سبحان مغير الاحوال ؟!

السلام
والله ولد عمي صغير توه انسان رياضي وعنده احزمة وبطولات برياضة الجودو كان ماشاء الله عليه وردة مفتحة
قلت لكم في اول رمضان فجأة يعاني في الام قوية بيديه وجسمه بررها يمكن بسبب انه يلعب حديد وتمارين بعدين زاد معاه راح فحصشكو فيه ودوه تحاليل كاملة
بعدين صارحوه قالو له انت معك سرطان بالعظام ويمكن ماتعيش كثير اذا ماتعالجت
قعد تحاليل علاجات وتجول بالمشافي
راح للرياض صد ورد وكلام بعدين قالو له عندك حل ينهي المرض كله هو تغيير المفصل بالكامل لانه المرض بهذي المنطقة موجود ورح يختفي المرض بس مع تغيير المفصل يدك يتوقف العمل فيها تصير مظهر فقط انت اختار ياتغير المفصل او نتابع علاج كيماوي وهو اختار العملية
والله سواها اي والله عشان يروح المرض منه ودخل مرحلة نقاهة وخطيبته كنسلت عنه اول مامرض يقولي اخوي ابو العروس سمعه كلام قاسي جدا وجارح بس لانه ولد عميقال ممكن يتغير شي صبركم علي قعد له يقوله انت عاجز ومريض وش درانا نزوجك بنتنا تقعد تمرض ثاني اخس على شيبتك قهرني كأنه المرض بيده مو قدر من رب العالمين بس ماودي اسب واتدخل ولا كان سمعته كلام يجيب له جلطة هو وحرمته
انا اعذرها صح بس مو بالطريقة هذي ارحمو الرجال شوي
والله اشوفه مقهور جدا الله يكون معه والله زوجي قالي ذولي ناس مايستحون واذا مسكت الاب غير امسح بشنبه الارض بس ماقاعد اشوفه مختفي
بس قاله معاهم حق يعني ايش تبغى فيني صرت اشبه بعاجز يدي ما استفيد منها بشي والحمدلله على كل حال
والله زعلانة عليه شوفو سبحان الله كيف يغير الله حالنا بلحظة بس ان شاء الله ربي بيعوضه ان الله اذا احب عبده ابتلاه يعني اخذ منه شي وبيعوضه خير اكيد اهم شي المرض راح عنه
اللهم انا نعوذ بك من زوال نعمتك وتحول عافيتك وفجاءة نقمتك وجميع سخطك