر...والله شاهد على كلامي حملت..
ثالثا:الوجبات السريعه..كلها هرمونات واشياء تضر المراه بالذات وتلخبط جسمها كله...والدليل اكثر بنات هالايام وحتى بسن المراهقه دورتهم غير منتظمه.. وعلى قولت احدى العجايز(يااحافظ ماخبرنا البنت عادتها متعفسه)
رابعا..اصابت اكثر البنات بالسدد وهو انسداد في القنوات..والسبب اهمال فترة الدورة الشهريه..شرب البارد والمشروبات الغازيه والاكلات الحامضة واللي لاتناسب هذه الايام.


خامسا..اعرف وحده استمرت 5 سنوات بدون حمل وذهبت الى اكثر من دكتور وقالولها سليمه ومافي سبب يمنع الحمل..واخر شي هدتها صديقتها انها تروح لحرمه تعالج طب شعبي وتوقعوا شنو كان عندها؟؟
(رحمها مليان هوااااااااااء) ولو نقول هالكلام للاطباء قالوا خرافات..قسم بالله هذا كلامها بنفسها...عملت لها كاسات هواء وترديد وضغطت على الرحم وتقول سمعت صوت شي يخرج من الرحم مثل..........الله يعزكم
والحين توها والده ببنت وولد...وطبعا عطتها عسل به اعشاب يزيد الاخصاب وكبسولات جنين القمح اعتقد(مومتاكده من نوع الحبوب)
امي تقول الهواء يكون عند عدم حرص الوحده على نفسها اثناء الدوره..يعني لازم تلبس بنطلون طويل او شورت.


واخير وليس اخرا...موهذي بس الاسباب وعلى قولتهم ياماااا بنات سووا كل هالاشياء وحملو وماضرهم شي لان ارادة الله اقوى من كل شي لكن (اسعى ياعبدي وانا اسعى معاك)

والله العظيم ماكتبته الا من كثر مااحترق لما ادخل القسم هذا من المنتدى..


وشكرا على وقتكم واتمنى الكل يستفيد ويرزقه الله بالذريه الصالحة المعافاه

منقوووووووووول للفائدة لا تنسوني من الدعاء :)

ربي يرزقني الذريه الصالحه الباره

ويخلي لي الغالين
32
14K

يلزم عليك تسجيل الدخول أولًا لكتابة تعليق.

تسجيل دخول

رواز
رواز
والله انك صادقه بكل شي قلتيه
بالذات الوجبات السريعه انا يوم تاخرت بالحمل كنت اقراء عن تاثير الدجاج وانه فيه هرمونات ممكن تاثر والوجبات السرريعه خففت منها كثير واهتميت بنفسي وقت الدورة والحمدلله حملت صح انه بعلاج بس الحمدلله لكن مااراد الله انه يكمل الله يعوضني يارب ويرزق جميع بنات المسلمين بالذرية الصالحه 0000
عصافير لامعة
عصافير لامعة
رواز اللهم امين ربي يعوضك

والدجاج خصوصا كنتاكي


يحطون هرمونات فيه

وتلعب بالحسبه
حلوومه وبس
حلوومه وبس
جزاك الله كل خير
شهد المملكه
شهد المملكه
جزاك الله كل خير
جزاك الله كل خير
جزاك الله الف خير وجعله فى ميزان حسناتك موضوع جيد:26:
عصافير لامعة
عصافير لامعة
ربي يرزقني الذريه الصالحه البارة ويرزقكم