السلام عليكم ورحمة الله وبركاته
اخواتي الغاليات يشهد الله اني دخلت هذا القسم او مادخلته
ان قلبي ودعواتي للجميع بالحمل السليم الثابت والذريه الصالحه
اخواتي انا تزوجت منذ خمس سنوات انعمالله علي بفلذة كبدي وشمعة
حياتي سوسو الله لايحرمني منه
لكن بعده اصبحت افقد اجنتي من غير حول لي ولا قوه سعيت للعلاج في الرياض وجده
لكن دووووووون جدوى او بالحرى لم اكن متحمسه لاني فقط تجربتين
ولم تعني لي الشي الكثير رغم مرارة المره الثانيه لكن
للظروف الدراسه تغربنا انا وزوجي في امريكا وحملت للمره
الثالثه فرحت فرحه كبيره وكاني بكر لاني تاخرت عن الحمل بعد التسقيط الثاني
وماحملت لين تمرخت كنت اتوحم بشكل تمنيت الموت استغفر الله
لكن بالي مشغول باللي في بطني هل بيستمراو بيتوقف نبضه
رحت للدكتوره على طول بلغتها بظروف حملي وان هذا رابع حمل
بعد حملين فاشله قالت بنسوي كل التحاليل المطلوبه بس تاخذ
وقت (امريكا وروتينها )وقلت لها بالحرف عطيني اي شي اسبرين او اي شي مسيل لللدم
ممكن يكون عندي اجسام مضاده قالت نو :o ماقدر اعطيك شي لين تتطلع
التحاليل نزل دم خفيف رحت قالت نو مره ثانيه :( المهم قالت عشان الدم
بسوي لها سونار داخلي اصلا شكل ماعندهم الا داخلي قلنا سويه سوت
السونار وقالت هذا الجنين طيب مافيه شي ومافي اي دم في الرحم والوضع
ممتاز ونبض الجنين اكثر من ممتاز وكنت في نهاية الاسبوع السادس
طلعت من 3عندها وانا حامد ربي قلت خلاص هذا اهم
شي برتاح لين تطلع نتيجة التحاليل ونمت وفي الليوم الثاني نزل مني دم خفيف وقف على طول
الوسواس ذبحني رحنا لها الليوم الثاني يعني بعد الاشعه بيومين قالت نسوي
سونار ثاني وهنا كانت الطاااااااامه الجنين متوقف نبضه في نفس الليوم
اللي سوت الاشعه فيها بس قالت انتظري اسبوع بعيد الاشعه لانه فيل يومين وضعك ممتاز
رجعت بعد اسبوع الوضع زي ماهو سويت تنظيف قالت انتظري ثلاث اشهر لاتحملين انتظرت ثلاث
اشهر بس بعد ماصار حمل في هذه الفتره غيرت الدكتوره واخذت ملفي ورحت للدكتوره متخصصه
في هذا المجال قالت انتي سليمه وسوت تحاليل زوجي وبرضه سليم
وقالت طبيا ماعندك اي مشكله بس احتياط بعطيك فوليك واسبرين ومثبت من اول ماتحملين اخذيها
انزلت للسعوديه وتمرخت من جديد ورجعت والحمد لله حملت بعد سنه من تسقيطي
بس فرحة الحمل ماحسيت فيها من يوم عرفت اني حامل والوساوس والاوهام مسيطره علي تماما
حملت اخذت الادويه اللي قالت لي الدكتوره قالت بسوي لك سونار داخلي لان توي في الشهر الاول
رفضت لانه صابني عقده اقنعتني رفضت قالت خلاص بسوي لك نسبة الحمل اللي كل 48 ساعه وفعلا
سوتها وكانت النتيجه ممتازه
بعد اسبوعين يمكن بنص الاسبوع السادس توي صحيت من النوم الانزل مني
دم كانه دوره واكثر خفت كلمتها قالت تعالي هالحين
رحت لها قالت ماقدر افيدك الا بالاشعه قلت انا خايفه يتوقف النبض بعد الاشعه
قالت لا بالعكس ملايين الحريم يسسونها ماصار لهم شي صرت في دوامه
المهم وافقت قلت يمكن نزل مع الدم خليتها تسويها لقيته حي ونبضه واااااااااااضح والدم تقول برى الكيس
والوضع ممتاز ومافيه شي حتى الدم باقي قليل واضح في الرحم حتى اذا نزل لاتخافين منه
طلعت من عنده فرحانه الارض ماتشيلني طبعا انا زي ماقلت لكم انها اعطتني تحاميل مثبته يعني
اذا ميت حتى بتمنعه ينزل وهذا اللي حصل فعلا وجلست من الاسبوع السادس لين نهاية العاشر
ورحت لها قالت بسوي لك اشعه لانه من حظي الليوم اللي سوت موعد عندها نزل علي دم خفيف عشان كذا سوت الاشعه
وكانت الصدمه اللي ماتمنيت اني اسمعها انهرت قدامها في الغرفه واماعاد اشوف شي كان ودي اصارخ مهب بس اصيح
قالت الجنين متوقف نبضه بعد الاشعه بيوم وحتى الدكتوره انصدمت تقول عمري مامر علي حاله مثلك
ليش يموتون اجنتك بعد الاشعه بالرغم انه وضعك كان ممتاز مرهوكنت مستبعده تماما انه ممكن يموت لان نبضه نفس المعدل الطبيعي
والحمد لله سويت تنظيف ونزلت روحي من وسط روحي كان تعلقي بالحمل ذا
اكثر من اي مره وتعبت بسسبه تعب مايعلم به الا رب العالمين
طبعا وش الفايده من قصتي ذي كلها باختصار انا شخصيا حسيت
ممكن حقيقه وممكن وهم انه السبب ورى توقف نبض اجنتي السونار
ونصيحه مني لكم خاصه اللي ماعندها اي سبب ورى توقف النبض ابعدو عن السونار داخلي خارجي لا تدخلين غرفة الاشعه
:26::26::26:
احب سوسو @ahb_soso
محررة
يلزم عليك تسجيل الدخول أولًا لكتابة تعليق.
ملح الملامح
•
الله يعوضك في اجنتك ويرزقك الذريه عاجلا ليس اجلا
دفء الود
•
اللهم أبدل حزنها فرحا ..
وأتمم عليها الحمل السليم المعافى .. وارزقها الذرية الطيبة
أختي الكريمة ..خذي بالأسباب من علاج ورقية شرعية
ولا تقنطي ولا تيأسي من رحمة الله .. فما يبتلى إلا العبد المؤمن .
وأتمم عليها الحمل السليم المعافى .. وارزقها الذرية الطيبة
أختي الكريمة ..خذي بالأسباب من علاج ورقية شرعية
ولا تقنطي ولا تيأسي من رحمة الله .. فما يبتلى إلا العبد المؤمن .
ياقلبي الله يعوضك بالذرية الصالحة المعافاة
ويجعل ما فقدتيه من حمل شفعاء لك يوم القيامة
ولا يحرمك الآجر يارب
ويجعل ما فقدتيه من حمل شفعاء لك يوم القيامة
ولا يحرمك الآجر يارب
حبيبتي الله يعوضك واحمدي الله على كل حال كثير يتمنو لو طفل لكن انتي احسن من غيرك
يارب يرزقك من حيث لاتحتسبي
يارب يرزقك من حيث لاتحتسبي
الصفحة الأخيرة