سبحان الله مقسم الأرزاق .. اللهم لا أعتراض../ قديم

سبحان الله مقسم الأرزاق .. اللهم لا أعتراض..
دائماً كنت اتمنى أكون زي كثير من البنات .. تصدقون لو أقول لكم أني ماااااااااعمري تخيلت نفسي في فستان العرس الى متى؟؟؟؟؟؟؟ لما سرت في الكلية ومن كلام صديقاتي عن فارس الأحلام ، والأحلام الوردية ..
أنا طفولتي مرت والحمد لله بسلام ... لكنها ما طولت لأني بلغت بدررري (في رابع ابتدائي) .. ومن هذا الوقت بدت كل مشاكلي .. تعرضت لتحرشات كثيرة من عمامي .(تجاوزت الحد ). والله للحين أتذكر بعض الأشياء وكثيير كثيير منها ما أدري أيش صار لي فيها .. والوحدة بالفطرة تعرف أن هذا الشيء خطأ ..عشان كذا ما كنت أعلم أحد .. وكنت خايفة .. المشكلة مرات أحس أنه حلم أو أني أتخيل الموضوع .. حتى ودي أروح لعمي .. وأقوله صحيح الي صار لي ؟؟ والله كثير أفكر أتصل وأتأكد هل هذا الشي صار!!!
بس ودي أعرف معقوووله ما أحد لاحظ شيء ، والله أتذكر اشياء وأقول كيف رحت معه وما أحد فقدني .
ومرات أشياء صارت في البيت معقولة ما أحد حس بشيء.. يمكن لأنه عمي ..؟ ومرات أقول في أحد أكيد شاف أو حس لكن مخبي الموضوع ... والله تعببببببببببببت من كثر التفكير ..
أصلاً أمي من النوع البعييييييد عنا مع أنها تحبنا كثير ... حتى لما كانت تجيني الدورة .. كنت أفكر اني مريضة .. وأن هذا نزيف وأقعد أبكي .., مع أن هذا الشيء درسناه في المدرسة لكن ما أدري ليه ما كنت أفهم ..يمكن لأنا كنا نردده من غير ما نفهم ...لأن هذيك الاوقات كان تفكيرنا بريييييييئ جدا ً ، مو زي بنات الأيام هاذي يفهمون أكثر منا .. والله الحين البنات الي في المتوسط والثانوي يعرفون أكثر مني ودائماً يقولوا لي أنتي على نياتك.
وأنا أقول في نفسي اني غبيييييييييييييييييييييييه ...مو بريئه .
ولما سرت في الثانوي فهمت ، ووقفت هذي التحرشات .. وانتهت عند كذا ..
وتقدرون تتخيلون كيف كان تفكيري طوال أيام المتوسط والثانوي والكلية ... وهالمراحل اللحين يمرون فيها كثير من قريباتي .. ودائماً كلامهم عن الزواج وفستان العرس والاهتمام الدائم بأنفسهم .. تصدقون أن هذي المواضيع ماااااااعمرها أنفتحت في بيتنا ، ولا عمري تكلمت فيها مع خواتي ، اللي هم اللحين في عمر المراهقة ، ولما نسير عند قريباتي ، أكيد بنات وكلامنا دائماً عن هذيك تزوجت وزوجها حلو وفستانها ومكياجها ..وأن شاء الله يوم عرسي بسوي كذا وكذا ومن هالكلام ... أحس خواتي ولأني الأكبر يستحون مني ومرات يستحون من بعض !!! ويتكلمون مع قريباتي في هالمواضيع ويشاركونهم السواليف ، ويستمتعون فيها .. وأنا بعد أتكلم فيها لكن مو من داخلي مثلهم .. (والله هالكلام كنت أتمنى نتكلم فيه مع بعض مو قدام الناس بس )... وأدري أني أنا السبب لأني أنا الكبيرة .. لكن شسوي أنا نفسي ما عمري فكرت أو فرحت حتى لو داخل نفسي .. حتى لما كنت أفكر ... دائماً ما أوصل بتفكيري لفستان العرس والزواج والأطفال ... أما الصغار اللحين دائماً يقولون أنا لما أكبر وأتزوج بيكون عندي بيت وبجيب أولاد وأسميهم كذا وكذا ..... يااااه أفكار ما عمري تجرأت أفكر فيها ...
الحمد لله أنا ناجحة في الحياة العملية .. ولي كثير من الصاحبات ..وخجولة شوي لكن أمشي حالي في الاجتماعات والعزايم .. يعني حبوبه والحمد لله ...
لكن متى بدأت أنتبه لنفسي بعد التخرج وانا اللحين في نهاية العشرينات.. لما صاروا البنات الي في عمري واصغر مني ينخطبون ويتزوجون .. وانا زي ما أنا .. الحمد لله أنا صابره .. ولما قريت في هالمنتدى عن كثيييييير من البنات الي تأخروا في الزواج قلت الحمد لله مو بس أنا ... لكن حتى لما أدعي الله أنه يزوجني ... أقول معقوله أنه بيجي اليوم الي أصير فيه زوجه وأم زي باقي الناس ... يعني حتى خيالي مايتجرأ يفكر في حياتي وأنا أم وزوجة ؟؟؟؟؟؟
أستغفر الله .. أستغفر الله ... اللهم لا أعتراض .
أدعوا لي بالثبات والمغفرة (لأن أكيد أنا علي ذنب..يعني في المتوسط والثانوي ما قدرت أسوي شيء .. والله أني هبله هبله هبله مية مرة ).... وبالزوج الصالح الملتزم الي يحبني ويستر علي ويعوضني عن الي فاااات ..
اللهم أغفر لي وارحمني وتب علي وتولني وستر علي .......آميييين يارب العالمين .