سبحانه مغير الأحوال

بسم الله الرحمن الرحيم


أخواتي عندي سؤال وأريد أعرف هل هذا شي طبيعي اللي حصل لي ؟؟

هل وحدة حصل معاها نفس الشيء؟؟



سابقا من كنت بنت في بيت أهلي كانت علاقتي بأمي كثير كبيرة أحكي لها الصغيرة والكبيرة.

ومن أرجع من المدرسة من كنت طالبة او من الشغل بعد ماأشتغلت أظل يجي ساعتين أجلس معاها وأحكي وأسولف وحتى لو مافي شي أظل أسولف :35:؟؟

اذا تطلع أخاف عليها وأقول خاف يصير فيها شيء :44:

يعني أحس كثير كنت قريبة منها ومتفقة معاها بكل شيء ورأيها عندي هو الماشي

وتزوجت ونفس الحالة واستمريت على الحالة هذي بكم سنة كل صغيرة وكبيرة متصلة فيها تلفون

وفي يوم من الأيام أكتشفت انها أخفت شيء عني وهو مشكلة في بيتنا أخفتها مارادت انقهر ماأدري السبب؟!

لاتفهموني غلط اني مازعلت منها ولا عاتبتها ولا صار اي مشكلة بيني وبينها بهذا الشأن


لكن

لا أراديا!!!!!!

ومن يومها اني تغيرت!!!!!! ماأقول لها كل شيء عن اللي يصير في بيتي مع انه هذا المفترض هو الصح انه لابد ان يكون في أسرار او خلونا نسميها خصوصيات بيني وبين زوجي ي ماتطلع حتى لو للأم.

الحين في أشياء كثيرة ماأحب أقولها او آخذ رأيها بيها.

كنت أستشيرها قبل لا أقدم على اي شيء حتى لو تافه الحين بديت اقدم على اشياء كبيرة وهي ماتدري وماعندي نية أقول لها.

فقدت ذيك الأيام واللي كنت احسها اني وياهة واحد حسيت الحين صرنا اثنين.

فقدت متعة البوح لها.

حسيت افكاري وأفكارها بدت تختلف مع انه المفترض العكس يقولون العيال من تكبرون ويصير عدكم أطفال تبدون تفهمون وتقدرون أهلكم.

أشوف اني صرت بالعكس من كبرت وصار عندي أطفال حسيت أفكاري أختلفت عنها وكثير آراء ماأتفق معاها وأمشي اللي في بالي .

هو الحمد لله أأكد مافي مشاكل او زعل المشكلة هي ماعدت مثل قبل :44:

أريد أرجع مثل قبل فكيف ؟؟