سبحان الله شوفوا نصيبها كيف جاها ( لاتيأسوا )

السلام عليكم ورحمة الله وبركاته
رسالتي الى كل يائسه
رسالتي الى كل محطمة
رسالتي الى كل محبطة
رسالتي الى كل متأخره عن الزواج
اخواتي في هذا المنتدى حبيت أزف لكم البشرى
اكيد كلكم مليتوا من كلمة النصيب اذا جا محد يرده والنصيب والنصيب و....
انا بقولكم على قصة انسانه انا مستودع اسرارها وتطلعني على كل شي بحياتها صغيره وكبيره صديقتي هذي عمرها فوق الثلاثين جميله ومعلمة ومتدينه بس سبحان الله الارزاق عند موزع الارزاق لها 10 سنوات تنخطب وما يحصل نصيب اما ترفض هي او يرفض ابوها او الشخص الخاطب يروح بدون رجعه واحياااان كثيره الناس تسأل عنها وما احد يرجع رغم المدح والثناء عليها من الناس المهم طلع فيها مس عاشق عشان كذا مايتم الموضوع جتها بيوم وحده من صديقاتها( متزوجه ) فيها وسواس قهري وتكلم شيوخ وتسالهم عن وسواسها في الموت والصلاة وهكذا جتها قالت لها ابي اكلم شيخ اساله عن شي وهي قاعده تكلم الشيخ قالت ياشيخ انا عندي صديقتي ماشاء الله بنت حلال ومتدينه ومعلمه بس كل ما تنخطب ما يتم الموضوع وقالت لي اعراض ياشيخ كأن بها مس عاشق تقدر تساعدها قال هي عندك قالت ايه جنبي قال خليها تكلمني وكلمها الشيخ وسألها مجموعة أسئلة وبعدين قالها على الرقيه اللي تسويها و بس قفل قام قالت لخويتها المتزوجه سبحان الله صوته شباب كأنه صغير بالسن بس احسه مرتبك صح ؟ قالت خويتها عادي انا لما كلمته كان عادي
قامت تنكت معها قالت يمكن اعجبه صوتك وبكره يتصل يخطبك وجلسوا يضحكون ويتريقون على هالسالفه ونسوا الموضوع
الصباح ثاني يوم وصديقتي بالمدرسه دق جوالها طالعت لقت رقم نفس الشيخ ( لأن خويتها المتزوجه دقت من جوالها ماكان معها رصيد ) استغربت وقالت يمكن يبي يسألني كيف وضعي بعد الرقيه ؟ ردت عليه وكلمها وقال يا اختي انا ابغاك بخدمه قالت تفضل.
قال لها انا خويي انسان ملتزم وعمره 33 (اكبر منها ) وموظف بدائرة حكوميه مهمة وندور له عروس وقال كل المواصفات اللي تبي تسألين عنها إسألي والله راح أجاوبك بكل صراحه ,,, قالت له صديقتي ياشيخ بس انا ما أدور عريس انا كان معاناتي ان الموضوع مايتم قال أدري بس فكري بالموضوع وردي علي .... خمس دقايق بعد المكالمه إلا وهو يرسل لها رساله انه هو اللي هذي مواصفاته مو خويه بس خاف تستحي منه وما تتكلم لو قال لها من البدايه خافت صديقتي بالاول وبعدين استخارت وارتاحت وردت عليه برساله وٍسألها عن اسمها وعايلتها ومكانهم سبحان الله طلع من نفس منطقتها وكلم ابوها وخطبها شفتوا كيف نصيبها جاها من حيث لاتحتسب ... رغم انها تفاجأت من خويتها المتزوجه لما فاتحت الشيخ بالموضوع .... لا ويحلف لها بعدين انه اول ماسمع صوتها قال هذي هي نصيبي
وان بنات كثير يكلموهم يدورون عرسان باي مواصفات بس عشان الستر ...........
تأكدتوا ان الله لابغى يرزق الانسان يرزقه من حيث لايحتسب ...... انبسطوا ... تفاءلوا ....رزقكم عند خالقكم وهو مايضيع أحد رددوا في أنفسكم دائما قوله صلى الله عليه وسلم (( إني عبد الله ولن يضيعني ))